JƐRƖMAAYA 50:31 - WƖA TENIŊ

³¹ Bee na, sɩɩ-duo tɩɩna mɩ chɩŋ ŋ lɛ nɛ. Mɩ-na ma TƖƖNA doluŋ kala Tɩɩna nɛ bʋla. Ŋ tapʋlʋŋ kɔ nɛ, bʋa-la lɛ sɩ maga ba dɔgʋsʋŋ.

JƐRƖMAAYA 50:31 ပူးပေါင်းရင်းမြစ်များ

AZAAYA 2:12

Tapʋlɩɩ-la, La TƖƖNA doluŋ kala Tɩɩna jaŋ leŋ dɩ nɩalɩŋ sɩɩ bigisi ba tɩtɩa lɛ arɩ nɩalɩŋ sɩ kɛŋ ba tɩtɩa je sɩaa tuu tinteeŋ.

JƐRƖMAAYA 21:13

Jerusalɛm, mɩ-na ma TƖƖNA chɩŋ ŋ lɛ nɛ, ŋ-na Jerusalɛm sɩ sagɛ tintee leŋiŋ nyuŋ a keese tɔ fuonaasɩŋ lɛ a nagɛ bʋŋ sɩ je wɩa-nyuŋ a keese tɔ tintee taala lɛ ŋɩɩ. Ma sɩ: ‘Kʋbɛɛ nɛ jaŋ wuo kʋ yuola? Kʋbɛɛ nɛ jaŋ wuo kʋ jʋʋ lee-la la sɩ faa?’

JƐRƖMAAYA 48:29

La nɩɩ Mʋab babii-ballɩŋ wɩaa nɛ, ʋ babiibal kɩŋkɛŋ-la arɩ ʋ dagɛ ŋ-tɩtɩɩ arɩ ʋ sɩɩ-duoŋ.

JƐRƖMAAYA 49:16

Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.

JƐRƖMAAYA 50:29

Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

JƐRƖMAAYA 50:32

Sɩɩ-duo tɩɩna-la jaŋ gɛrɛ tel, nʋʋkala bɩ jaŋ pɛ ʋ lɛ dɩ ʋ sii. Mɩ jaŋ chol nyiniŋ hɛ ʋ tasɩŋ lɛ dɩ ʋ dii nɩalɩŋ sɩ gollu.”

JƐRƖMAAYA 51:25

Mɩ chɩŋ ŋ-na Babɩlɔŋ lɛ nɛ, ŋ nagɛ peeliŋ nɛ a chei nɩaa. Ŋ chei dʋnɩa kala nɛ. Mɩ jaŋ lɩɩsɛ nɩsɩŋ a liesiŋ, a bilimiŋ ta peel-la nyuŋ, a leŋ dɩ ŋ dii nyiniŋ.

ƐZƖKƖƐL 29:3

Bʋla pʋ, Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ chɩŋ ŋ-na Ijipiti tinteeŋ kuoro lɛ nɛ. Ŋ nagɛ peribanyeŋŋu nɛ a pɩŋ ŋ fuonaasɩŋ lɛ. Ŋ sɩ, ‘Mɩ nɛ tɩɩ Naayɩl fuo-la, mɩ-na nɛ luu a pɩ mɩ tɩtɩa.’

ƐZƖKƖƐL 38:3

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ ŋaa ŋ-na Gɔg, Mɛsɛk arɩ Tubal nɩaa sɩpaalaarʋ dʋndɔŋ nɛ.

ƐZƖKƖƐL 39:1

Nuhuobiiŋ, mɩ doluŋ lɛ bʋl wɩalɩŋ sɩ jaŋ ŋaa Gɔg lɛ. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ chɩŋ ŋ-na Gɔg sɩ ŋaa Mɛsɛk arɩ Tubal nɩaa sɩpaalaarʋ lɛ nɛ.

ƐZƖKƖƐL 5:8

Ŋɩɩ wɩaa, wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: mɩ chɩŋ ŋ-na Jerusalɛm lɛ nɛ. Mɩ jaŋ dɔgʋsʋŋ tinteye-la kala sɩɩŋ lɛ.

NAHUM 2:13

La TƖƖNA doluŋ kala Tɩɩna sɩ, “Mɩ chɩŋ ŋ lɛ nɛ. Mɩ jaŋ nyɩgɛ ŋ janɩŋ torukoba aŋ kpʋ ŋ laalɩyuoroo arɩ tokobiiŋ. Mɩ bɩ jaŋ leŋ kʋŋkala a pɩŋ tinteeŋ lɛ. Nʋʋ bɩra bɩ jaŋ nɩɩ ŋ tɩndaara-la sɩɩ fugisi nɩaa yikoro.”

NAHUM 3:5

Ŋɩɩ nɛ La TƖƖNA doluŋ kala Tɩɩna bʋl, “Mɩ chɩŋ ŋ lɛ nɛ. Mɩ jaŋ kɛŋ ŋ gondoŋ wuro tɔ ŋ sɩaa, aŋ leŋ dɩ tinteyee nɩaa na ŋ yarɩ-biree, dɩ ŋ hɩɩsɩŋ lɩɩ.

Jeems 4:6

Ama Wɩa fá la nenige nɛ woruŋ a pɩpɛ la lɛ dɩ la joŋ la tɩtɩa kala a pʋ. Ŋɩɩ nɛ tɩɩ ba ŋmʋnsɛ Wɩa teniŋ tʋɔŋ arɩ Wɩa vɩa nɩalɩŋ sɩɩ bigisi ba tɩtɩa lɛ nɛ aŋ pɩpɛ nɩalɩŋ sɩ kɛŋ ba tɩtɩa muuri lɛ.

1 Pɩɩta 5:5

Ma bapʋɔsɩ-biisiŋ ma, má joŋ ma tɩtɩa hɛ ma nɩhɩasɩŋ nɩsɩŋ lɛ. Má kala kɛŋ ma tɩtɩa muuri dɔŋɔba teeŋ. Má liisi arɩ Wɩa teniŋ tʋɔŋ ba bʋla, “Wɩa lɩɩ nɩalɩŋ sɩɩ bigisi ba tɩtɩa lɛ harɩŋ nɛ, ama nɩalɩŋ sɩ kɛŋ ba tɩtɩa muuri, ʋʋ pɛ ba lɛ nɛ.”

Jɔɔŋ Wʋnaalaa 18:8

Ŋɩɩ wɩaa wʋlɔrʋnʋŋ deemba jaŋ jʋʋba chɛ-bala: Ʋ nɩaa jaŋ sʋʋ, dɩ ba tʋɔŋ chei, dɩ losuŋ ma jʋʋba. Nyiniŋ ma jaŋ diiba. Wɩaa deemba kala jaŋ ŋaa, bɛɛ wɩaa La Tɩɩna Wɩa sɩ jaŋ diiu sarɩya kɛŋ doluŋ.”