JƐRƖMAAYA 50:3 - WƖA TENIŊ

³ Tinteeŋ nɩaa jaŋ lɩɩ wɩɩpɔsʋŋ nagʋa dɩɩrɩŋ a kʋ yuou, a leŋ dɩ ʋ tinteeŋ pɩŋ hoi. Nʋʋkala bɩ jaŋ hɛ nɩmɛ. Nuhuobiinee arɩ pʋsʋŋ jaŋ fá viiri.”

JƐRƖMAAYA 50:3 ပူးပေါင်းရင်းမြစ်များ

WƖAA DƖ-SUOMUŊ 6:7

Ŋɩɩ nɛ La TƖƖNA bʋl, “Mɩ jaŋ chei kʋŋkala sɩ hɛ dʋnɩa lɛ a kɛŋ mɩɩsɩŋ, nuhuobiinee, pʋsʋŋ arɩ baga kɩaa, kɩalɩŋ sɩɩ tuuri tinteeŋ arɩ zaaraa, mɩ tʋɔŋ cheye nɛ mɩ sɩ ŋaaba.”

MOSIS KƐŊ IZIRAL TƖŊŊAA LƖƖ 12:12

Tɩtaŋ-la tɩtɩa, mɩ jaŋ gɔllɛ Ijipiti tinteeŋ a kpʋ ba hambolibii-hɩasɩŋ arɩ ba pʋsʋŋ bii-bumbumba sɩ ŋaa belliŋ a leŋ vesi-la kala sɩ hɛ Ijipiti lɛ jɩŋ arɩ ba bɩ kɩaa ŋaa, mɩ nɛ ŋaa ma TƖƖNA.

AZAAYA 41:25

Nʋʋ sɩ lɩɩ wɩɩpɔsʋŋ dɩɩrɩŋ a kɛŋ mɩ yɩrɩŋ tɩtɩŋ nɛ mɩ lɩɩsɛ. Ʋ jaŋ lɩɩ wɩɩpɔsʋŋ nagʋa a kʋ yuoma. Ʋ yie nʋɔsɛ kuoroo a bil tinteeŋ nɛ a nagɛ ba sɩ nʋɔsɛ tɩɛrɩŋ koo a nagɛ pupo-mɛɛrɛ sɩ yie nʋɔsɛ chʋrʋŋ ŋɩɩ.

AZAAYA 45:1

Wɩɩ-la La TƖƖNA sɩ bʋla pɩ Siirus, nɩɩ-la ʋ sɩ lɩɩsa a pʋ doluŋ dɩ ʋ yuo dii tinteyee aŋ dʋɔrɛ kuoroo ba doluŋ lɛ nɛ ŋ-la: “Mɩ jaŋ suri tabalaa boi-baalaa pʋ, boi-baala-la bɩ jaŋ tɔ.

JƐRƖMAAYA 21:6

Mɩ jaŋ kpʋ nɩalɩŋ sɩ hɛ tabalɩŋ deeŋ lɛ, nuhuobiinee arɩ pʋsʋŋ kala. Nyanyal-bɔŋ nɛ jaŋ kpʋba.’ ”

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 51:48

Wɩa-nyuŋ arɩ tinteeŋ arɩ kɩalɩŋ kala sɩ hɛ ba lɛ jaŋ ŋaa goŋ arɩ tʋɔtɔrʋŋ Babɩlɔŋ nyuŋ, bɛɛ wɩaa laalɩyuoroo sɩɩ chei leriŋ jaŋ lɩɩ wɩɩpɔsʋŋ nagʋa a kʋ yuou. Mɩ-na ma TƖƖNA nɛ bʋla.

JƐRƖMAAYA 51:62

aŋ bʋl, ‘Ou La TƖƖNA, ŋ sɩ ŋ jaŋ chei leriŋ deeŋ, dɩ nuhuobiiŋ koo pʋna sɩ́ nɩmɛ hɛ. Ŋ sɩ ʋ jaŋ pɩŋ hoi a kaa mʋ wuu.’

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

ZEFANAAYA 1:3

Mɩ jaŋ tii paa nuhuobiinee arɩ pʋsʋŋ, diibiisiŋ arɩ chenfilee sɩ hɛ mʋgʋ-balɩŋ tʋɔŋ. Nɩbɔŋŋɔɔ jaŋ daŋ dɔŋɔ lɛ a sii chʋɔrɛ, dɩ mɩ nɛ kpʋ dʋnɩa nɩaa kala.” La TƖƖNA nɛ bʋla.