JƐRƖMAAYA 5:3 - WƖA TENIŊ

³ La TƖƖNA, wʋtɩtɩɩ dee ŋ chɩchɛ dɩ ŋ naa? Ŋ ŋmooba nɛ, ama ʋ bɩ ba lɛ wɩa. Ŋ wʋrɩgɛba nɛ, ama ba bɩ ŋ dagɩŋ sɛyɛ. Ba leŋe ba nyuŋ dol nɛ a kɩɩ tabɩɩŋ, aŋ vɩa dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ.

JƐRƖMAAYA 5:3 ပူးပေါင်းရင်းမြစ်များ

WƖAA DƖ-SUOMUŊ 19:34

Ʋ taŋ sɩ pʋla, ŋɩɩ nɛ tol-hɩaŋ-la bʋla pɩ ʋ ŋaana arɩ ʋ dɩ ʋ nyɩmma dɩa pɛ bɔsɔ nɛ. Ʋ sɩ, “Leŋ dɩ la bɩra pʋ sɩnɩŋ jɩnɩŋ tɩtaŋɩŋ dɩ ʋ nyʋa bugi dɩ ŋ ma jʋʋ dɩ ŋ dɩ ʋ pɩŋ. Ŋɩɩ lɛ nɛ la jaŋ to ʋ lɛ a lʋl biiriŋ dɩ la doho sɩ́ dɛrʋ.”

1 KUOROO 13:33

Wɩaa deemba harɩŋ lɛ, Jerobuam ha bɩ wʋbɔŋŋɔɔ ŋaanɩŋ leŋe, aŋ ha lɩɩsɛ nʋʋ na-kala yee ba kpʋkpaarɛ vesi-la ʋ sɩ saa. Nʋʋkala sɩ cho dɩ ʋ ŋaa veŋ-kpaarʋ, ʋ yie kɛnʋ hɛ nɛ.

2 KUOROO 1:13

Kuoro sɩ nɩɩ wɩɩ-la sɩ ŋaa, ʋ bɩra tɩŋ laalɩyuori-hɩaŋ dɔŋɔ ma tori arɩ ʋ laalɩyuoroo mahɩŋ balɩa arɩ fii. Laalɩyuori-hɩaŋ-la-na sɩ mʋ Ɩlaaja teeŋ, ʋ tuu kpirimi ʋ sɩpaaŋ, aŋ bʋl, “Wɩa wʋlaabʋllʋ, mɩɩ sʋlʋŋ, fá mɩ dɩ mɩ nɩaa deemba nenige aŋ leŋ dɩ la kɛŋ mɩɩsɩŋ, la ŋaa ŋ tɩntɩnnaa nɛ.

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

2 IZIRAL TƖŊŊAA NAABARƖŊ 28:22

Bʋa deeŋ lɛ wɩaa sɩ jʋʋ Ahas nɛ ʋ wasa vɩa La TƖƖNA niiŋ, a kɩɩ faafaa-la.

WƖA YƖƖLAA 51:6

Ŋŋ chɛ dɩ mɩ kɛŋ wʋtɩtɩɩ nɛ mɩ tʋɔŋ lɛ, ŋɩɩ wɩaa, dagɛmɛ wʋjɩmɩŋ.

WƖA YƖƖLAA 51:8

Mɩ tʋɔŋ fa sɩ faasa chei ŋɩɩ, leŋ dɩ mɩ tʋɔŋ bɩra tɔrɛ dɩ mɩ jʋjʋɔsɛ.

WƖA YƖƖLAA 55:20

Mɩ toori dɔŋɔ kɛŋ ʋ nandɔnsʋŋ yuyuo nɛ, a chei nii-la sɩ hɛ ba pɛgɛ.

NAMAGABA 21:29

Nɩbɔmʋŋ yie fugisi arɩ ʋ jɩŋ wɩɩkala nɛ, ama tʋɔpʋl tɩɩna-na yie bɩɩnɛ wɩaa nɛ aŋ-na ŋaa.

NAMAGABA 22:12

La Tɩɩna sɩaa pɛ nɩɩ-la sɩ jɩŋ wɩaa lɛ nɛ, ama ʋ yie leŋ nɩɩ-la sɩ bɩ wʋtɩtɩɩ kɛnɛ wɩaa vʋgʋmɛ nɛ.

NAMAGABA 23:35

Ŋ jaŋ bʋl, “Ba ŋmoomi nɛ, ama mɩ bɩ pɩra. Ba ŋmoomi nɛ ka ʋ bɩ mɩ lɛ jʋa. Bʋa bɛɛ lɛ nɛ mɩ jaŋ sii a bɩra wuo chɛ sɩnɩŋ nyʋa?”

NAMAGABA 27:22

Dɩ ŋ nɛ paala kɛŋ nɩyaarɩŋ a hɛ tɔgʋŋ tʋɔŋ a tugi arɩ tendiiŋ, a joŋo daŋ nɔmʋŋ nyuŋ a nɔŋ a nagɛ ŋɩɩ ba sɩ yie nɔŋ munuŋ, ŋ bɩ jaŋ wuo lɩɩsɛ yaarɩŋ ʋ lɛ.

AZAAYA 26:11

La TƖƖNA, ŋ kɛŋ ŋ nɩsɩŋ je nɛ dɩ ŋ dɔgɩsɛba, ka ba bɩ ʋ na. Leŋ dɩ ba na ŋɩɩ ŋ sɩ cho ŋ nɩaa aŋ leŋ ŋ dʋndɔŋŋɔɔ dii hɩɩsɩŋ. Leŋ dɩ nyiŋ-la ŋ sɩ joŋo bile gbɛrɛ diiba.

