JƐRƖMAAYA 5:31 - WƖA TENIŊ

³¹ Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 5:31 ပူးပေါင်းရင်းမြစ်များ

1 KUOROO 22:6

Ŋɩɩ nɛ Ahab yɩrɛ wʋnyɩɛrɩ Wɩa wʋlaabʋllaa zɔɔ-banɛsɛ a pɩɛsɛba, “Mɩ mʋ yuo Ramɔf Gɩlɩad koo mɩ sɩ́ mʋ?” Ba bʋl, “Mʋ yuou, La TƖƖNA jaŋ joŋu hɛ ŋ nɩsɩŋ lɛ.”

NAMAGABA 17:4

Wʋbɔŋ ŋaara yie jegilee nɩɩ nɩbɔmʋŋ wʋbʋlʋŋ nɛ. Wʋnyɩɛ tɩɩna ma yie jegilee nɩɩ wʋcheere teeŋ nɛ.

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 20:6

Dɩ tapʋlɩɩ-la nɛ yie, nɩalɩŋ kala sɩ hɔŋ Mediterenia mʋga-la niiŋ jaŋ bʋl, ‘Má na wɩɩ-la sɩ ŋaa nɩalɩŋ lɛ la sɩ joŋ la yɩɛlaa hɛ dɩ ba laala ta Asiiria kuoro nɩsɩŋ lɛ. Nɩɩ nɛ la bɩra jaŋ to a fori?’ ”

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

AZAAYA 43:27

Ma bumbuŋ naabalɩma ŋaa wʋbɔŋŋɔɔ nɛ, ma sɩpaalaaraa ma lɩɩ mɩ harɩŋ.

AZAAYA 47:7

Ŋ fa bɩɩna arɩ ŋ jaŋ ŋaa kuoru deeŋ deeŋ nɛ, aŋ vɩa dɩ ŋ kɛŋ wɩalɩŋ chɔgɩsɛ a na ŋɩɩ ba dɩ-dɛrɩŋ sɩ jaŋ nagɛ.

JƐRƖMAAYA 12:4

Ɛɛ nɛ la tinteeŋ chɛ dɩ ʋ hɩla diene magɛ, dɩ yaŋ-la sɩ hɛ ʋ lee-kala hɩl? Nɩalɩŋ sɩ hɛ tintee-la lɛ sɩ bɔmɔ wɩaa nɛ tɩɩ pʋsʋŋ, baga kɩaa arɩ zaaraa kala sʋʋ. Ama nɩalɩŋ sɩ, “Ʋ bɩ wɩalɩŋ la sɩɩ ŋaa ka na.”

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 26:7

Wɩɩsʋllɩ sɩpaalaaraa, Wɩa wʋlaabʋllaa arɩ nɩalɩŋ kala nɩɩ wɩalɩŋ Jɛrɩmaaya sɩ bʋla La TƖƖNA dɩɩ-balɩŋ lɛ.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

JEMBIEE 4:18

Nɩaa ka densi la nɛ, la bɩra bɩ la womporunuŋ lɛ wuo vɛŋ. La dɩdɛrɩŋ kpaga nɛ, la tapʋlaa dɛrɛ nɛ, la dɛrɩŋ yie nɛ.

ƐZƖKƖƐL 13:10

Nɩalɩŋ sɩ nyɩɛ wɩaa a leŋ mɩ nɩaa yeŋŋi yie bʋl, ‘Fɩɛlɩŋ hɛ nɩmɛ nɛ,’ ka fɩɛlɩŋ tuo. Mɩ nɩaa saa jeeŋ sɩ bɩ doluŋ kɛnɛ nɛ, nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa kʋ ŋaa tʋɔrʋŋ bʋgɛ.

ƐZƖKƖƐL 13:6

Wɩalɩŋ ba sɩ na a nagɛ duosoo tʋɔŋ, arɩ ba vʋgʋrʋ wɩaa ŋaa wʋnyɩɛrɩŋ nɛ. Ba sɩ, ‘La TƖƖNA nɛ bʋla,’ ka mɩ-na ma TƖƖNA bɩ ba tɩma, ka ba ha bɩɩnɛ arɩ wɩalɩŋ ba sɩ bʋla jaŋ kʋ ŋaa wʋtɩtɩɩ.

ƐZƖKƖƐL 22:14

Ma jaŋ wuo kɛŋ bɔɩ-duoŋ a nyalɩmɛ koo a kɛŋ doluŋ tapʋlɩɩ-la mɩ sɩ jaŋ ŋaa wɩaa ma lɛɛ? Mɩ-na ma TƖƖNA nɛ pɩɛsa, mɩ saa jaŋ ŋaa ma.

HOSIA 4:9

Nɩalɩŋ sɩ nagɛ ŋɩɩ, ŋɩɩ tɩtɩa nɛ Wɩɩsʋllɩ sɩpaalaaraa ma nagɛ. Mɩ jaŋ dɔgɩsɛ ba kala a tɩŋ wombie-la ba sɩɩ to wɩaa, a joŋ ba wʋŋaalaa chɩmɩŋ tiŋ ba lɛ.

HOSIA 6:10

Mɩ na wɩɩ nɛ sɩ chaasa lɔrɛ Iziral nɩaa lɛ. Efirem joŋ ʋ nyuŋ hɛ wʋlɩɩlɩŋ ŋaanɩŋ lɛ nɛ, Iziral ma kɛŋ disiniŋ.

HOSIA 9:5

Wʋbɛɛ nɛ ma jaŋ ŋaa ma gbielee tapʋlʋŋ, tapʋlɩa-la ma sɩ yie gbieli a zizil La TƖƖNA?

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

MƖKA 2:6

Ba nɩalɩŋ sɩ sɩ ba ŋaa Wɩa wʋlaabʋllaa nɛ bʋla pɩmɛ, “Sɩ́ Wɩa wɩaa bʋla pɩla. Sɩ́ Wɩa wɩaa bʋla tɩgɛ wɩaa deemba lɛ, Wɩa bɩ jaŋ leŋ dɩ la dii hɩɩsɩŋ.

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

MOSIS BƖRA WULLI WƖA WOMBIIŊ 32:20

Ŋɩɩ nɛ ʋ bʋl, “Mɩ jaŋ joŋ mɩ harɩŋ a yɩaba aŋ na ba dɩdɛrɩŋ sɩ jaŋ nagɛ ŋɩɩ, bɛɛ wɩaa ba ŋaa nyu-duo tɩmma nɛ, ba bɩ wʋtɩtɩɩ kɛnɛ.

MOSIS BƖRA WULLI WƖA WOMBIIŊ 32:29

Dɩ ba nɛ fa kɛŋ wʋjɩmɩŋ, a jɩŋ wɩaa deemba bʋbʋɔŋ, ba fa jaŋ wuo jɩŋ ŋɩɩ ba dɩdɛrɩŋ sɩ jaŋ nagɛ.