JƐRƖMAAYA 50:27 - WƖA TENIŊ

²⁷ Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 50:27 ပူးပေါင်းရင်းမြစ်များ

JOB 18:20

Ʋ wɩaa kperi nɩalɩŋ sɩ hɛ wɩɩjʋʋlʋŋ dɩɩrɩŋ nɛ, fawʋllʋŋ jʋʋ nɩalɩŋ ma sɩ hɛ wɩɩpɔsʋŋ dɩɩrɩŋ, ba chichel.

WƖA YƖƖLAA 22:12

Mɩ dʋndɔŋŋɔɔ yʋga a gollimi a nagɛ Basaŋ tinteeŋ nɛ-bel duoruŋ sɩ werige.

WƖA YƖƖLAA 37:13

Ama La Tɩɩna ka mɔŋ nɩbɔmɔ-la nɛ, bɛɛ wɩaa ʋ jɩma arɩ tapʋlɩɩ-la ʋ sɩ jaŋ cheiba kpaga nɛ.

AZAAYA 21:12

Nɩɩ-la sɩ pɔ a bibeŋ leriŋ sɩ, “Taŋ jaŋ pʋl, dɩ taŋ bɩra biri. Dɩ ŋ nɛ ha cho dɩ ŋ pɩɛsɛmɛ, ŋ jaŋ bɩra wuo kʋ pɩɛsɛ.”

AZAAYA 34:6

La TƖƖNA tokobiiŋ kala tɔ chalɩŋ arɩ nʋʋŋ nɛ a nagɛ ba sɩ kpʋ pie-pɔrɔɔ arɩ bʋʋnaa a ŋaa Wɩɩsʋlʋŋ. La TƖƖNA kpʋ Wɩɩsʋlʋŋ pʋsʋŋ nɛ woruŋ tabal-la ba sɩɩ yɩrɛ Bozira, Ɛdɔm tinteeŋ lɛ.

AZAAYA 34:7

Nɩalɩŋ kala jaŋ sʋʋ a nagɛ nɛ-ferisiŋ arɩ nɛ-bel-pɔrɔɔ. Ba tinteeŋ kala jaŋ fɩɛsɛ arɩ chalɩŋ, dɩ hagɩla tɔ arɩ nʋʋŋ.

JƐRƖMAAYA 12:3

La TƖƖNA, ŋ jɩmmɛ nɛ, ŋ namɛ nɛ a magɩsɛ mɩ tʋɔbɩɩnaa na a tɩgɛ ŋ lɛ. Lɛrɛ nɩbɔmɔ-la a nagɛ ba sɩ lɛrɛ piesee mʋmʋ dɩ ba kpʋ. Pɔrɛba bil a gbɛrɛ tapʋlɩɩ-la ba sɩ jaŋ kpʋba.

JƐRƖMAAYA 25:34

Ma sɩpaalaaraa, má ŋmoo niiŋ a yel. Ma nɩalɩŋ sɩɩ beŋ nɩaa, má bibilimi tinteeŋ. Bʋa-la lɛ ba sɩ jaŋ kpʋma yie nɛ. Ma jaŋ tel a pɩsɛ a nagɛ pupoiŋ sɩ munso.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 48:10

Ŋmɩaŋ jaŋ dii nɩɩ-la kala sɩ bɩ ʋ tʋɔ-kala kaa tɩtɩŋ mɩ-na ma TƖƖNA tɩntɩŋŋaa. Ŋmɩaŋ jaŋ dii nɩɩ-la kala sɩ vɩa dɩ ʋ kpʋ Mʋab tɩŋŋaa.

JƐRƖMAAYA 48:15

Ba jaŋ chei Mʋab arɩ ʋ tasɩŋ, ba jaŋ kpʋ ʋ bapʋɔsɛ zɔŋŋɔɔ kala. Mɩ-na Kuoro nɛ bʋla, mɩ yɩrɩŋ nɛ ma TƖƖNA doluŋ kala Tɩɩna.

JƐRƖMAAYA 48:44

Dɩ nʋʋkala nɛ wuo fori fawʋllɩɩ-la lɛ, ʋ jaŋ tuu buotuo-luŋii-la. Dɩ nʋʋ nɛ wuo lɩɩ buotuo luŋii-la tʋɔŋ, bɛrɛ́ jaŋ kɛnʋ. Mɩ jaŋ dɔgɩsɛ Mʋab jɩna-la lɛ sɩ maga mɩ dɔgʋsʋ. Mɩ-na ma TƖƖNA nɛ bʋla.

JƐRƖMAAYA 50:11

La TƖƖNA sɩ, “Babɩlɔŋ nɩaa, má yuo paa mɩ tinteeŋ kɩaa nɛ. Ma tʋɔŋ tɔrɔ nɛ ma jʋjʋɔsɛ a nagɛ nɛŋ sɩɩ nʋɔsɛ mɩaa koo a nagɛ jaaba sɩɩ yel.

JƐRƖMAAYA 50:31

Bee na, sɩɩ-duo tɩɩna mɩ chɩŋ ŋ lɛ nɛ. Mɩ-na ma TƖƖNA doluŋ kala Tɩɩna nɛ bʋla. Ŋ tapʋlʋŋ kɔ nɛ, bʋa-la lɛ sɩ maga ba dɔgʋsʋŋ.

JƐRƖMAAYA 51:40

Mɩ jaŋ kɛmba kaa mʋ dɩ-kpʋʋlʋŋ a nagɛ pie-biisiŋ, a nagɛ pie-belliŋ arɩ bʋʋnaa.

JEMBIEE 1:21

Nɩaa nɩɩ mɩ huuno nɛ, ama nʋʋ tuo dɩ ʋ nyagɛ mɩ bɔyɛ. Mɩ dʋndɔŋŋɔɔ kala nɩɩ mɩ tʋɔ-cheeŋ wɩaa nɛ, a jʋjʋɔsɛ wɩɩ-la ŋ sɩ ŋaa lɛ. Leŋ dɩ tapʋlɩɩ-la wɩaa ŋ sɩ heele bʋl yi, dɩ ba ma na hɛɛŋ arɩ mɩ sɩ na ŋɩɩ.

Jɔɔŋ Wʋnaalaa 18:10

Dɩ ba nɛ beŋ hɛɛ-la taŋ-la nɩaa sɩɩ na, fawʋllʋŋ jaŋ kɛmba. Ba jaŋ chɩŋ dɩ-bolii a ŋmoo niiŋ bʋl, “Ou, ou, tabalɩŋ deeŋ, tabal-la ba sɩɩ yɩrɛ Babɩlɔŋ sɩ kɛŋ doluŋ, ʋ bɩ diene ka ba dɔgɩsʋ.”

Jɔɔŋ Wʋnaalaa 19:17

Ŋɩɩ nɛ aŋ ka mɩ na Wɩa tɩndaarʋ kʋbala dɩ ʋ chɩŋ wɩɩpɔsʋŋ lɛ, a yɩrɛ diibiisi-la kala sɩɩ fil wɩa-nyuŋ dɩ-bolii arɩ yikoru-balɩŋ a bʋl, “Má kʋ hɛ dɔŋɔ lɛ a dii kʋdii daŋ-la Wɩa sɩ ŋaa.