JƐRƖMAAYA 49:8 - WƖA TENIŊ

⁸ Má mɩɩrɛ a faasa fá, a mʋ faa bʋ-bʋɔsʋŋ sɩ luŋie lɛ, ma nɩalɩŋ sɩ hɛ Dɛdaŋ lɛ, bɛɛ wɩaa, mɩ jaŋ kɛŋ wʋlɔrʋŋ kʋ hɛ Ɛsɔ lɛ bʋa-la lɛ mɩ sɩ jaŋ dɔgɩsʋ.

JƐRƖMAAYA 49:8 ပူးပေါင်းရင်းမြစ်များ

AZAAYA 2:21

Tapʋlɩɩ-la La TƖƖNA sɩ jaŋ kɛŋ tinteeŋ jigisi, fawʋllʋŋ jaŋ kɛŋ nɩaa dɩ ba fá jʋʋ bʋ-bʋɔsʋŋ arɩ bʋ-pɛgɩsɩŋ a faa, a tɩŋ La TƖƖNA tʋla arɩ ʋ doluŋ wɩaa.

AZAAYA 21:13

Wɩɩ-la Wɩa sɩ bʋla a mʋ tɩgɛ Arebia tinteeŋ lɛ nɛ ŋ-la: Ma-na Dedaŋ tɩŋŋaa sɩ hɛ dɔŋɔ vɩvɛŋ a ŋmoo buguŋ Arebia tintee-hɩlɩŋ lɛ,

AZAAYA 34:5

La TƖƖNA kɛŋ ʋ laalɩyuoroo hɛ dɔŋɔ nɛ ʋ jaŋ lɛ, ʋ jaŋ kʋ dii Ɛdɔm nɩaa sarɩya, nɩalɩŋ ʋ sɩ sɩ ʋ jaŋ chei.

JƐRƖMAAYA 25:23

nɩalɩŋ sɩ hɛ Dedaŋ, Tɛma, Bus arɩ nɩalɩŋ kala sɩ hɛ dɩ-boloo,

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 48:28

Má leŋ ma tasɩŋ aŋ mʋ hɛ bʋsʋŋ tʋɔŋ, ma nɩalɩŋ sɩ hɛ Mʋab lɛ. Má nagɛ kokomo sɩ mʋ saa ʋ dɛlɛ bʋ-bʋa niiŋ nɛ.

JƐRƖMAAYA 48:44

Dɩ nʋʋkala nɛ wuo fori fawʋllɩɩ-la lɛ, ʋ jaŋ tuu buotuo-luŋii-la. Dɩ nʋʋ nɛ wuo lɩɩ buotuo luŋii-la tʋɔŋ, bɛrɛ́ jaŋ kɛnʋ. Mɩ jaŋ dɔgɩsɛ Mʋab jɩna-la lɛ sɩ maga mɩ dɔgʋsʋ. Mɩ-na ma TƖƖNA nɛ bʋla.

JƐRƖMAAYA 48:6

Má fá, má fá a laa ma mɩɩsɩŋ. Ma nagɛ tɩɩ-puguŋ sɩ hɛ tintee-hