JƐRƖMAAYA 50:20 - WƖA TENIŊ

²⁰ Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JƐRƖMAAYA 50:20 ပူးပေါင်းရင်းမြစ်များ

WƖA YƖƖLAA 103:12

La Tɩɩna laa la wʋbɔŋŋɔɔ ta dɩ-bolii nɛ, ʋ bolie magɛ a chɩŋ wɩɩpɔsʋŋ a kaa mʋ wɩɩjʋʋlʋŋ nɛ.

WƖA YƖƖLAA 17:3

Ŋ jɩŋ mɩ tʋɔŋ nɛ. Ŋ kɔ mɩ teeŋ nɛ tɩtaŋɩŋ a bemmi woruŋ a na dɩ mɩ bɩ wɩɩkala jɩŋ. Mɩ kɛŋ mɩ tʋɔŋ lɛ nɛ arɩ mɩ bɩ jaŋ bʋbʋl wʋbɔŋŋɔɔ.

WƖA YƖƖLAA 85:3

Ŋ fa sɩ faasa na baaŋ-la ba nyuŋ, ŋ joŋo ta nɛ.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 10:21

Iziral tɩŋŋaa nɩkaana-la jaŋ mɩɩra kɔ la Wɩa doluŋ kala Tɩɩna teeŋ.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 44:14

Juda nɩkaana-la sɩ kɔ dɩ ba hɔŋ Ijipiti lɛ, ba kʋŋkala bɩ jaŋ fori koo a kɛŋ mɩɩsɩŋ a mɩɩra mʋ Juda tinteeŋ, lee-la ba sɩɩ hɩɛnʋ dɩ ba mʋ. Ba kala bɩ jaŋ mɩɩra mʋ, see nɩaa baŋmɛnɛ.”

JƐRƖMAAYA 50:4

La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

JEMBIEE 4:22

Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

ƐZƖKƖƐL 18:22

Mɩ jaŋ joŋ wʋbɔmɔ-la kala ʋ fa sɩ ŋaa a chɛʋ, aŋ ka dɩ ʋ kɛŋ mɩɩsɩŋ a tɩŋ tʋɔpʋl wɩalɩŋ ʋ sɩ ŋaa wɩaa.

MƖKA 7:19

Ŋ jaŋ bɩra fá la nenige, ŋ jaŋ nʋɔsa tɔ la wʋcheelee aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.

ZEFANAAYA 3:12

Mɩ-na ma TƖƖNA jaŋ leŋ nɩalɩŋ sɩ kɛŋ ba tɩtɩa muuri arɩ nɩalɩŋ sɩaa sɩ fɩɛla tabal-la lɛ, nɩalɩŋ sɩ laamɛ dii.

ZƐKARƖYA 3:9

Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.

NAMBABA 23:21

Wʋbɔŋ koo hɛɛ-kala bɩ jaŋ jʋʋ Iziral tɩŋŋaa. Ba Tɩɩna Wɩa chɩŋ ba harɩŋ nɛ. Ba yɩyɩrɛ ʋ yɩrɩŋ a jʋjʋɔsɛ ʋ sɩ ŋaa ba kuoro.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Tɩntɩŋŋaa 3:26

Ŋɩɩ nɛ Wɩa lɩɩsɛ ʋ tɩntɩnna Yesu, dɩ ʋ laa sɩpaaŋ kɔ ma teeŋ a pɛ ma lɛ, dɩ ma kala bɩrɩma lɩɩ ma wʋbɔŋŋɔɔ ŋaanɩŋ lɛ.”

Rom Tɩŋŋaa 11:6

Ʋ sɩ lɩɩsɛba a fá ba nenige ŋɩɩ, ʋ bɩ naga ba tɩntɩŋ-zɔŋŋɔɔ ba sɩ tɩma wɩaa nɛ tɩɩ. Dɩ ʋ nɛ tɩŋ nɩaa wʋzɔŋŋɔɔ wɩaa aa fá ba nenige, ŋɩɩ-na nɩaa nenige dee ʋʋ fá ŋɩɩ.

Rom Tɩŋŋaa 5:16

Wɩa zile kʋ-la ʋ sɩ joŋo pɩ nɩaa arɩ wɩɩ-la Adam wʋbɔŋ-la sɩ kaa kɔ dʋnɩa bɩ kʋbala ŋaa. A tɩŋ nɩbala wʋbɔŋ-la wɩaa nɛ Wɩa dii la sarɩya a joŋ cheeriŋ pɩla. Ama nɩaa sɩ yʋga a ŋaa wʋbɔŋ-la wɩaa nɛ, Wɩa joŋ ʋ zile kʋ-la pɩla a joŋ la wʋbɔŋŋɔɔ chɛla, a leŋ la kɛŋ tʋɔpʋla ʋ sɩpaaŋ.

Rom Tɩŋŋaa 6:13

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

2 Pɩɩta 3:15

Mɩ naambiiriŋ, ʋ maga dɩ ma jɩŋ arɩ La Tɩɩna Yesu kɛŋ kenyiri nɛ. Ʋ ŋaa ŋɩɩ dɩ ʋ wuo laama ta nɛ. Wɩaa deemba tɩtɩa nɛ la naambii-chooluŋ Pɔɔl ma ŋmʋnsa pɩma. Wɩa nɛ pʋ wʋjɩmɩŋ deeŋ ʋ kaa bʋl wɩalɩŋ.