JƐRƖMAAYA 5:15 - WƖA TENIŊ

¹⁵ La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

JƐRƖMAAYA 5:15 ပူးပေါင်းရင်းမြစ်များ

WƖAA DƖ-SUOMUŊ 11:7

Leŋ dɩ La tuu kɛŋ ba yikoro vʋgʋmɛ dɩ ba bɩra sɩ́ dɔŋɔ wʋbʋlʋŋ nɩɩ.”

WƖA YƖƖLAA 81:5

bʋa-la lɛ Wɩa sɩ mʋ yuo laaba, a kɛmba lɩɩ Ijipiti tinteeŋ lɛ. Ʋ bil nii-la a pɩ Josɛf doho nɩaa nɛ dɩ ba tuto. Nɩmɛ nɛ la nɩɩ yikoro-la la sɩ bɩ jɩŋ.

AZAAYA 28:11

Azaaya bʋl, “Ŋɩɩ-na ʋ zɔmɔ, Wɩa jaŋ kɛŋ nɩwogusuŋ wʋbʋlʋŋ bʋl wɩaa pɩ nɩaa deemba.”

AZAAYA 29:3

Mɩ jaŋ golli ʋ kala chu, mɩ jaŋ saa kɛrɛ-duoruŋ golli ʋ kala a saa lusuŋ chol sɩaa jʋʋ yuou.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 33:19

Ma bɩra bɩ jaŋ na sɩɩ-duo tɩmma-la, nɩalɩŋ sɩɩ bʋl wʋtɔɔnʋŋ, nɩalɩŋ yikoro ma sɩ nɩɩ.

AZAAYA 39:3

Ŋɩɩ nɛ Azaaya, Wɩa wʋlaabʋllʋ-la kɔ kuoro Hezikaaya teeŋ a pɩɛsʋ, “Nɩɩ nɛ nɩalɩŋ sɩ kɔ ŋ teeŋ lɩɩ? Wʋbɛɛ nɛ ba kʋ bʋl?” Ŋɩɩ nɛ Hezikaaya sɩ, “Ba lɩɩ dɩ-bolii nɛ, Babɩlɔŋ nɛ ba lɩɩ.”

AZAAYA 5:26

La TƖƖNA hɛ duoso nɛ pɩpɩ tinteye-la sɩ hɛ dɩ-bolii, aŋ ŋmʋʋ ŋmʋlʋŋ ma a yɩyɩrɛ nɩalɩŋ sɩ hɛ dʋnɩa dɩdɛrɩŋ. Na ba nɛ fá kʋkɔ ŋɩɩ lɩma lɩma.

AZAAYA 5:7

La TƖƖNA doluŋ kala Tɩɩna tɩɩnɛnɛɛ baga-la nɛ ŋaa Iziral tɩŋŋaa, Juda doho ma nɛ ŋaa tɩɩsɩ-la ʋ sɩ chɔnsɔ, ʋ tʋɔŋ tɔrɛ ba nyuŋ. Ʋ yie cho dɩ baa to wʋtɩtɩɩ ka ba kpʋkpʋ nɩaa. Ʋ yie cho dɩ baa ŋaa tʋɔpʋl wɩaa, ka nɩaa yiyel kɩŋkɛŋ arɩ tʋɔ-cheeŋ.

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 2:26

A nagɛ ba sɩ yie kɛŋ gaara hɩɩsɩŋ kɛnʋ ŋɩɩ, ŋɩɩ nɛ hɩɩsɩŋ jaŋ kɛŋ Iziral tɩŋŋaa, ba kuoru-balaa, ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba Wɩa wʋlaabʋllaa kala.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 4:16

Má bʋl wɩɩŋ deeŋ pɩ tinteyee nɩaa, má heele bʋla pɩ Jerusalɛm nɩaa. Laalɩyuoroo sɩ golli tasɩŋ chu a yuyuo nɛ lɩɩ tintee bolii a kʋkɔ, a ŋɩŋaa laalɩyuori goŋ dɩ ba yuo Juda tabalaa.

JƐRƖMAAYA 5:11

Iziral tɩŋŋaa arɩ Juda nɩaa chaasa bɩ wʋtɩtɩɩ mʋa ma kɛnɛ mɩ teeŋ. Mɩ-na ma TƖƖNA nɛ bʋla.”

JƐRƖMAAYA 6:22

Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

JƐRƖMAAYA 9:26

Nɩalɩŋ nɛ ŋaa: Ijipiti nɩaa, Ɛdɔm nɩaa, Amɔŋ nɩaa, Mʋab nɩaa arɩ nɩalɩŋ kala sɩ hɛ tintee-hɩlɩŋ lɛ dɩ-boloo. Tinteyee deemba kala nɩaa bɩ ba tʋɔŋ pʋlla. Iziral tɩŋŋaa kala ma paala bɩ ba tʋɔŋ pʋlla.”

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

DANƖƐL 1:4

Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

DANƖƐL 7:7

Mɩ duoso-la tʋɔŋ tɩtaŋ-la mɩ bɩra na baga kʋnɛsɩmɩŋ mɩ sɩpaaŋ, sɩ kɛŋ fawʋllʋŋ a fufugisi nɩaa a kɛŋ doluŋ ma woruŋ. Ʋ nyɩlaa fa ŋaa hɔɔnʋŋ nɛ aŋ barɩmɛ, ʋ kaa dɩŋ ʋ dʋndɔŋŋɔɔ yɛrɛ liliŋ aŋ nʋɔsɛ kʋkaanaa bʋrɩgɛ. Ʋ dɩ bumbuŋ baga kɩalɩŋ kala fa bɩ dɔŋɔ naga. Ʋ fa kɛŋ nyilliŋ fii nɛ.

AMƆS 6:14

La Tɩɩna Wɩa doluŋ kala Tɩɩna sɩ, “Mɩ jaŋ yigi tintee kʋbala ma hɛ Iziral tɩŋŋaa lɛ. Ba jaŋ dɔgɩsɛma a chɩŋ Lebo Hamaf sɩ hɛ wɩɩpɔsʋŋ nagʋa dɩɩrɩŋ a kaa mʋ Araba fuonaaŋ sɩ hɛ wɩɩpɔsʋŋ nadiiŋ dɩɩrɩŋ.”

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

1 Kɔrɩntɩ Nɩaa 14:21

Ba ŋmʋnsɛ Wɩa teniŋ tʋɔŋ arɩ Wɩa sɩ ʋ jaŋ to nɩalɩŋ sɩɩ bʋl yikori-tanɩa arɩ nʋhʋɔraa lɛ a bʋl wɩaa pɩ ʋ nɩaa, arɩ ŋɩɩ ma kala ba bɩ jaŋ jegile nɩɩ ʋ teeŋ.

MOSIS BƖRA WULLI WƖA WOMBIIŊ 28:33

Nɩwogusu-la ma sɩ paala bɩ jɩŋ nɛ jaŋ dii ma baga kɩalɩŋ kala ma sɩ suolo na, ka dɩ ba dɔgɩsɛma ŋɩɩ ma mɩɩsɩŋ kala lɛ.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.