JƐRƖMAAYA 50:19 - WƖA TENIŊ

¹⁹ Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

JƐRƖMAAYA 50:19 ပူးပေါင်းရင်းမြစ်များ

ƐZƖRA 2:1

Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

SOLOMOŊ YƖƖL-SƖMƖŊ 6:5

Kɛŋ ŋ sɩaa viire chaasɛ lee dɔŋ a sɩ́ mɩ beŋ, ba leŋe mɩɩ hɩɛnɩŋ nɛ. Ŋ nyu-pʋnaa nagɛ bʋ-laalɩŋ sɩ lɩɩ Gɩlɩad peeliŋ nyuŋ a kʋʋ tuu nɛ, mɛlɛlɛ.

AZAAYA 33:9

Tintee-la kala hɩla nɛ a pɩŋ hoi, Lɛbanɔŋ tinteeŋ duu-la ma kala nɛ hɩla. Sarɔŋ fuonaa sɩŋ-la kala mɩɩra bɩrɩmɛ tintee-hɩlɩɩ nɛ, a nagɛ lee-la ba sɩɩ yɩrɛ Araba. Basaŋ tinteeŋ arɩ peel-la ba sɩɩ yɩrɛ Kamɛl, ba tɩɩsɩŋ pɩpaarɩŋ kala nɛ yuoro.

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

JƐRƖMAAYA 23:3

Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 31:14

Mɩ jaŋ leŋ dɩ Wɩɩsʋllɩ sɩpaalaaraa vɔgɛ arɩ Wɩɩsʋlʋŋ kʋ-daŋ, a leŋ dɩ mɩ nɩaa vɔgɛ arɩ kʋ-daŋ-la mɩ sɩ jaŋ pɩba. Mɩ-na ma TƖƖNA nɛ bʋla.”

JƐRƖMAAYA 31:25

Mɩ jaŋ leŋ dɩ nɩalɩŋ sɩ lɔlɔ yaraa polli, a leŋ dɩ nɩalɩŋ ma sɩ yiege bɩra kɛŋ doluŋ.”

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

JƐRƖMAAYA 50:6

Mɩ nɩaa nagɛ piesee sɩ lɛlɛ nɛ. Ba sɩpaalaaraa leŋe ba yeŋŋi nɛ, a leŋ ba gʋgɔllɛ peelee nyuŋ. Baa baarɛ peelee arɩ dundolluŋ nyuŋ nɛ, a yʋ ba tɩtɩa dɩ-pɩna wiesiŋ wɩaa.

ƐZƖKƖƐL 11:17

Ŋɩɩ wɩaa bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛmma hɛ dɔŋɔ a kaa lɩɩ tinteyee arɩ tinteye-la lɛ mɩ fa sɩ kɛmma pɩsa hɛ kɔ. Mɩ jaŋ bɩra joŋ ma Iziral tɩŋŋaa tinteeŋ pɩma.’

ƐZƖKƖƐL 36:24

Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.

ƐZƖKƖƐL 36:33

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: “Dɩ mɩ nɛ pɩɩsɛ ma wʋbɔŋŋɔɔ ta, mɩ jaŋ leŋ dɩ ma bɩra hɔŋ ma tasɩŋ lɛ, a wasa paa jikpeeni-la saa.

ƐZƖKƖƐL 38:8

Dɩ jɩ-daŋ nɛ kʋ bal, mɩ jaŋ leŋ dɩ ŋ mʋ yuo tintee kʋbala nɩaa sɩ yuo laalɩŋ aŋ lɛɛlɛ fɩɛla hɔŋ. Ba kɛmba kaa lɩɩ tintee daŋ nɛ a mɩɩra kɔ Iziral tinteeŋ. Ŋ jaŋ mʋ yuo Iziral tintee-la, lee-la fa sɩ pɩŋ hoi a dieni. Ama lɛɛlɛ ʋ nɩaa hɔŋ ʋ lɛ nɛ, wɩɩkala bɩ baa walɩmɛ.

ƐZƖKƖƐL 47:18

Tintee-la wɩɩpɔsʋŋ dɩɩrɩŋ bʋa jaŋ to peel-la ba sɩɩ yɩrɛ Hawʋraŋ arɩ Damasɩkʋs pɛgɛ. Ʋ jaŋ bɩra to Jɔdaŋ fuo-la sɩ hɛ Gɩlɩad arɩ Iziral tinteeŋ pɛgɛ, a kɛŋ ŋɩɩ mʋ yi mʋga-la wɩɩpɔsʋŋ dɩɩrɩŋ a kpagɛ Tama. Wɩɩpɔsʋŋ dɩɩrɩŋ bʋa nɛ ŋɩɩ.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZƐKARƖYA 10:10

Mɩ jaŋ kɛmba mɩɩra lɩɩ Ijipiti tinteeŋ kɔ, a kɛmba lɩɩ Asiiria tinteeŋ ma kɔ. Mɩ jaŋ kɛmba kɔ Gɩlɩad arɩ Lɛbanɔŋ tinteyee dɩ ba paala su lee-la kala, dɩ leriŋ bɩra tuo.

NAMBABA 32:1

Rubiŋ doho nɩaa arɩ Gad doho nɩaa fa kɛŋ pʋsʋŋ nɛ woruŋ. Ŋɩɩ nɛ ba na arɩ Jaza tinteeŋ arɩ Gɩlɩad tinteeŋ zɔmɔ arɩ pʋsʋŋ dɩɛsɩŋ.

JOSUA 17:15

Ŋɩɩ nɛ Josua bʋl, “Dɩ ma nɩaa nɛ yʋga a kɩɩ Efirem tintee-la peelee sɩ yʋga, ŋɩɩ-na ma jaŋ wuo sii a mʋ duuŋ tʋɔŋ, a kpʋ leriŋ a pɩ ma tɩtɩa Pɛrɛs tɩŋŋaa arɩ Refem tɩmma-la tinteeŋ lɛ.”