JƐRƖMAAYA 5:13 - WƖA TENIŊ

¹³ Wɩa wʋlaabʋlla-la wʋbʋlaa kala ŋaa peliŋ nɛ, ba bɩ wɩɩkala kɛnɛ. Ba wʋbʋlɩa-la jaŋ gʋra diiba.”

JƐRƖMAAYA 5:13 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

JOB 6:26

Ma bɩɩna goŋ pɛɩ nɛ mɩɩ ŋaa? Ŋɩɩ-na ma kɛmmɛ tʋrɛ?

JOB 8:2

“Ɛɛ nɛ ŋ chɛ ŋ bʋl wɩaa deemba a diene magɛ? Wɩalɩŋ kala ŋ sɩɩ bʋl ŋaa peliŋ nɛ.

NAMAGABA 25:14

Nɩalɩŋ sɩ yie hɛ niiŋ pɩ nɩaa arɩ ba jaŋ ŋaa wɩɩ pɩba aŋ bɩ ŋaa, ba nagɛ duonuŋ sɩ tɩna aŋ ŋaa peliŋ a bɩ nɩa nɛ.

AZAAYA 41:29

Ba kala ŋaa wʋnyɩɛra nɛ. Ba wɩaa bɩ bʋbʋa kala kɛnɛ. Ba tɔmɔ-la nagɛ peliŋ nɛ.”

JƐRƖMAAYA 14:13

Ama mɩ sɩ, “Ah, La TƖƖNA Wɩɩjarɩbakɔ, ŋ wʋlaabʋllaa vɛnɛ bʋla pɩpɩba nɛ arɩ ŋ sɩ, ‘Laalɩŋ bɩ jaŋ jʋʋma koo dɩ losuŋ jʋʋma dɩ ma na hɛɛŋ. Wʋtɩtɩɩ, mɩ jaŋ leŋ dɩ ma hɔŋ tinteeŋ deeŋ lɛ arɩ fɩɛlɩŋ a kaa mʋmʋ wuu.’ ”

JƐRƖMAAYA 14:15

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 22:22

Peliŋ jaŋ paa ma sɩpaalaaraa a kaa viiri, ka nɩalɩŋ sɩ kʋ pɛ ma lɛ ma mʋ yoŋ-baga. Nɩaa jaŋ jolimima dɩ hɩɩsɩŋ kɛmma, a tɩŋ ma wʋbɔŋŋɔɔ wɩaa.

JƐRƖMAAYA 28:3

Jɩsɩŋ balɩa pɛgɛ, mɩ jaŋ kɛŋ Wɩa dɩɩ-balɩŋ tɩntɩnnɩ kɩalɩŋ Babɩlɔŋ kuoro Nebukadineza fa sɩ kʋ paa daha a kaa mɩɩra kɔ.

JƐRƖMAAYA 43:2

ŋɩɩ nɛ Hosaaya nanʋala Azarɩa arɩ Karɩa nanʋala Johanaŋ arɩ nɩalɩŋ kala sɩ kɛŋ sɩɩ-duoŋ bʋla pɩ Jɛrɩmaaya, “Ŋŋ nyɩɛ wɩaa nɛ. La TƖƖNA Wɩa bɩŋ tɩma dɩ ŋ kʋ bʋla pɩla arɩ la sɩ́ mʋ hɔŋ Ijipiti tinteeŋ lɛ.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.