JƐRƖMAAYA 5:24 - WƖA TENIŊ

²⁴ Ba vɩa dɩ ba bʋl, ‘Má leŋ dɩ la zil La TƖƖNA Wɩa, ʋ nɛ leŋe duonuŋ nɩɩ pɩpɩla ʋ bʋa lɛ. Ʋ nɛ yie leŋ la kɩaa wasɛ woruŋ la ŋaa.’

JƐRƖMAAYA 5:24 ပူးပေါင်းရင်းမြစ်များ

WƖAA DƖ-SUOMUŊ 8:22

Dʋnɩa sɩ hɛ nɩmɛ a kaa mʋmʋ, kɩaa duunuŋ arɩ kʋmʋŋ, waarɩŋ arɩ wulumuŋ, yibiiniŋ arɩ lɩmbaŋa, wɩɩhɛyɛ arɩ tɩtaŋɩŋ kala jaŋ hɛ nɩmɛ a kaa mʋ wuu.”

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

JOB 29:23

Ba yie gbɛrɛ dɩ ba nɩɩ mɩ wʋbʋlaa a nagɛ nɩaa sɩɩ gbɛrɛ duonuŋ nɛ, a nɩɩba woruŋ a nagɛ duoŋ-puso sɩ leŋe tinteeŋ vɔgɛ lɩɩŋ.

JOB 38:37

Kʋbɛɛ nɛ kɛŋ wʋjɩmɩŋ a jaŋ wuo dɩɩsɛ duoŋ-bɩlɩmbaanaa? Kʋbɛɛ nɛ jaŋ wuo kɛŋ kɩalɩŋ lɛ lɩɩŋ sɩ hɛ chɩŋ wɩa-nyuŋ kpil dɩ duonuŋ nɩɩ,

JOB 5:10

Ʋ nɛ leŋe duonuŋ nɩnɩɩ tinteeŋ lɛ, a nɩɩ hɩhɛ kɩaa lɛ.

WƖA YƖƖLAA 147:8

Ʋ nɛ leŋe duoŋ-bɩlɩmbaanaa tɔ wɩa-nyuŋ. Ʋ nɛ leŋe duonuŋ nɩnɩɩ a ŋaa yaŋ nyʋ tinteeŋ lɛ.

WƖA YƖƖLAA 65:9

Ŋ nɩɩ beŋ tinteeŋ a leŋ duonuŋ nɩɩ hɩhɛ ʋ lɛ. Ŋ yie leŋ ʋ sɩŋ woruŋ, kʋdosunu kala nyʋ a wasɛ. Wɩa, ŋ fuonuŋ bɩ hʋ, ŋ nɛ leŋe kʋdiilee hɛ dʋnɩa lɛ, ŋɩɩ ŋ sɩ daga nɛ ŋɩɩ.

AZAAYA 64:7

La kʋŋkala bɩŋ ka chʋɔlɛ nʋʋkala bɩŋ bee chɛ dɩ ŋ pɛ ʋ lɛ. La wʋbɔŋŋɔɔ leŋe ŋ joŋ harɩŋ a yɩala nɛ a vɩala ta.

JƐRƖMAAYA 10:13

Dɩ ʋ nɛ kpɩa wɩaa, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ nɛ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

JƐRƖMAAYA 50:5

Ba jaŋ pɩɛsa chɛ Zaayɔŋ wombiiŋ, a bɩrɩma joŋ ba sɩaa chaasɛ nɩmɛ. Ba jaŋ joŋ ba tɩtɩa mɛrɛ La TƖƖNA lɛ, a hɛ niiŋ sɩ bɩ dɩdɛrɩŋ kɛnɛ ba sɩ bɩ jaŋ yʋ ʋ wɩaa.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

JOWƐL 2:23

Zaayɔŋ nɩaa, má leŋ dɩ ma tʋɔŋ tɔrɛ, má jʋjʋɔsɛ ma TƖƖNA Wɩa lɛ, bɛɛ wɩaa ʋ pɩma duoŋ-puso ŋɩɩ sɩ maga nɛ. Ʋ chaasa pɩma duonuŋ nɛ, duoŋ-puso arɩ yibiiŋ duonuŋ kala, arɩ ʋ fa sɩ vɛnɛ pɩpɩma ŋɩɩ.

AMƆS 4:7

Ʋ sɩ ka chɛnsɩŋ batori ka dɩ ma ŋaa ma baga kɩaa, mɩ bɩ leŋe duonuŋ nɩɩ. Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa. Mɩ yie leŋ ʋ nɩɩ baga dɔŋɔ lɛ, aŋ bɩ dɔŋɔ ma lɛ nɩa, ʋ kɩaa kala sʋʋ.

ZƐKARƖYA 10:1

Má sʋl La TƖƖNA dɩ ʋ leŋ dɩ duonuŋ nɩɩ pɩma yibiiniŋ. La TƖƖNA nɛ yie leŋ duoŋ-bɩlɩmbaanaa tɔ. Ʋ nɛ yie leŋ duonuŋ nɩɩ pɩ nɩaa, nʋʋkala kʋduuloo wasɛ.

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Tɩntɩŋŋaa 14:17

Arɩ ŋɩɩ kala ʋ fa ŋaa wʋzɔŋŋɔɔ pɩpɩ nɩaa nɛ, a dɩdagɛba ŋɩɩ arɩ ʋ nɛ hɛ nɩmɛ. Ʋ ŋaa duonuŋ nɩnɩɩ a ŋaa baga kɩaa wʋwasɛ, a pɩma kʋdiilee yʋgɛ, a leŋ ma faasa kɛŋ tʋɔtɔrʋŋ.”

MOSIS BƖRA WULLI WƖA WOMBIIŊ 28:12

La TƖƖNA jaŋ suri duonuŋ a leŋ dɩ ʋ nɩɩ ʋ bʋa lɛ a pɩma tintee-la lɛ, aŋ pɛ ma lɛ ma tɩntɩmɩɩ-kala lɛ. Tinteyee jaŋ yʋgɛ a chɩŋ kɩaa ma teeŋ, ama ma-na bɩ jaŋ chɩŋ kʋŋ nʋʋkala teeŋ.

Jeems 5:7

Mɩ naambiiriŋ, má kɛŋ kenyiri a gbɛrɛ chɛɛ-la La Tɩɩna Yesu sɩ jaŋ mɩɩra kɔ. Ma bee na ŋɩɩ paara sɩ kɛŋ kenyiri. Ʋ yie gbɛrɛ nɛ duoŋ-puso nɩɩ, ʋ duu kɩaa, a bɩra kɛŋ kenyiri a gbɛrɛ gbanchaaŋ-duonuŋ lɛ ʋ kɩaa ŋaa, ʋ kʋŋ.

Jɔɔŋ Wʋnaalaa 11:6

Wɩa pɩba doluŋ dɩ ba wuo kiri duonuŋ, dɩ ʋ sɩ́ nɩɩ tapʋlɩa-la ba sɩɩ chɛ dɩ ba bʋl Wɩa wɩaa lɛ. Wɩa bɩra pɩba doluŋ dɩ ba wuo ŋaa dɩ lɩɩŋ bɩrɩmɛ chalɩŋ. Ba jaŋ wuo leŋ dɩ nyanyalaa jʋʋ dʋnɩa nɩaa, bʋa na-kala lɛ ba sɩ cho.