JƐRƖMAAYA 50:14 - WƖA TENIŊ

¹⁴ Má chɩŋ ma dɩchɩnaa a golli Babɩlɔŋ, ma nɩalɩŋ kala sɩɩ yuo toŋ. Má yuou, má sɩ́ leŋe dɩ to-hɛŋ kala ka, bɛɛ wɩaa ʋ ŋaa wʋbɔŋ nɛ mɩ-na ma TƖƖNA teeŋ.

JƐRƖMAAYA 50:14 ပူးပေါင်းရင်းမြစ်များ

2 SAMƲƐL 10:9

Jʋab sɩ na dɩ ba dʋndɔŋŋɔɔ laalɩyuoroo chɩŋ ʋ sɩpaaŋ arɩ ʋ harɩŋ kala dɩ ba yuoba, ŋɩɩ nɛ ʋ tʋɔsɛ nɩalɩŋ sɩ jɩŋ laalɩŋ yuonuŋ woruŋ Iziral tɩŋŋaa laalɩyuoro-la tʋɔŋ dɩ ba yuo Siiria tɩmma-la,

WƖA YƖƖLAA 51:4

Mɩ chaasa ŋaa wʋbɔŋ nɛ ŋ lɛ. Mɩ ŋaa wɩɩ-la sɩ bɩ zɔŋ nɛ ŋ lɛ. Ŋ kɩaa sɩma nɛ a magɛ dɩ ŋ bʋl mɩ teeŋ, a diimi sarɩya a dɔgɩsɛmɛ.

AZAAYA 13:4

Má jegile nɩɩ goŋ-la sɩɩ ŋaa peelee nyuŋ, ʋ nagɛ nɩ-daŋ goŋ nɛ. Má jegile nɩɩ dɔmɔ-la sɩɩ dɔŋ kuori-gentisiŋ leree, ʋ nagɛ tinteyee nɩaa kala sɩ kʋ hɛ dɔŋɔ goŋ nɛ. Mɩ-na ma TƖƖNA doluŋ kala Tɩɩna nɛ kɛŋ ʋ laalɩyuoroo hɩhɛ dɔŋɔ ŋɩɩ, dɩ ba yuo laalɩŋ.

AZAAYA 5:28

Ba to-hɛŋŋɛɛ kɛŋ niiŋ nɛ woruŋ, ba kɛŋ ba tɩtɩa hɛ dɔŋɔ nɛ dɩ ba yuo ba tosuŋ, ba janɩŋ naachɛŋŋɛɛ ma dolie a nagɛ naŋkpachɩllɩŋ nɛ, ba janɩŋ torukoba ma fɩfá a nagɛ pel-vinvilimiŋ.

JƐRƖMAAYA 46:9

Má leŋ dɩ janɩ-la yaraa lɩŋ. Ma nɩalɩŋ ma sɩ kɛŋ janɩŋ torukoba vɩvɛŋ, má chaasa tii paa. Laalɩyuoroo, má mʋmʋ ma Kus arɩ Puti tɩmma-la sɩ kori hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, arɩ Lidiya baalaa sɩ lɛrɛ ba tosuŋ hɛ.

JƐRƖMAAYA 49:14

Mɩ nɩɩ wɩɩ nɛ a lɩɩ La TƖƖNA teeŋ: Ʋ tɩŋ nʋʋ nɛ dɩ ʋ mʋ tinteyee nɩaa teeŋ a bʋl, “Má kʋ hɛ dɔŋɔ a yuo Ɛdɔm. Má sii yuo laalɩŋ.”

JƐRƖMAAYA 49:35

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má bee na, mɩ jaŋ kpʋ Ɛlam to-yuoroo, nɩalɩŋ sɩ ŋaa ba doluŋ.

JƐRƖMAAYA 50:11

La TƖƖNA sɩ, “Babɩlɔŋ nɩaa, má yuo paa mɩ tinteeŋ kɩaa nɛ. Ma tʋɔŋ tɔrɔ nɛ ma jʋjʋɔsɛ a nagɛ nɛŋ sɩɩ nʋɔsɛ mɩaa koo a nagɛ jaaba sɩɩ yel.

