JƐRƖMAAYA 5:23 - WƖA TENIŊ

²³ Ama nɩaa deemba kɛŋ nyuduoŋ nɛ, a bɩ dagɩŋ ka nɩɩ. Ba fa vɩamɛ nɛ a joŋ harɩŋ yɩamɛ.

JƐRƖMAAYA 5:23 ပူးပေါင်းရင်းမြစ်များ

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

WƖA YƖƖLAA 95:10

Mɩ na baanɩŋ jɩsɩŋ mahɩŋ balɩa nɛ ba nyuŋ a bʋl, “Nɩalɩŋ tʋɔbɩɩnaa kɛmba yeŋŋi nɛ, ba bɩ mɩ wombiee jɩŋ.”

AZAAYA 1:5

Bɛɛ nɛ tɩɩ ma vɩvɩa ʋ niiŋ deeŋ deeŋ a chɩchɛ dɩ ʋ faasa dɔgɩsɛma? Iziral tɩmma, ma nyuŋ kala nɛ cheye, ma tʋɔbɩɩnaa ma kala vʋgʋmɛ.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 4:17

Ba kʋ golli Jerusalɛm ma chu a nagɛ nɩaa sɩ chɩna pɔ baga nɛ, bɛɛ wɩaa ʋ nɩaa vɩa La TƖƖNA nɛ. La Tɩɩna nɛ bʋla.

JƐRƖMAAYA 5:5

Mɩ jaŋ mʋ ba sɩpaalaaraa teeŋ, a bʋl wɩaa pɩba. Ba-na chaasa jɩŋ La TƖƖNA wombiiŋ nɛ. Ba jɩŋ wɩalɩŋ ba Wɩa sɩɩ chɛ nɛ. Ama ba ma kala pɛ niiŋ nɛ a vɩamɛ a bɩ mɩɩ to.

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

HOSIA 11:7

Mɩ nɩaa kɛŋ ba tʋɔŋ dɩ ba mɩɩrɛ mɩ harɩŋ nɛ. Dɩ ba nɛ paala sʋla yɩrɛ mɩ-na Wɩa sɩ kɩɩ kʋŋkala ma, mɩ bɩ jaŋ pɛ ba lɛ.

HOSIA 4:8

Mɩ nɩaa wʋbɔŋŋɔɔ ŋaanɩŋ lɛ nɛ Wɩɩsʋllɩ sɩpaalaaraa to didii kɩaa. Ba tʋɔŋ yie tɔrɛ nɛ dɩ nɩaa nɩɩ ŋaa wʋbɔŋŋɔɔ.

ZEFANAAYA 3:1

Wɩaa puu Jerusalɛm, ʋ nyagɛ nɩaa bil nɛ, a vɩa dagɩŋ aŋ ŋaa wɩaa a kɛŋ disiniŋ.

MOSIS BƖRA WULLI WƖA WOMBIIŊ 21:18

Dɩ baal arɩ ʋ haala nɛ kɛŋ ba bii, dɩ bile kɛŋ nyuduoŋ a bɩ ba niiŋ ka nɩɩ, dɩ ba dagʋ a lɔl,

MOSIS BƖRA WULLI WƖA WOMBIIŊ 31:27

Mɩ jɩma ma ŋaa nyu-duo tɩmma nɛ a bɩ dagɩŋ ka nɩɩ. Mɩ ha sɩ hɛ mɩ mɩɩsɩŋ lɛ ka ma vɩa La TƖƖNA niiŋ ŋ-la, ɛɛ nɛ ʋ jaŋ nagɛ dɩ mɩ nɛ sʋba?

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.