JƐRƖMAAYA 50:15 - WƖA TENIŊ

¹⁵ Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 50:15 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:24

Tɩntɩnnɩ-hɩasɩŋ arɩ laalɩyuori-hɩasɩŋ, a pɛ Devit hambolibiisiŋ kala lɛ fa sɛyɛ nɛ arɩ ba jaŋ to kuoro Solomoŋ.

2 IZIRAL TƖŊŊAA NAABARƖŊ 30:8

Má sɩ́ nyuduoŋ kɛŋ a nagɛba. Má joŋ ma tɩtɩa a hɛ La TƖƖNA nɩsɩŋ lɛ. Má kɔ La TƖƖNA dɩɩ-bal-la ʋ sɩ leŋe ʋ bɩ disiniŋ kɛnɛ a kaa mʋ wuu. Má chʋɔlɛ La TƖƖNA ma Wɩa, dɩ baaŋ-la ʋ sɩ faasa na ma nyuŋ fɩɛlɛ.

WƖA YƖƖLAA 149:7

a joŋ ma baanɩŋ fɩɩsɛ tinteyee lɛ, a dɔgɩsɛ ba nɩaa.

WƖA YƖƖLAA 94:1

La Tɩɩna, ŋ nɛ Wɩa sɩ yie dɔgɩsɛ nɩalɩŋ wʋŋaalaa sɩ bɩ zɔŋ. Dagɛba ŋɩɩ ŋ baanɩŋ sɩ naga, aŋ dɔgɩsɛba.

AZAAYA 59:17

Tʋɔpʋla nɛ ŋaa ʋ laalɩyuori bɔɩ-tɔrɛ kʋa, nɩaa laatanɩŋ ma nɛ ŋaa ʋ nyunchu-gbaŋkogo. Ʋ baanɩŋ ʋ sɩ jaŋ joŋo tiŋ nɩaa lɛ ma nagɛ gɛrɩŋ ʋ joŋo laalɛ. Tʋɔ-la ma ʋ sɩ kɛnɛ dɩ ʋ ŋaa ŋɩɩ nagɛ gɛrɛ-bɔsɔ nɛ ʋ baagɛ.

AZAAYA 59:18

Ba sɩ ŋaa wɩaa magɛ ŋɩɩ chɩmɩŋ nɛ ʋ jaŋ joŋo timba, ʋ jaŋ na baanɩŋ a dɔgɩsɛ ʋ dʋndɔŋŋɔɔ, Ʋ jaŋ tiŋ nɩalɩŋ ma kala sɩ hɛ tinteye-la lɩɩŋ sɩ gollo chu lɛ.

AZAAYA 61:2

Ʋ sɩ mɩ heeli arɩ jɩna-la ʋ-na La TƖƖNA sɩ jaŋ pɛ ʋ nɩaa lɛ arɩ tapʋlɩɩ-la ʋ-na Wɩa sɩ jaŋ joŋ ʋ baanɩŋ a fɩɩsɛ ʋ dʋndɔŋŋɔɔ lɛ yie nɛ, ʋ jaŋ nyagɛ nɩalɩŋ ma sɩɩ yel bɔyɛ.

AZAAYA 63:4

bɛɛ wɩaa tapʋlɩɩ-la mɩ sɩ jaŋ joŋ mɩ baanɩŋ fɩɩsɛ mɩ nɩaa dʋndɔŋŋɔɔ lɛ, aŋ laa mɩ nɩaa ta jɩna-la yie nɛ.

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 50:14

Má chɩŋ ma dɩchɩnaa a golli Babɩlɔŋ, ma nɩalɩŋ kala sɩɩ yuo toŋ. Má yuou, má sɩ́ leŋe dɩ to-hɛŋ kala ka, bɛɛ wɩaa ʋ ŋaa wʋbɔŋ nɛ mɩ-na ma TƖƖNA teeŋ.

JƐRƖMAAYA 50:25

Mɩ suri mɩ bayuori kɩaa dɩa nɛ, a chaarɛ mɩ baanɩŋ bayuori kɩaa, bɛɛ wɩaa mɩ-na ma TƖƖNA Wɩɩjarɩbakɔ doluŋ kala Tɩɩna kɛŋ tɩntɩŋŋaa nɛ dɩ mɩ tɩŋ Babɩlɔŋ nɩaa tinteeŋ lɛ.

JƐRƖMAAYA 50:44

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Babɩlɔŋ tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 51:14

La TƖƖNA doluŋ kala Tɩɩna ŋmɩɛsɛ ʋ tɩtɩa: Mɩ jaŋ leŋ dɩ ma tasɩŋ su arɩ nɩaa, a nagɛ hɔbɩ-laalɩŋ. Ba jaŋ ŋaa laalɩyuori diiri goŋ ma nyuŋ.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:25

Mɩ chɩŋ ŋ-na Babɩlɔŋ lɛ nɛ, ŋ nagɛ peeliŋ nɛ a chei nɩaa. Ŋ chei dʋnɩa kala nɛ. Mɩ jaŋ lɩɩsɛ nɩsɩŋ a liesiŋ, a bilimiŋ ta peel-la nyuŋ, a leŋ dɩ ŋ dii nyiniŋ.

