JƐRƖMAAYA 5:21 - WƖA TENIŊ

²¹ Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

JƐRƖMAAYA 5:21 ပူးပေါင်းရင်းမြစ်များ

WƖA YƖƖLAA 94:8

Ma nɩyaara-la sɩ guoli nɩaa tʋɔŋ, má jegili, chɛ bɛɛ nɛ ma jaŋ jɩŋ wɩaa?

NAMAGABA 17:16

Nɩyaarɩŋ teeŋ ʋ bɩ bʋbʋɔ kala kɛnɛ dɩ ʋ chei moribiee wʋjɩmɩŋ wɩaa, bɛɛ wɩaa ʋ bɩ ŋɩɩ tʋɔbɩɩnaa kɛnɛ.

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 43:8

Laa nɩalɩŋ sɩ kɛŋ sɩaa aŋ bɩ na sɩpaaŋ a kɛmba kʋ lɩɩ, nɩalɩŋ sɩ kɛŋ dɩgɩlaa aŋ bɩ nɩɩ.

AZAAYA 44:18

Ba ŋaa nɩyaaraa nɛ, ba bɩ wɩɩkala jɩŋ ba sɩaa tɔ nɛ, ba bɩ na. Ba ŋaa tʋɔ-togi tɩmma nɛ, ba bɩ wʋtɩtɩɩ ka nɩɩ.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 5:20

Heele bʋl wɩɩŋ deeŋ a pɩ Iziral tɩŋŋaa, a bʋla pɩ Juda nɩaa ma kala:

JƐRƖMAAYA 5:4

Mɩ fa bʋl mɩ tʋɔŋ lɛ: Nɩaa deemba ŋaa summo nɛ, ba ŋaa nɩyaara nɛ. Ba bɩ La Tɩɩna wombiiŋ jɩŋ. Ba bɩ wɩalɩŋ ba Wɩa sɩɩ chɛ jɩŋ.

JƐRƖMAAYA 6:10

Kʋbɛɛ nɛ mɩ jaŋ wuo bʋl wɩaa chagɩlɛ? Kʋbɛɛ nɛ jaŋ jegile nɩɩ mɩ teeŋ? Ba dɩgɩlaa tɔ nɛ, ba bɩ wɩaa wuo nɩɩ. La TƖƖNA niiŋ wɩaa ŋaa jomo nɛ ba teeŋ. Ba tʋɔŋ bɩ wɩalɩŋ lɛ tɔrɔ.

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 8:7

Naliiribommie sɩɩ fil wɩa-nyuŋ ma paala jɩŋ yibiiniŋ arɩ tafaaŋ bʋa nɛ. Kokosuŋ, zaarɩ-kokobiisiŋ arɩ chakpoliba ma paala jɩŋ bʋa-la lɛ ba sɩ yie gɔllɔ mʋ leree nɛ. Ama mɩ nɩaa-na bɩ wɩalɩŋ mɩ-na ba TƖƖNA sɩɩ chɛ jɩŋ.

ƐZƖKƖƐL 12:2

“Nuhuobiiŋ, ŋ hɛ nɩalɩŋ sɩ vɩa mɩ niiŋ tʋɔŋ nɛ. Ba kɛŋ sɩaa nɛ a magɛ dɩ ba nɩna, ama ba bɩ na, a kɛŋ dɩgɩlaa a magɛ dɩ ba nɩnɩɩ ka ba bɩ nɩɩ, bɛɛ wɩaa ba ŋaa nɩa sɩ vɩa mɩ niiŋ nɛ.

HOSIA 7:11

Efirem nagɛ kokomo nɛ a yaarɛ, ʋ nyɩsɩŋ ŋaa mɔlɩɩ. Ʋ yie yɩrɛ Ijipiti nɩaa dɩ ba pɛ ʋ lɛ, aŋ mɩɩra fá mʋ Asiiria nɩaa teeŋ.

ZƐKARƖYA 7:11

Ama ba vɩa dɩ ba jegile nɩɩ nɛ. Ba kɛŋ nyuduoŋ nɛ a joŋ harɩŋ yɩa wɩalɩŋ a bɩ chɛ ba jʋʋ ba dɩgɩlaa.

Maak 4:12

Ŋɩɩ nɛ ba yie nyilimi nyilimi aŋ bɩ kʋŋkala wuo na, a jegili jegili aŋ bɩ ba bʋbʋɔŋ wuo jɩŋ. Dɩ ba nɛ fa jɩŋ ba bʋbʋɔŋ, ba fa jaŋ bɩrɩma to Wɩa, dɩ ʋ joŋ ba wʋbɔŋŋɔɔ chɛba.”

Maak 8:18

Ma kɛŋ sɩaa nɛ, ba bɩ naa? Ma kɛŋ dɩgɩlaa nɛ, ba bɩ nɩɩ? Ma bɩ wɩalɩŋ liisee?

Jɔɔŋ 12:40

Ʋ sɩ, “Wɩa tɔ ba sɩaa nɛ aŋ nyɩrɛ ba tʋɔŋ, dɩ ba sɩaa sɩ́ kʋŋkala wuo na, dɩ ba sɩ́ wɩaa bʋbʋɔŋ ma wuo jɩŋ. Dɩ ŋɩɩ dee, ba fa jaŋ kɔ Wɩa teeŋ dɩ ʋ pʋllɛ ba tʋɔŋ, dɩ mɩ laaba ta.”

Tɩntɩŋŋaa 28:26

Ʋ sɩ, ‘Mʋ nɩaa deemba teeŋ a bʋla pɩba: Ma jaŋ jegile nɩnɩɩ wɩaa aŋ bɩ jaŋ kɔ dɩ ma jɩŋ ba bʋbʋɔŋ. Ma jaŋ nɩna wɩaa aŋ bɩ jaŋ kɔ dɩ ma jɩŋ wɩɩ-la sɩɩ ŋaa,

Rom Tɩŋŋaa 1:20

La bɩ Wɩa nagɩsɩŋ wuo jɩŋ. Ama la wuo chaasa na ŋɩɩ ʋ sɩ kɛŋ doluŋ sɩ bɩ dɛrɛ. Ʋ bɩ nuhuobiine naga. Ʋ dagɛla wɩaa deemba, a suomi bʋa-la lɛ ʋ sɩ ŋaa dʋnɩa a kaa kʋkɔ jɩnɩŋ. Kɩalɩŋ kala ʋ sɩ ŋaa nɛ dagɛla ŋɩɩ. Ŋɩɩ wɩaa nɩbɔŋŋɔɔ deemba bɩ jaŋ wuo bʋl arɩ ba bɩ jɩŋ.

Rom Tɩŋŋaa 11:8

Ba bʋl ŋɩɩ nɛ Wɩa teniŋ tʋɔŋ a bʋl, “Wɩa leŋe ba sɩaa chʋʋlɛ nɛ. Ba bɩ kʋŋkala ka na, ba bɩ wɩɩkala maa nɩɩ a kaa kɔ arɩ jɩnɩŋ.”

MOSIS BƖRA WULLI WƖA WOMBIIŊ 29:3

Ma tɩtɩa na hɛɛ-la, wʋmagɩla-la arɩ wʋkpuŋkperisi-la kala ʋ sɩ joŋo ŋaa ba lɛ nɛ.

MOSIS BƖRA WULLI WƖA WOMBIIŊ 29:4

Ama arɩ jɩnɩŋ kala La TƖƖNA ha bɩ leŋe ma wuo jɩŋ wɩalɩŋ ma sɩ na bʋbʋɔŋ.

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?