JƐRƖMAAYA 50:10 - WƖA TENIŊ

¹⁰ Ba jaŋ yuo dii Babɩlɔŋ a paa ʋ kɩaa. Nɩalɩŋ kala sɩ yuo diiu jaŋ paa kɩaa a vɔgɛ.” La TƖƖNA nɛ bʋla.

JƐRƖMAAYA 50:10 ပူးပေါင်းရင်းမြစ်များ

AZAAYA 33:23

La dʋndɔŋŋɔɔ lɩɩŋ duoruŋ wɩaa bɩra bɩ sɩɩ kɛnɛ. Ba lɩɩŋ daborusuŋ kala yɔrʋmɔ nɛ. La jaŋ laa ba dʋa a kaa kpaa dɔŋɔ. Gbɛrɩgɛɛ ma jaŋ paala laa kɩaa ba teeŋ.

AZAAYA 33:4

Ŋ yie yuo laa tinteye-la kɩaa a nagɛ hɔbɩ-laalɩŋ sɩ dii kɩaa nɛ.

AZAAYA 45:3

Mɩ jaŋ joŋ dʋa-la kala sɩ faa birimiŋ tʋɔŋ a pɩŋ. Ŋɩɩ lɛ nɛ ŋ jaŋ jɩŋ arɩ mɩ nɛ ma TƖƖNA, Iziral tɩŋŋaa Wɩa sɩ jɩmɩŋ, a yɩrɩŋ.

JƐRƖMAAYA 25:12

Ama dɩ jɩsɩŋ mahɩŋ batori arɩ fii-la nɛ suo, mɩ jaŋ dɔgɩsɛ Babɩlɔŋ kuoro arɩ ʋ nɩaa arɩ ba tinteeŋ kala a tɩŋ ba cheeriŋ wɩaa. Mɩ jaŋ leŋ dɩ ba tinteeŋ pɩŋ jikpeeŋ a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 50:26

Má yuo Babɩlɔŋ sɛmɛ kala. Má yɛrɛ ʋ virisiŋ, a paaba chʋɔrɛ a nagɛ mɩaa. Má chei ʋ kala gbelem gbelem a sɩ́ leŋe dɩ nʋʋkala ka.

JƐRƖMAAYA 50:37

Laalɩŋ jaŋ kpʋ ba janɩŋ aŋ chei ba laalɩŋ janɩŋ torukoba, a kpʋ nɩwogusu-la ma sɩ hɛ ba laalɩyuoroo tʋɔŋ. Ba jaŋ mɩɩra nagɛ haalaa. Ba jaŋ yuo paa ba dʋa. Ba jaŋ paa ba kɩaa kala.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:35

Zaayɔŋ nɩaa jaŋ bʋl, “Leŋ dɩ dol-la kala Babɩlɔŋ nɩaa sɩ die la lɛ chɩmɩŋ tiŋ ba lɛ.” Jerusalɛm nɩaa ma jaŋ bʋl, “Leŋ dɩ la chal-la kala sɩ jaasa chɩmɩŋ tiŋ Babɩlɔŋ nɩaa lɛ.”

ƐZƖKƖƐL 11:24

Wɩalɩŋ mɩ fa sɩ na arɩ duosoo tʋɔŋ, Wɩa Dɩma-la jommi kaa mʋ nɩalɩŋ sɩ hɛ yoŋ-baga lɛ Babɩlɔŋ tinteeŋ. Ŋɩɩ nɛ wɩalɩŋ mɩ fa sɩ na a nagɛ duosoo tʋɔŋ lɛl.

HABAKU 2:8

bɛɛ wɩaa, ma fa yuo laa ta-gentiŋ-daŋ nɩaa kɩaa nɛ. Nɩalɩŋ sɩ ka, ma jaŋ yuo laa ma kɩaa. Ma fa kpʋ nɩaa nɛ. Ma fa chei tinteyee arɩ tabalaa arɩ nɩalɩŋ sɩ hɛ ba lɛ nɛ.

Jɔɔŋ Wʋnaalaa 17:16

Nyilli-la fii ma ŋ sɩ na, ba dɩ baga kʋ-la jaŋ bɛrɛ hachɔrʋŋ-la. Ba jaŋ wuri ʋ kɩaa ta ka dɩ ʋ kɛŋ yarɩ-biree. Ba jaŋ chaŋ ʋ nammɩa aŋ nyɩgɛ ʋ haŋgbelee.