JƐRƖMAAYA 5:8 - WƖA TENIŊ

⁸ Ba nagɛ ja-bele ba sɩ dɩɛsa ʋ nɛrɛ nɛ, a cho haalaa, ba kʋŋkala yie hɩhɩɛnɛ dɩ ʋ kɛŋ ʋ dɔŋɔ haala pɩŋ nɛ.

JƐRƖMAAYA 5:8 ပူးပေါင်းရင်းမြစ်များ

WƖAA DƖ-SUOMUŊ 39:9

Nʋʋkala bɩ mɩ kɩɩ dɩa deeŋ lɛ. Ʋ bɩ kʋŋkala joŋo faamɛ, ŋ dʋndʋŋa nɛ ʋ bɩ joŋo hɛ mɩ nɩsɩŋ lɛ a tɩŋ ŋ sɩ ŋaa ʋ haala wɩaa. Ɛɛ nɛ saa mɩ jaŋ wuo ŋaa wʋbɔmʋŋ deeŋ a chei Wɩa tʋɔŋ?”

JOB 31:9

Dɩ mɩ nɛ joŋ mɩ tʋɔbɩɩnaa hɛ mɩ dɔŋɔ tɩɩna haala lɛ, a faa dɩ-jalɩŋ gbɛrʋ boiŋ niiŋ,

MOSIS KƐŊ IZIRAL TƖŊŊAA LƖƖ 20:14

Má sɩ́ nʋʋ haal chɛ.

MOSIS KƐŊ IZIRAL TƖŊŊAA LƖƖ 20:17

Má pɔ dɩ ma sɩ́ ma dɔnsʋŋ tɩŋŋaa kɩaa hɩɛnʋ: ba dɩɩsɩŋ, ba haalaa, ba dɩa tɩntɩnnaa baalaa koo haalaa, ba nɛsɩŋ koo ba kakusuŋ, koo kʋŋ na-kala ba sɩ kɛnɛ.”

NAMAGABA 6:29

Ŋɩɩ nɛ saa ʋ nagɛ nɩɩ-la sɩ kɛŋ ʋ dɔŋɔ haala pɩŋ lɛ. Ŋ bɩ jaŋ wuo ŋaa ŋɩɩ aŋ mʋ pɛɩ, dɩ ba bɩŋ dɔgʋsɔ.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 29:23

Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”

JƐRƖMAAYA 50:11

La TƖƖNA sɩ, “Babɩlɔŋ nɩaa, má yuo paa mɩ tinteeŋ kɩaa nɛ. Ma tʋɔŋ tɔrɔ nɛ ma jʋjʋɔsɛ a nagɛ nɛŋ sɩɩ nʋɔsɛ mɩaa koo a nagɛ jaaba sɩɩ yel.

JƐRƖMAAYA 9:2

Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

ƐZƖKƖƐL 22:11

Ŋ lɛ nɛ baala yie ŋaa wɩalɩŋ mɩ sɩɩ kɩsʋ a kɛŋ ʋ dɔŋɔ tɩɩna haala pɩŋ, dɔŋɔ ma yie kɛŋ ʋ bii-haala pɩŋ a ŋaa disiniŋ hɩɩsɛ ʋ tɩtɩa. Dɔŋɔ ma yie kɛŋ ʋ dɩhaala pɩŋ, ʋ nyɩmma tɩtɩa tolo.

MOSIS BƖRA WULLI WƖA WOMBIIŊ 5:18

Má sɩ́ nʋʋ haal chɛ.

MOSIS BƖRA WULLI WƖA WOMBIIŊ 5:21

Má sɩ́ ma dɔnsʋŋ tɩŋŋaa kɩaa hɩɛnʋ, ba haalaa ba dɩɩsɩŋ, ba tinteyee, ba dɩa tɩntɩnnaa baalaa koo haalaa, ba nɛsɩŋ, ba kakusuŋ koo kʋŋ na-kala ba sɩ kɛnɛ.