JƐRƖMAAYA 5:22 - WƖA TENIŊ

²² La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

JƐRƖMAAYA 5:22 ပူးပေါင်းရင်းမြစ်များ

WƖAA DƖ-SUOMUŊ 1:9

Ŋɩɩ nɛ Wɩa bʋl, “Leŋ dɩ lɩɩŋ kala sɩ hɛ bʋbʋɔŋ kʋ hɛ dɔŋɔ lɛ aŋ ka tintee-hɩlɩŋ,” ŋɩɩ nɛ ʋ ŋaa.

1 KUOROO 13:28

Ʋ jɩla mʋ na ʋ kʋsʋʋŋ dɩ ʋ pɩŋ wombiiŋ lɛ, ka kakumo arɩ naachigiŋ chɩŋ ʋ sɛmɛ. Naachigi-la bɩ ʋ chaŋa, ʋ bɩ kakumo-la ma kpʋa.

JOB 26:10

Ʋ tuuri kʋŋ nɛ lɩɩŋ nyuŋ, a magɩlɛ pʋlʋmʋŋ arɩ birimiŋ bʋa.

JOB 37:24

Ŋɩɩ nɛ tɩɩ nɩaa zizilu, nɩalɩŋ sɩ bɩɩna ba jɩŋ wɩaa, ʋ yie yʋ ba wɩaa nɛ.”

JOB 38:8

Kʋbɛɛ nɛ kɛrɛ mʋgʋ-balɩŋ lɩɩŋ bil, dɩ ʋ sɩ́ gbu lɩɩ?

WƖA YƖƖLAA 104:9

Ŋ dagɛ ʋ bʋa pʋ nɛ, dɩ ʋ sɩ́ wuo chol, a pɔ dɩ ʋ bɩra sɩ́ dʋnɩa tɔ.

WƖA YƖƖLAA 119:120

Fawʋllʋŋ kɛmmɛ nɛ mɩ chichel, a tɩŋ ŋɩɩ ŋ sɩɩ dii sarɩya lɛ.

WƖA YƖƖLAA 33:7

Ʋ kuoni mʋgʋ-balaa lɩɩŋ kala hɛ dɩ-bala nɛ a nagɛ lɩɩŋ sɩ hɛ loŋ tʋɔŋ, aŋ dɩŋ ba luŋuŋ kala a nagɛ chʋgʋsʋŋ sɩ su dɩa.

WƖA YƖƖLAA 46:3

koo dɩ ba lɩɩŋ nɛ pɛllɛ yagɛ dundolluŋ dɩ ba jijigisi ma.

WƖA YƖƖLAA 99:1

La Tɩɩna nɛ kuoro, má leŋ dɩ tinteyee nɩaa kala chel. Ʋ hɔŋ ʋ kuoru kpasa nyuŋ nɛ, kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ, má leŋ dɩ tinteeŋ ma zigili.

NAMAGABA 8:29

Mɩ hɛ nɩmɛ nɛ ka ʋ keri leriŋ pɩ mʋgʋ-balɩŋ, dɩ lɩɩ-la sɩ́ wuo kieli lee-la ʋ sɩ kere pʋ. Mɩ hɛ nɩmɛ nɛ ka ʋ bil tinteeŋ gentine.

AZAAYA 50:2

Bʋa-la lɛ mɩ sɩ kɔ dɩ mɩ laama ta, bɛɛ nɛ tɩɩ ma kʋŋ tuo? Mɩ sɩ yɩra, bɛɛ nɛ tɩɩ ma kʋŋkala bɩ sɛyɛ? Ma bɩɩna mɩ bɩ doluŋ kɛnɛ dɩ mɩ laama ta nɛ koo? Ma bɩɩna mɩ ŋaa nɩpʋgʋ nɛ a bɩ ma wuo laa ta koo? Dɩ mɩ nɛ kpɩa mʋga koo fuonuŋ lɛ, ba kala yie hʋ nɛ a bɩrɩmɛ tintee-hɩlɩŋ, chenfile-la sɩ hɛ ba lɛ kala sʋʋ lɩɩnyʋasʋŋ.

