JƐRƖMAAYA 5:7 - WƖA TENIŊ

⁷ LA TƖƖNA sɩ, “Bɛɛ nɛ tɩɩ mɩ jaŋ joŋo chɛma? Ma biiriŋ vɩamɛ nɛ aŋ ŋmɩŋmɩɛsɛ vesiŋ sɩ ŋaa kʋpɛɩba. Mɩ pɩba kɩalɩŋ kala ba sɩɩ chɛ nɛ, ka ba ha ŋɩŋaa bachɔrʋŋ wɩaa, a yie pʋɔla mʋmʋ hachɔrʋmɔɔ dɩɩsɩŋ.

JƐRƖMAAYA 5:7 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 13:9

Ma paala kiri Arɔŋ biiriŋ sɩ ŋaa La TƖƖNA Wɩɩsʋllɩ sɩpaalaaraa arɩ Levi doho nɩaa ta nɛ, aŋ chaarɛ ma tɩtɩa nɩaa arɩ tinteyee dɔnsʋŋ nɩaa sɩɩ ŋaa ŋɩɩ. Nʋʋ na-kala nɛ kɛŋ nɛ-bel-pɔrʋŋ arɩ pie-belliŋ balɩpɛ kaa kʋ pɩɩsɛ ʋ disiniŋ ta, ma yie lɩɩsʋ nɛ ʋ ŋaa nʋʋ sɩ kpʋ pʋsʋŋ pɩpɩ vesi-la sɩ bɩ Wɩa ŋaa.

JOB 31:12

Ŋɩɩ fa jaŋ nagɛ nyiniŋ a dii mɩ kɩaa chei, a dii mɩ kʋpɛrɛɛ kala buru.

WƖA YƖƖLAA 50:18

Dɩ ma nɛ na gaara, ma yie kaa dii nandɔnsʋŋ nɛ, a joŋ ma tɩtɩa guoli nɩalɩŋ sɩɩ ŋaa wʋlɩɩlɩŋ tʋɔŋ.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 13:27

a tɩŋ ma wʋchɔrʋmɔɔ arɩ ma sɩaa wʋchoolie-la ma sɩ hiine chɛ, arɩ hɩɩsɩ wɩalɩŋ ma sɩ ŋaa lɛ. Mɩ na wʋkɩsɩa-la ma sɩɩ ŋaa nɛ dundolluŋ arɩ bagɩsɩŋ lɛ. Jerusalɛm tɩmma, wɩɩŋ puuma. Ɛɛ nɛ maa chɛ dɩ ma kɛŋ disiniŋ a diene magɛ?”

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 16:20

Nuhuobiinee jaŋ wuo ŋaa ba tɩtɩa vesiŋ? Oo, ama ba bɩ Wɩa ŋaa.

JƐRƖMAAYA 2:11

Tintee-kala nɩaa tuo a vɩa ba vesiŋ aŋ mɩɩra tuto veŋ-wogo. (Ba vesi-la ŋaa kʋpɛɩ ma nɛ.) Ama mɩ nɩaa-na joŋ yɩrɩ-zɔŋ-la mɩ sɩ laa pɩba, a mɩɩra pɩ vʋɩyaa sɩ ŋaa kʋpɛɩba nɛ.

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 3:8

Mɩ joŋ teŋ-la mɩ sɩ ŋmʋnsa a vɩvɩa Iziral mɩ sɩ jaa, ka ʋ bɩ wʋtɩtɩɩ kɛnɛ a pʋ nɛ aŋ kiru ta, a tɩŋ wʋchɔrʋmɔ-la kala ʋ sɩ ŋaa wɩaa. Ama ʋ naambie Juda ma fa sɩ bɩ wʋtɩtɩɩ kɛnɛ bɩ fawʋllʋŋ fá, aŋ ma mʋ ŋaa wʋchɔrʋmɔ-la tɩtɩa.

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:2

Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

JEMBIEE 3:42

“La ŋaa wʋbɔŋŋɔɔ nɛ a vɩa ŋ niiŋ ka ŋ bɩ joŋo chɛla.

ƐZƖKƖƐL 22:11

Ŋ lɛ nɛ baala yie ŋaa wɩalɩŋ mɩ sɩɩ kɩsʋ a kɛŋ ʋ dɔŋɔ tɩɩna haala pɩŋ, dɔŋɔ ma yie kɛŋ ʋ bii-haala pɩŋ a ŋaa disiniŋ hɩɩsɛ ʋ tɩtɩa. Dɔŋɔ ma yie kɛŋ ʋ dɩhaala pɩŋ, ʋ nyɩmma tɩtɩa tolo.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

HOSIA 13:6

Mɩ nɛ fa pɩba kʋdiilee, ba dii vɔgɛ. Ba sɩ vɔgɔ, ba kɛŋ sɩɩ-duoŋ, a yʋ mɩ wɩaa.

HOSIA 4:2

Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

HOSIA 7:4

Ba kala ka ŋaa wʋlɩɩlɩŋ nɛ. Ba nagɛ tabʋʋŋ ba sɩ hɛ nyiniŋ ʋ faasa didii nɛ, nɩɩ-la sɩɩ wasɛ boroboro bɩra bɩ kaa hɩhɛ, aŋ buu munuŋ bil halɩɩ ʋ sii pʋɔra dɛrɛ.

LEVI DOHO NƖAA 20:10

Dɩ nʋʋkala nɛ kɛŋ ʋ dɔŋɔ haala pɩŋ, ʋ maga dɩ ba kpʋ baal-la arɩ haal-la kala nɛ.

AMƆS 8:14

Ma nɩalɩŋ sɩ ta niiŋ Samarɩa koo Daŋ koo Bɛɛsɩba tinteeŋ vesiŋ lɛ, jaŋ tel a bɩra bɩ jaŋ wuo sii.”

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

1 Kɔrɩntɩ Nɩaa 8:4

Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

Galiisia Nɩaa 4:8

Faafaa-la, ma sɩ bɩ Wɩa jɩŋ, ma faa to vʋɩyaa nɛ a ŋaa ba yosi.

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.

Hiburu TƖŊŊAA 13:4

Ma nɩalɩŋ sɩ jaa dɔŋɔ, má kɛŋ dɔŋɔ woruŋ a sɩ́ wʋlɩɩlɩŋ ŋaa, bɛɛ wɩaa Wɩa jaŋ dii nɩalɩŋ sɩɩ ŋaa bachɔrʋŋ arɩ hachɔrʋŋ wɩaa sarɩya, a pɛ nɩalɩŋ sɩɩ ŋaa wʋlɩɩlɩŋ lɛ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

JOSUA 23:7

Má sɩ́ ma tɩtɩa kaa mɛrɛ tinteye-la nɩaa ha sɩ hɛ ma tʋɔŋ. Má sɩ́ ba vesiŋ ma yɩrɩŋ yɩrʋ koo a ŋmɩɛsɛba. Má pɔ ma sɩ́ ba kpaarʋ koo a kpirimi ba sɩpaaŋ.