JƐRƖMAAYA 5:17 - WƖA TENIŊ

¹⁷ Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

JƐRƖMAAYA 5:17 ပူးပေါင်းရင်းမြစ်များ

AZAAYA 62:8

La TƖƖNA doluŋ lɛ, ʋ chaasa ŋmɩɛsɛ nɛ, ʋ doluŋ lɛ ʋ sɩ, “Mɩ bɩra bɩ jaŋ leŋ dɩ ma dʋndɔŋŋɔɔ laa ma kʋdiilee didii nɩwogusuŋ bɩ jaŋ laa ma girep nɛnɛɛ sɩnɩŋ nyʋnyʋa, ma bɩra bɩ jaŋ lɔlɔ pɩba.

AZAAYA 62:9

Ma jaŋ duu kɩaa a ŋaa didii aŋ dɛnnɛ mɩ-na ma TƖƖNA. Ma nɩalɩŋ ma sɩ tɔrɛ girep nɛnɛɛ jaŋ nyʋa ba sɩnɩŋ mɩ-na Wɩa dɩɩ-bal-la kaalɩsɩŋ lɛ.”

AZAAYA 65:22

Ba bɩra bɩ jaŋ saa dɩɩsɩŋ, dɩ nɩtanɩa jʋjʋʋ, koo a bil girep bagɩsɩŋ dɩ nɩtanɩa dii ba nɛnɛɛ. A nagɛ tɩa sɩ yie dieni ŋɩɩ aŋ-na sʋʋ, ŋɩɩ tɩtɩa nɛ mɩ nɩaa ma jaŋ dieni. Nɩalɩŋ mɩ sɩ lɩɩsa jaŋ dii ba tɩtɩa suoluŋ a dieni.

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 25:37

Tintee-la sɩ fɩɛla pɩŋ sɔm kala jaŋ chei, a tɩŋ La TƖƖNA sɩ faasa na baanɩŋ wɩaa.

JƐRƖMAAYA 4:26

Mɩ sɩ bene, tintee-la fa sɩ sɩma mɩɩra bɩrɩmɛ tintee-hɩlɩɩ nɛ. Ʋ tasɩŋ kala pɩŋ jikpeeniŋ nɛ, a tɩŋ la TƖƖNA sɩ na baanɩŋ kɩŋkɛŋ wɩaa.

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 5:18

La TƖƖNA sɩ, “Tapʋlɩa-la lɛ, mɩ bɩ jaŋ kpʋ ma kala.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JƐRƖMAAYA 8:13

Mɩ jaŋ leŋ dɩ ba kʋpɛrɛɛ birigi. Girep tɩɩsɩŋ bɩ jaŋ kɛŋ nɛŋ kala. Tutogo ma bɩ jaŋ nɛŋ tutogi-nambɩlaa, ba pɩpaarɩŋ jaŋ yuori. Kɩalɩŋ kala mɩ sɩ joŋo pɩba, mɩ jaŋ laaba ba teeŋ. Mɩ-na ma TƖƖNA nɛ bʋla.”

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JEMBIEE 2:12

Ba yie yele pɩɛsɛ ba naamba, “Nɩɩ nɛ kʋdiilee arɩ lɩɩŋ hɛ?” Ba yiege pɩŋ tabalɩŋ womporunuŋ lɛ nɛ a nagɛ baalaa sɩ bolimo. Baa sʋʋ nɛ ba naamba nɩsaa lɛ.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

ƐZƖKƖƐL 36:4

ŋɩɩ wɩaa, Iziral peelee, má jegile nɩɩ wɩɩ-la mɩ-na TƖƖNA Wɩɩjarɩbakɔ sɩ kɛnɛ dɩ mɩ bʋla pɩ ma-na peelee arɩ dundolluŋ, fuonaa-luŋoo arɩ fuonaasɩŋ, lere-la sɩ pɩŋ jikpeeniŋ a ŋaa hoi arɩ tasɩ-la kɩaa ba sɩ yuo paa ka tinteye-la sɩ gollima sisieri ma lɛ:

HOSIA 2:12

Mɩ jaŋ chei ʋ girep nɛnɛɛ bagɩsɩŋ arɩ ʋ tutogusuŋ, kɩalɩŋ ʋ sɩ sɩ ʋ hɩɩlaba joŋo timu. Mɩ jaŋ leŋ dɩ ba lugo kɛŋ dɔŋɔ woruŋ a nagɛ tiiŋ, dɩ baga kɩaa joŋo dii.

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

JOWƐL 2:3

Nyiniŋ jaŋ didii ba sɩpaaŋ, dɩ nyiŋgeliŋ ma sisii ba harɩŋ. Ba sɩpaaŋ tintee-la jaŋ nagɛ Ɛdɩŋ ŋmaŋkaa-la, ka ba harɩŋ dɩɩrɩŋ nagɛ tintee-hɩlɩŋ kʋŋ sɩ tuo. Kʋŋkala bɩ ba nɩsɩŋ lɛ ka fori.

LEVI DOHO NƖAA 26:16

ŋ-la nɛ mɩ jaŋ ŋaama: Mɩ jaŋ leŋ dɩ wʋlɔrʋnʋŋ jʋʋma. Mɩ jaŋ joŋ nyanyalaa sɩ bɩ daalusuŋ kɛnɛ hɛ ma lɛ, arɩ yarɩ-lɩŋŋaa sɩ jaŋ leŋ dɩ ma nyʋlɩmɛ dɩ ma yaraa kala yʋɔlɛ ŋɩɩ dɩ ma mʋ sʋʋ. Ma jaŋ duu kɩaa aŋ bɩ jaŋ dii kɩalɩŋ, bɛɛ wɩaa ma dʋndɔŋŋɔɔ nɛ jaŋ diiba.

ZEFANAAYA 3:6

La TƖƖNA sɩ, “Mɩ kpʋ tinteyee nɩaa nɛ a ŋmoo ba dɩɩ-duoruŋ lo. Mɩ leŋe ba womporunuŋ pɩŋ hoi nɛ, nʋʋkala bɩ ba ka to. Mɩ chei ba tabalaa nɛ, nʋʋkala bɩ ka nɩmɛ, nɩbala ma bɩ ka.

MALAKAƖ 1:4

Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ” Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.