JƐRƖMAAYA 5:26 - WƖA TENIŊ

²⁶ Nɩbɔŋŋɔɔ hɛ mɩ nɩaa tʋɔŋ nɛ, a faa gbɛrɛ dɩ ba kɛsɛ nɩaa a nagɛ nɩaa sɩ yie bɛrɛ kɛsɛ diibiisiŋ ŋɩɩ. Ba nagɛ nɩaa sɩ bɛrɛ bɛrɩsɩŋ dɩ ba kɛsɛ nɩaa nɛ.

JƐRƖMAAYA 5:26 ပူးပေါင်းရင်းမြစ်များ

WƖA YƖƖLAA 64:5

Ba yie bʋl wɩaa aa nyaasɛ dɔŋɔba nyuŋ a mʋ tɩgɛ wʋbɔŋŋɔɔ ŋaanɩŋ lɛ. Ba yie vʋʋrɛ ŋɩɩ ba sɩ jaŋ bɛrɛ kɛsɛ nɩaa, aŋ bʋl, “Kʋbɛɛ nɛ jaŋ nala?”

NAMAGABA 1:11

Ba nɛ sɩ, “Kʋ to la harɩŋ dɩ la mʋ faa a gbɛrɛ a kpʋ nʋʋ sɩ bɩ wɩɩ cheye ta pɛɩ.

AZAAYA 32:7

Nɩɩ-la sɩ bɩ wʋtɩtɩɩ kɛnɛ ka nyɩɛ wɩaa nɛ a ŋɩŋaa wʋbɔŋŋɔɔ. Ʋ yie bɩbɩɩnɛ dɩ ʋ chei summoo arɩ nɩalɩŋ sɩ bɩ ba tɩtɩa lɛ wuo pɛ nɛ. Dɩ ba kɩaa nɛ paala sɩŋ ma, ʋ yie joŋ wʋnyɩɛrɩŋ nɛ a chei ba kala.

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

JƐRƖMAAYA 18:20

Ʋ maga dɩ ba joŋ wʋbɔmʋŋ a tiŋ wʋzɔmʋŋ chɩmɩŋ nɛɛ? Ama ba lu bʋa nɛ a bil mɩ lɛ. La Tɩɩna, liise yi arɩ mɩ chɩŋ ŋ sɩpaaŋ nɛ a laa ba wɩaa bʋl, dɩ ŋ leŋ baaŋ-la ŋ fa sɩ na ba nyuŋ.

JƐRƖMAAYA 18:22

Leŋ dɩ nɩaa nɩɩ ba nii-ŋmobo ba dɩɩsɩŋ lɛ, dɩ ŋ nɛ guu kɛŋ nɩaa sɩ jaŋ yuoba aŋ paa ba kɩaa kʋ hɛ ba lɛ. Ba lu bʋa nɛ dɩ mɩ foro tuu aŋ hɛ bɛrɩsɩŋ ma dɩ ba kɛmmɛ.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 9:8

Ba niiree nagɛ to-hɛmɩŋ sɩ kɛŋ huoŋ nɛ, a nyɩnyɩɛ wɩaa. Ba yie kɛŋ ba niiree bʋl wʋzɔŋŋɔɔ a pɩpɩ dɔŋɔ, ama wʋbɔŋŋɔɔ nɛ hɛ ba tʋɔŋ lɛ ba kaa gbɛrɛ dɔŋɔ.

MƖKA 6:10

Ʋ sɩ, “Mɩ bɩ jaŋ yʋ nɩbɔŋŋɔɔ wɩaa, ma nɩalɩŋ sɩ gɩrɩma dʋa kɩaa su ma dɩɩsɩŋ, a kɛŋ gbaŋa-la sɩ bɩ yie kaa magɩsɛ kɩaa. Wɩɩŋ deeŋ ŋaa wɩɩ mɩ sɩ bɛrɛ nɛ.

MƖKA 7:2

Nɩalɩŋ sɩɩ fá Wɩa tintee-la lɛ lɛlɛ nɛ, nʋʋkala tuo a ŋɩŋaa wɩaa ba bʋa lɛ. Nʋʋkala hu a gbɩgbɛrɛ nɩaa nɛ dɩ ʋ kpʋ. Nʋʋkala ka bagɩlɛ ʋ naambie nɛ.

Luuk 5:10

Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”