JƐRƖMAAYA 50:34 - WƖA TENIŊ

³⁴ Ama ba Laataara kɛŋ doluŋ nɛ, ʋ yɩrɩŋ nɛ La TƖƖNA doluŋ kala Tɩɩna. Ʋ jaŋ faasa chɩna gbɛrɛba a leŋ dɩ ba na wiese ba tinteeŋ lɛ. Ama Babɩlɔŋ nɩaa-na bɩ jaŋ na wiese.

JƐRƖMAAYA 50:34 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 6:39

ŋ hɛ ŋ jaŋ lɛ nɛ, jegile nɩɩ ba sʋla a fá ba nenige a joŋo chɛba.

JOB 19:25

Ama mɩ jɩma mɩ Laataara hɛ nɩmɛ nɛ. Wɩaa deemba kala dɩdɛrɩŋ ʋ jaŋ kʋ chɩna bʋla laamɛ dʋnɩa deeŋ lɛ.

WƖA YƖƖLAA 35:1

La Tɩɩna, nɩalɩŋ sɩ bɩ mɩ harɩŋ chɩna, lɩɩ ba harɩŋ aŋ yuo nɩalɩŋ ma sɩ kɛmmɛ yuyuo.

WƖA YƖƖLAA 43:1

La Wɩa, leŋ dɩ nɩaa jɩŋ arɩ mɩ bɩ wɩɩ cheye, a chɩŋ mɩ harɩŋ dɩ nɩalɩŋ sɩ bɩŋ ka to sɩ́ mɩ wuo. Laamɛ ta nɩbɔŋŋɔɔ arɩ wʋnyɩɛraa nɩsɩŋ lɛ.

MOSIS KƐŊ IZIRAL TƖŊŊAA LƖƖ 6:6

Ŋɩɩ wɩaa, bʋla pɩ Iziral tɩŋŋaa: ‘Mɩ nɛ ŋaa Wɩa, ma TƖƖNA, mɩ jaŋ lɩɩsɛma hɛɛ-la ma sɩɩ na Ijipiti tɩŋŋaa nɩsɩŋ lɛ. Mɩ jaŋ laama ta arɩ mɩ doluŋ, dɩ ma bɩra sɩ́ yosi ŋaa. Mɩ jaŋ dɔgɩsɛ Ijipiti tɩŋŋaa.

NAMAGABA 22:23

bɛɛ wɩaa, La Tɩɩna jaŋ laa bʋla pɩba a chei nɩalɩŋ sɩɩ cheiba.

NAMAGABA 23:11

bɛɛ wɩaa Wɩa doluŋ kala Tɩɩna nɛ chɩŋ ba harɩŋ. Ʋ jaŋ laa ba wɩɩŋ bʋla pɩba a leŋ dɩ ŋ laa cheeriŋ.

AZAAYA 41:14

La TƖƖNA, ma Laataara sɩ ŋaa Iziral tɩŋŋaa Wɩa a bɩ disiniŋ kɛnɛ sɩ, “Iziral tɩŋŋaa ma muuro nɛ a bɩ doluŋ ma kɛnɛ, ama má sɩ́ fawʋllʋŋ fá, mɩ jaŋ pɛ ma lɛ.

AZAAYA 43:14

Wɩɩ-la La TƖƖNA, ma Laataara Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Ma wɩaa nɛ tɩɩ mɩ jaŋ ŋaa dɩ laalɩyuoroo mʋ Babɩlɔŋ a chei taŋ-la kala. Ba babiibal goŋ-la ba sɩɩ ŋaa jaŋ bɩrɩmɛ yele.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 47:4

La Laataara yɩrɩŋ nɛ La TƖƖNA doluŋ kala Tɩɩna, ʋ nɛ ŋaa Iziral tɩŋŋaa Wɩa sɩ bɩ disiniŋ kɛnɛ.

AZAAYA 49:25

Ama La TƖƖNA sɩ, “Dɩ nʋʋ nɛ paala bɩ jaŋ wuo kɛŋ laalɩyuori-wajɩa yomo laa, koo a laa kɩalɩŋ nɩtɛrɛ sɩ yuo laa, mɩ-na jaŋ wuo ŋaa ŋɩɩ. Mɩ-na ma TƖƖNA jaŋ yuo nɩalɩŋ sɩɩ yuoŋ, a laa ŋ biiriŋ ta.