JƐRƖMAAYA 50:29

Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

JƐRƖMAAYA 50:42

Ba nyɩgɩla nɛ a kori tosuŋ arɩ tiŋŋee. Ba tʋɔŋ hɛyɛ nɛ woruŋ, ba bɩ nɩaa nenige ka fá. Ba jɩl ba janɩŋ nɛ, ba huhuuri a nagɛ mʋgʋ-balɩŋ. Baa kɔ nɛ a nagɛ baalaa sɩɩ mʋ ba yuo laalɩŋ, dɩ ba yuo Babɩlɔŋ tabal-la.

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 51:2

Mɩ jaŋ tɩŋ nɩwogusuŋ dɩ ba mʋ Babɩlɔŋ a chei ʋ tinteeŋ kala a paa chaarɛ. Ba jaŋ chɩŋ ʋ lɛ sɛmɛ na-kala tapʋlɩɩ-la wʋlɔrʋŋ sɩ jaŋ jʋʋ-ʋ.

JƐRƖMAAYA 51:27

Má kɛŋ tuuta je tintee-la lɛ. Má ŋmʋʋ banyilliŋ tinteyee lɛ. Má leŋ dɩ tinteye-la nɩaa ŋaa siri a yuo Babɩlɔŋ. Má yɩrɛ kuori-gentisiŋ deemba kala hɛ ʋ lɛ: Ararat, Mini arɩ Asɩkɛnas. Má lɩɩsɛ laalɩyuori-hɩaŋ dɩ ʋ laa nɩalɩŋ sɩpaaŋ dɩ ba mʋ yuou. Má leŋ dɩ janɩŋ mʋ ʋ lɛ a nagɛ hɔbɩ-laalɩŋ.

JƐRƖMAAYA 51:3

Má sɩ́ leŋe dɩ to-yuoro wuo lɛrɛ ʋ toŋ hɛ, má sɩ́ leŋe dɩ ʋ wuo laalɛ bayuori kɩaa. Má sɩ́ ʋ bapʋɔsaa kʋŋkala leŋ. Má chei ʋ laalɩyuoroo kala gbelem gbelem.

HABAKU 2:17

Ŋ sɩ keri Lɛbanɔŋ duuŋ ŋɩɩ, ba jaŋ chei ŋ ma, pʋsʋ-la ŋ sɩ kpʋa jaŋ leŋ dɩ fawʋllʋŋ jʋʋŋ kɩŋkɛŋ, bɛɛ wɩaa ŋ kpʋ nɩaa nɛ, a chei tinteyee arɩ tabalaa arɩ nɩalɩŋ kala sɩ hɛ ba lɛ.”

HABAKU 2:8

bɛɛ wɩaa, ma fa yuo laa ta-gentiŋ-daŋ nɩaa kɩaa nɛ. Nɩalɩŋ sɩ ka, ma jaŋ yuo laa ma kɩaa. Ma fa kpʋ nɩaa nɛ. Ma fa chei tinteyee arɩ tabalaa arɩ nɩalɩŋ sɩ hɛ ba lɛ nɛ.

Jɔɔŋ Wʋnaalaa 17:5

ka ba ŋmʋnsɛ yɩrɩ-kpuŋkpere a hɛ ʋ tile lɛ: “Babɩlɔŋ ŋaa tabal nɛ. Nɩalɩŋ kala sɩ hɛ dʋnɩa lɛ a ŋɩŋaa wʋtɔɔnʋŋ, arɩ wʋlɩɩlɩŋ naaŋ.”

1 SAMƲƐL 17:20

Taŋ sɩ pʋla chʋchʋɔ-fɩɛla, Devit sii a leŋ piesee pɩ pie-daarʋ dɔŋ, aŋ paa kʋdiile-la lɩɩ mʋ, arɩ Jesi sɩ dagʋ ŋɩɩ. Ʋ mʋʋ yi ba buguŋ, dɩ laalɩyuoro-la lɩɩ chɩchɩŋ ba dɩchɩnaa, aŋ ŋɩŋaa laalɩyuori-goŋ.