Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.
Ama ba jaŋ sisii, dɩ mɩ ŋaa kʋdiilee arɩ kʋnyʋalaa a pɩba a leŋ dɩ ba bugi, dɩ ŋɩɩ leŋ dɩ ba mɔmɔ ŋɩŋaa goŋ, a pɩŋ a kaa mʋ wuu a bɩ sii. Mɩ-na ma TƖƖNA nɛ bʋla.
Mɩ jaŋ leŋ dɩ laalɩŋ kʋ gɩrɛma a tɩŋ ma sɩ chei nii-la sɩ hɛ mɩ dɩ ma pɛgɛ. Dɩ ma nɛ fá jʋʋ ma tabalaa dɩ ma laa ma mɩɩsɩŋ, mɩ jaŋ joŋ nyanyal bɔŋŋɔɔ hɛ ma lɛ dɩ ma dʋndɔŋŋɔɔ yuo diima.