AZAAYA 51:22

Wɩɩ-la La TƖƖNA Wɩɩjarɩbakɔ, ma Wɩa sɩ chɩŋ ma harɩŋ sɩ bʋla nɛ ŋ-la: “Mɩ kɛŋ hɛɛ-la mɩ fa sɩ na baanɩŋ a joŋo hɛ ma lɛ a leŋ ma gɩgɛrɛ a dʋɔrɛ ma lɛ nɛ. Ma bɩra bɩ jaŋ naʋ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

JƐRƖMAAYA 10:16

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

JƐRƖMAAYA 15:21

Mɩ jaŋ laaŋ ta nɩbɔŋŋɔɔ nɩsɩŋ lɛ, a laaŋ ta tʋɔhɛɛ tɩŋŋaa nɩsɩŋ lɛ.”

JƐRƖMAAYA 30:20

Ba biiriŋ jaŋ nagɛ faafaa-la, dɩ ba tasɩŋ ma chɩŋ woruŋ mɩ sɩɩŋ lɛ. Mɩ jaŋ dɔgɩsɛ nɩalɩŋ kala sɩ nyagɛba bil.

JƐRƖMAAYA 31:11

La TƖƖNA sɩ, “Mɩ jaŋ laa Iziral tɩŋŋaa ta, mɩ jaŋ laaba ta nɩalɩŋ sɩ dolie kɩɩba nɩsɩŋ lɛ.

JƐRƖMAAYA 31:35

Wɩɩŋ deeŋ nɛ La TƖƖNA bʋl, nɩɩ-la sɩ leŋe wɩɩpɔsʋŋ pʋpɔsɛ wɩɩhɛyɛ, a leŋ chɛnɛ arɩ chɛnwʋlaa pʋpɔsɛ tɩtaŋɩŋ, ʋ nɛ yie kɛŋ mʋgʋ-balɩŋ vuugi ʋ lɩɩ-peliŋ dɔŋ. Ʋ yɩrɩŋ nɛ La TƖƖNA doluŋ kala Tɩɩna.

JƐRƖMAAYA 32:18

Ŋ yie dagɛ ŋ chonuŋ a pɩ nɩaa bʋɩba nɛ, ama ŋ yie dɔgɩsɛ nɩaa biiriŋ arɩ ba nihee a tɩŋ ba nyɩmmaba wʋbɔŋŋɔɔ wɩaa. Ŋ nɛ Wɩa sɩ faasa kɛŋ doluŋ, ŋ yɩrɩŋ nɛ La TƖƖNA, doluŋ kala Tɩɩna.

JƐRƖMAAYA 48:15

Ba jaŋ chei Mʋab arɩ ʋ tasɩŋ, ba jaŋ kpʋ ʋ bapʋɔsɛ zɔŋŋɔɔ kala. Mɩ-na Kuoro nɛ bʋla, mɩ yɩrɩŋ nɛ ma TƖƖNA doluŋ kala Tɩɩna.

JƐRƖMAAYA 51:19

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

JƐRƖMAAYA 51:36

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

JEMBIEE 3:58

La TƖƖNA, ŋ chɩŋ mɩ harɩŋ nɛ a laa mɩ mɩɩsɩŋ pɩmɛ.

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

MƖKA 4:10

Zaayɔŋ nɩaa, maa na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ nɛ. Ʋ lɛɛlɛ maga dɩ ma lɩɩ tabal-la lɛ nɛ a mʋ ŋmoo buguŋ pɔkɔŋ nyuŋ. Ma jaŋ mʋ Babɩlɔŋ, nɩmɛ nɛ mɩ jaŋ laama ta. Mɩ-na ma TƖƖNA jaŋ laama ta ma dʋndɔŋŋɔɔ nɩsɩŋ lɛ.

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

Jɔɔŋ Wʋnaalaa 18:8

Ŋɩɩ wɩaa wʋlɔrʋnʋŋ deemba jaŋ jʋʋba chɛ-bala: Ʋ nɩaa jaŋ sʋʋ, dɩ ba tʋɔŋ chei, dɩ losuŋ ma jʋʋba. Nyiniŋ ma jaŋ diiba. Wɩaa deemba kala jaŋ ŋaa, bɛɛ wɩaa La Tɩɩna Wɩa sɩ jaŋ diiu sarɩya kɛŋ doluŋ.”