AZAAYA 42:25

Ŋɩɩ nɛ ʋ na baanɩŋ woruŋ ba nyuŋ, laalɩŋ jʋʋba. Ʋ baaŋ-la nagɛ nyiniŋ nɛ a joŋ Iziral tɩŋŋaa kala dii, ka ba ha bɩ wɩɩ-la bʋbʋɔŋ jɩŋ. Nyiŋ-la diiba ŋɩɩ ma nɛ, ka ba ha vɩa dɩ ba joŋ wɩɩ-la a hɛ ba nyuŋ lɛ.

AZAAYA 48:4

Mɩ jɩma ma nyuŋ dolie nɛ woruŋ a nagɛ hɔɔŋ.

AZAAYA 9:13

Arɩ ŋɩɩ kala, Iziral tɩŋŋaa ha vɩa nɛ dɩ ba bɩrɩma lɩɩ ba wʋbɔŋŋɔɔ lɛ aŋ kɔ La TƖƖNA doluŋ kala Tɩɩna sɩ dɔgɩsɛba teeŋ.

JƐRƖMAAYA 15:7

Mɩ jaŋ kɛŋ mɩɩ-chaarɛ gbaŋa chaarɛma a balɩma lɩɩsɛma tintee-la tabalɩŋ boi-baalaa niiŋ. Mɩ jaŋ joŋ tʋɔ-cheeŋ hɛ mɩ nɩaa lɛ, mɩ jaŋ cheiba, bɛɛ wɩaa ba bɩ ba wʋbɔŋŋɔɔ ŋaanɩŋ leŋe.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JƐRƖMAAYA 32:19

Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

JƐRƖMAAYA 35:13

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Mʋ pɩɛsɛ Juda baalaa arɩ Jerusalɛm nɩaa na: ‘Ma bɩ jaŋ gʋnnɛ wɩaa a to mɩ niiŋ wɩaa koo?’ Ma TƖƖNA nɛ pɩɛsa.

JƐRƖMAAYA 44:10

Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

ƐZƖKƖƐL 2:4

Nɩalɩŋ teeŋ mɩ sɩɩ tɩmɩŋ ŋaa tʋɔ-dol tɩmma nɛ, a kɛŋ nyuduoŋ woruŋ. Bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la.’

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

DANƖƐL 9:13

Wʋlɔrʋnʋ-la kala sɩ hɛ ŋ wombiiŋ teŋ-la Mosis sɩ ŋmʋnsa bil dɩ la tuto lɛ, ŋaa la lɛ nɛ ka la ha vɩa dɩ la bɩrɩma lɩɩ la wʋbɔŋŋɔɔ lɛ, a ŋaa wɩalɩŋ ŋ-na La TƖƖNA Wɩa sɩ cho a to ŋ wʋtɩtɩɩ-la.

LEVI DOHO NƖAA 26:23

Dɩ mɩ nɛ ŋaama ŋ-la, ka dɩ ma bɩ mɩ teeŋ jegile nɩɩ, aŋ ha vɩamɛ,

AMƆS 4:10

La Tɩɩna bɩra sɩ, “Mɩ joŋ nyanyal bɔŋŋɔɔ hɛ ma lɛ nɛ arɩ mɩ fa sɩ ŋaa ŋɩɩ Ijipiti tɩŋŋaa lɛ. Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ, mɩ leŋ sʋʋnʋŋ sʋɔra su ma bugoo kala, ka ma ha vɩa dɩ ma mɩɩra kɔ mɩ teeŋ.

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

AMƆS 4:6

Mɩ nɛ leŋe losuŋ jʋʋ ma tabalaa arɩ ma tabiisiŋ kala, ka ma ha vɩamɛ. Mɩ-na ma Tɩɩna nɛ bʋla.

AMƆS 4:8

Nɩaa yie lɩɩ tasɩŋ dɔnsʋŋ lɛ a baara mʋ taŋ-la sɩ kɛŋ lɩɩŋ a chɩchɛ dɩ ba nyʋa, aŋ bɩ na nyʋa vʋvɔgɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma TƖƖNA nɛ bʋla.

AMƆS 4:9

Mɩ leŋe hɩlɩŋ chɩŋ nɛ ma bagɩsɩŋ lɛ, ma ŋmaŋkaanɩŋ arɩ ma girep tɩɩsɩŋ bagɩsɩŋ kala lɛ, ma kʋduuloo kala hɩl. Hɔbɔ dii ma tutogusuŋ arɩ ma olif tɩɩsɩŋ kala, ka ma ha vɩa dɩ ma mɩɩra kɔ mɩ teeŋ.”

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”

Rom Tɩŋŋaa 2:2

Wɩa sɩ joŋ cheeriŋ pɩ ma nɩalɩŋ sɩɩ ŋaa wʋbɔŋŋɔɔ deemba, la jɩma arɩ ʋ kɛŋ wʋtɩtɩɩ nɛ.

Hiburu TƖŊŊAA 12:9

La kala kɛŋ nyɩmmaba nɛ, ba yie dɩdagɛla nɛ, la ma zizilba. Ŋɩɩ-na ʋ maga dɩ la to la Nyɩmma Wɩa woruŋ a wuo kɛŋ mɩɩsɩŋ.