JƐRƖMAAYA 5:10 - WƖA TENIŊ

¹⁰ Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 5:10 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 12:4

Ʋ fa yuo dii Juda tinteeŋ tabala-la ba sɩ saa kɛrɩsɩŋ golli nɛ a kɛŋ ŋɩɩ mʋ yi Jerusalɛm.

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

JƐRƖMAAYA 2:21

Mɩ fa leŋe ma chɩŋ nɛ a nagɛ girep tɩa naakeliŋ sɩ chaasa zɔŋ ba kere chɔnsɛ. Bɛɛ nɛ saa tɩɩ ma mɩɩra chɩŋ mɩ lɛ a nagɛ girep tɩa sɩ yalɩba a bɩ bʋbʋɔ kɛnɛ?

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 4:27

Wɩɩ-la mɩ-na ma TƖƖNA sɩ bʋla nɛ ŋ-la: “Tintee-la kala jaŋ pɩŋ jikpeeŋ, ama, mɩ ta bɩ jaŋ chei ʋ kala gbelem gbelem.

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

JƐRƖMAAYA 5:11

Iziral tɩŋŋaa arɩ Juda nɩaa chaasa bɩ wʋtɩtɩɩ mʋa ma kɛnɛ mɩ teeŋ. Mɩ-na ma TƖƖNA nɛ bʋla.”

JƐRƖMAAYA 5:18

La TƖƖNA sɩ, “Tapʋlɩa-la lɛ, mɩ bɩ jaŋ kpʋ ma kala.

JƐRƖMAAYA 5:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Mɩ-na ma TƖƖNA nɛ pɩɛsa. Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

ƐZƖKƖƐL 12:16

Ama mɩ jaŋ leŋ ba nɩaa baŋmɛnɛ, mɩ bɩ jaŋ kpʋ ba kala laalɩŋ lɛ, losuŋ arɩ nyanyal bɔŋŋɔɔ ma bɩ jaŋ kpʋ ba kala. Dɩ ba nɛ mʋ tinteye-la, dɩ ba wuo liisi wʋkɩsɩa-la kala ba sɩ ŋaa. Ŋɩɩ nɛ ba jaŋ jɩŋ arɩ mɩ nɛ ŋaa ba TƖƖNA.”

ƐZƖKƖƐL 14:17

Koo dɩ laalɩyuoroo nɛ mɩ kaa kʋ jʋʋ tintee-la aŋ bʋl, ‘Má gɔllɛ tintee-la kala, a kpʋ ʋ nɩaa arɩ ba pʋsʋŋ kala,’

HOSIA 1:9

Ŋɩɩ nɛ La TƖƖNA bʋl, “Hɛ ʋ yɩrɩŋ Lo-Ammi. Ʋ bʋbʋɔŋ nɛ ‘mɩ nɩaa dee’, bɛɛ wɩaa ma bɩ mɩ nɩaa ŋaa, mɩ ma bɩ ma Wɩa ŋaa.

AMƆS 9:8

La TƖƖNA Wɩɩjarɩbakɔ bɩra bʋla, “Mɩ sɩɩŋ na ma Iziral tinteeŋ deeŋ sɩ ŋaa wʋbɔŋ ŋaaraa ŋɩɩ nɛ. Mɩ jaŋ kpʋ ma Jekɔb doho nɩaa dɩ ma lɛl dʋnɩa lɛ aŋ ka mʋa. Mɩ-na ma Tɩɩna nɛ bʋla.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.