JƐRƖMAAYA 50:29 - WƖA TENIŊ

²⁹ Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

JƐRƖMAAYA 50:29 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 10:3

Ŋɩɩ nɛ Mosis arɩ Arɔŋ mʋ Ijipiti tinteeŋ kuoro teeŋ, a bʋla pʋ, “La TƖƖNA, Iziral tɩŋŋaa Wɩa sɩ, ‘Ɛɛ nɛ ŋ chɛ dɩ ŋ vɩa mɩ niiŋ diene magɛ? Leŋ dɩ mɩ nɩaa mʋ a chʋɔlɛmɛ.

AZAAYA 37:23

Kʋbɛɛ nɛ ŋ bɩɩnɛ ŋ tʋʋsa aŋ chichei ŋɩɩ? Kʋbɛɛ nyuŋ nɛ ŋ ŋɩŋaa goŋ arɩ babii-ballɩŋ ŋɩɩ? Iziral tɩŋŋaa Wɩa sɩ bɩ disiniŋ kɛnɛ teeŋ nɛ ŋ ŋɩŋaa wɩaa deembaa?

AZAAYA 47:10

Ŋ joŋ ŋ yɩɛlaa hɛ wʋbɔŋŋɔɔ ŋaanɩŋ lɛ nɛ aŋ bʋl, ‘Nʋʋkala bɩ mɩɩ na.’ Ŋ wʋjɩmɩŋ arɩ ŋ kʋjɩma leŋe ŋ yeŋŋi nɛ. Ŋ sɩ ŋ dʋndʋŋa nɛ hɛ nɩmɛ. Kʋŋ dɔŋ bɩra tuo a magɩŋ.

JƐRƖMAAYA 25:14

Babɩlɔŋ tɩmma-la jaŋ ŋaa tintee daŋ nɩaa arɩ kuori duoruŋ yosi. Mɩ jaŋ timba a tɩŋ ba mɛlɛ arɩ ba wʋŋaalaa wɩaa.”

JƐRƖMAAYA 48:26

Má leŋ dɩ ʋ bugi, bɛɛ wɩaa ʋ dagɛ ʋ tɩtɩa nɛ mɩ-na ma TƖƖNA teeŋ. Má leŋ dɩ Mʋab bilimi kɩalɩŋ ʋ sɩ tʋɔsa tʋɔŋ. Má leŋ dɩ ʋ bɩrɩmɛ kʋŋ dɩ nɩaa sisieri ʋ lɛ.

JƐRƖMAAYA 49:16

Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.

JƐRƖMAAYA 50:24

Babɩlɔŋ, mɩ hɛ bɛrɛ nɛ a bil ŋ lɛ, ŋ jaŋ jɩjɩŋ dɩ ʋ kɛnɩŋ. Ba naŋ nɛ a yuo kɛnɩŋ, bɛɛ wɩaa ŋ lɩɩ mɩ-na ma TƖƖNA harɩŋ nɛ.

JƐRƖMAAYA 50:26

Má yuo Babɩlɔŋ sɛmɛ kala. Má yɛrɛ ʋ virisiŋ, a paaba chʋɔrɛ a nagɛ mɩaa. Má chei ʋ kala gbelem gbelem a sɩ́ leŋe dɩ nʋʋkala ka.

JƐRƖMAAYA 50:32

Sɩɩ-duo tɩɩna-la jaŋ gɛrɛ tel, nʋʋkala bɩ jaŋ pɛ ʋ lɛ dɩ ʋ sii. Mɩ jaŋ chol nyiniŋ hɛ ʋ tasɩŋ lɛ dɩ ʋ dii nɩalɩŋ sɩ gollu.”

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:3

Má sɩ́ leŋe dɩ to-yuoro wuo lɛrɛ ʋ toŋ hɛ, má sɩ́ leŋe dɩ ʋ wuo laalɛ bayuori kɩaa. Má sɩ́ ʋ bapʋɔsaa kʋŋkala leŋ. Má chei ʋ laalɩyuoroo kala gbelem gbelem.

JƐRƖMAAYA 51:49

Babɩlɔŋ tɩŋŋaa kpʋ dʋnɩa nɩaa a yʋgɛ nɛ ama lɛɛlɛ Babɩlɔŋ jaŋ tel a tɩŋ ba sɩ kpʋ Iziral tɩŋŋaa wɩaa.”

JƐRƖMAAYA 51:56

Laalɩyuoro-la sɩɩ chei leriŋ jaŋ kɔ Babɩlɔŋ lɛ. Ʋ jaŋ yuo kɛsɛ Babɩlɔŋ laalɩyuoroo, a bori ba tosuŋ. Mɩ-na ma TƖƖNA Wɩa nɩɩ tiŋ wʋbɔŋ ŋaaraa chɩmɩŋ, mɩ jaŋ timba ŋɩɩ sɩ maga.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

OBADAAYA 1:15

Mɩ-na ma Tɩɩna tapʋlɩɩ-la kpaga nɛ dɩ mɩ dɔgɩsɛ tinteyee nɩaa kala. Ɛdɔm, wɩalɩŋ ŋ sɩ ŋaa ba tɩtɩa nɛ mɩ jaŋ joŋo ŋaa ŋ lɛ, ŋ wʋŋaalaa kala jaŋ gʋra nyʋa ŋ nyuŋ lɛ.

2 Tɛsalonaaka Nɩaa 1:6

Wɩa kɛŋ wʋtɩtɩɩ, ʋ jaŋ dɔgɩsɛ nɩalɩŋ sɩ dɔgɩsɛma a magɛ ŋɩɩ kala ba sɩ dɔgɩsɛma magɛ.

2 Tɛsalonaaka Nɩaa 2:4

Ʋ nɛ ŋaa nɩɩ-la sɩ lɩɩ Wɩa harɩŋ a kɛŋ ʋ tɩtɩa a kaa yʋga kɩɩ Wɩa arɩ kʋŋkala nuhuobiine sɩɩ chʋɔlʋ. Ʋ jaŋ jʋʋ hɔŋ Wɩa dɩa tʋɔŋ a bʋl arɩ ʋ nɛ ŋaa Wɩa.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.