JƐRƖMAAYA 51:30

Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 51:36

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

JƐRƖMAAYA 51:44

Mɩ jaŋ dɔgɩsɛ vene-la ba sɩɩ yɩrɛ Bɛl sɩ hɛ Babɩlɔŋ lɛ, a leŋ dɩ ʋ lusi kɩalɩŋ kala ʋ sɩ liŋe. Tinteyee nɩaa bɩra bɩ jaŋ kpaarʋ, Babɩlɔŋ kɛrɛ jaŋ tel.

JƐRƖMAAYA 51:58

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Babɩlɔŋ kɛrɩ-barɩŋ-la kala jaŋ pɩŋ tinteeŋ dɩ nyiniŋ dii ʋ boi-baala-la kala sɩ leŋie. Nɩalɩŋ lɔlɔ ta pɛɩ nɛ, tɩntɩmɩɩ-la kala ba sɩ tɩma nagɛ nyiŋgeliŋ sɩ belime ta nɛ.”

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

JƐRƖMAAYA 51:64

aŋ bʋl, ‘Ŋɩɩ nɛ Babɩlɔŋ jaŋ tuu lɩɩŋ bʋbʋɔŋ, ʋ bɩra bɩ jaŋ sii a tɩŋ wʋlɔrʋ-la La TƖƖNA sɩ jaŋ kaa kʋ hɛ ʋ lɛ wɩaa. Ʋ nɩaa kala jaŋ tel.’ ” Jɛrɩmaaya wɩaa dɩdɛrɩŋ nɛ ŋ-la.

JEMBIEE 5:6

La joŋ la tɩtɩa pɩ Ijipiti arɩ Asiiria tɩŋŋaa nɛ, dɩ la wuo na kʋdiilee dii.

ƐZƖKƖƐL 17:18

Juda tinteeŋ kuoro bɩ ŋɩɩ ʋ sɩ ŋmɩɛsa kaa tɩŋ, aŋ chei nii-la sɩ hɛ ba pɛgɛ. A tɩŋ ʋ sɩ ŋaa wɩaa deemba kala, ʋ bɩ jaŋ fori.’

ƐZƖKƖƐL 21:22

To-hɛŋ-la sɩ hɛ ʋ nadiiŋ nɩsɩŋ lɛ nɛ ʋ jaŋ kaa tɔnsɔ lɩɩsɛ Jerusalɛm. Ŋɩɩ nɛ ba jaŋ ŋaa laalɩyuori goŋ, a pa wombiiŋ dɩ ba kpʋ nɩaa, a ŋaa doloo ma ba sɩ jaŋ kaa ŋmoo boi-baalaa lo, aŋ saa lusuŋ-chol-sɩaa a tɩgɛ jebii-la lɛ, a paa kɩaa bil dɩ ba sii je dɩ ba chɩŋ ba lɛ aŋ bibeŋ taŋ-la kala.

NAHUM 1:2

La TƖƖNA Wɩa ŋaa Wɩa sɩ bɩ hadɔrʋŋ ka chɛ nɛ. Dɩ ŋ nɛ bɩ ʋ sɛyɛ, ʋ jaŋ dɔgʋsʋŋ. La TƖƖNA baanɩŋ nɛ sie, ʋ yie ŋaa wɩaa tiŋ ʋ dʋndɔŋŋɔɔ nɛ dɩ ba nɛ ŋaa wɩɩ cheyu.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Luuk 21:22

Tapʋlɩɩ-la Wɩa jaŋ dɔgɩsɛ Iziral nɩaa, a leŋ dɩ wɩalɩŋ kala ba sɩ bʋla Wɩa teniŋ tʋɔŋ sɛnɛ kʋ ŋaa.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

Rom Tɩŋŋaa 3:5

Ka la wʋbɔmɔ-la la sɩɩ ŋaa nɛ chaasa dagɛ arɩ Wɩa kɛŋ wʋtɩtɩɩ, bɛɛ nɛ laa chɛ dɩ la bʋl? Mɩɩ chɛ dɩ mɩ bʋl nuhuobiine tʋɔbɩɩnaa wɩaa nɛ a pɩɛsɛ: Dɩ Wɩa nɛ dɔgɩsɛla a tɩŋ la wʋbɔŋŋɔɔ wɩaa, ʋ kɩaa bɩ sɩŋ ʋ sɩ ŋaa ŋɩɩ, koo?

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

MOSIS BƖRA WULLI WƖA WOMBIIŊ 32:41

dɩ mɩ nɛ taa mɩ tokobiiŋ dɩ ʋ tʋtʋl palpal, dɩ mɩ kori sarɩya chɛ-diiliŋ, mɩ jaŋ joŋ mɩ baanɩŋ a fɩɩsɛ mɩ dʋndɔŋŋɔɔ lɛ aŋ dɔgɩsɛ nɩalɩŋ sɩ bɛrɩmɛ.

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

JOSUA 6:20

Ba sɩ faasa ŋmʋʋ nyilli-la, nɩalɩŋ ma faasa ŋaa goŋ. Ŋɩɩ nɛ Jeriko jebii-la tel. Laalɩyuoro-la guu jʋʋ taŋ-la a yuo diiu.

JOSUA 6:5

Dɩ ma nɛ nɩa dɩ ba faasa ŋmʋʋ nyilli-la, ma nɩalɩŋ kala maga dɩ ma faasa ŋaa goŋ nɛ. Dɩ ma nɛ ŋaa ŋɩɩ, jebii-la sɩ golli Jeriko jaŋ tel, ka dɩ ma laalɩyuoroo kala wuo jʋʋ taŋ-la tʋɔŋ.”

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.