AZAAYA 64:2

Dɩ ŋ nɛ kʋ tuu, ba jaŋ chel ŋ sɩpaaŋ a nagɛ ba sɩ chɔ lɩɩŋ ʋ wuwulimi. Kʋ tuu a dagɛ ŋ doluŋ dɩ ŋ dʋndɔŋŋɔɔ jɩmɩŋ, aŋ ŋaa dɩ tinteyee nɩaa kala chichel ŋ sɩpaaŋ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

JƐRƖMAAYA 10:7

Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 31:35

Wɩɩŋ deeŋ nɛ La TƖƖNA bʋl, nɩɩ-la sɩ leŋe wɩɩpɔsʋŋ pʋpɔsɛ wɩɩhɛyɛ, a leŋ chɛnɛ arɩ chɛnwʋlaa pʋpɔsɛ tɩtaŋɩŋ, ʋ nɛ yie kɛŋ mʋgʋ-balɩŋ vuugi ʋ lɩɩ-peliŋ dɔŋ. Ʋ yɩrɩŋ nɛ La TƖƖNA doluŋ kala Tɩɩna.

DANƖƐL 6:26

Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu. Ʋ nɛ Wɩa sɩ weye. Ʋ nɛ hɛ nɩmɛ a kaa mʋ deeŋ deeŋ. Ʋ kuoruŋ bɩ jaŋ kɔ dɩ ʋ tele, ʋ doluŋ bɩ jaŋ dɛrɛ.

AMƆS 4:12

Ŋɩɩ wɩaa, mɩɩ chɛ dɩ mɩ dii ma sarɩya nɛ Iziral tɩmma. Má ŋaa siri a cheŋ mɩ-na ma Wɩa.

AMƆS 9:6

La Tɩɩna saa ʋ kuoru dɩa Wɩa-jaŋ nɛ aŋ leŋ ʋ gentine hɛ tinteeŋ. Ʋ leŋe mʋgʋ-balɩŋ lɩɩŋ sii jɩl wɩa-nyuŋ a bɩrɩmɛ duonuŋ a nɩɩ hɛ tinteeŋ lɛ. Ʋ yɩrɩŋ nɛ La TƖƖNA.

JONA 1:16

Lɩɩ-pel-la sɩ guu sigili ŋɩɩ, nɩalɩŋ faasa fá La TƖƖNA. Ba kpʋ pʋsʋŋ a ŋaa Wɩɩsʋlʋŋ pɩ La TƖƖNA aŋ ta niiree ʋ teeŋ.

NAHUM 1:4

Dɩ ʋ nɛ kpɩa mʋgʋ-balɩŋ lɛ, ʋ yie hʋ nɛ, ʋ yie leŋ fuonuŋ kala hɩl. Basaŋ tinteeŋ arɩ Kamɛl peeliŋ tɩɩsɩŋ arɩ yaŋ kala hɩl, Lɛbanɔŋ tinteeŋ tɩɩfɩɩlaa kala yuori.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Maak 4:39

Ŋɩɩ nɛ ʋ sii doŋ lɛ a kpɩa pel-la lɛ a bʋla pɩ lɩɩ-pel-la ma dɩ ʋ fɩɛla pɩŋ. Pel-la sigili, ka leriŋ kala ŋaa fʋɩɩ.

Luuk 12:5

Mɩ jaŋ dagɛma nɩɩ-la sɩ maga dɩ ma fá. Má fá Wɩa. Ʋ nɛ jaŋ wuo kpʋma aŋ bɩra kɛŋ doluŋ dɩ ʋ wuo jomma hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

MOSIS BƖRA WULLI WƖA WOMBIIŊ 28:58

Dɩ ma nɛ bɩ ma sɩaa fɩɛla a to Wɩa niiŋ arɩ ʋ wɩalɩŋ kala ba sɩ ŋmʋnsa a hɛ teniŋ deeŋ lɛ, a bɩ ma TƖƖNA Wɩa yɩrɩ-bal-la sɩ kɛŋ fawʋllʋŋ kaa tɩtɩŋ,

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”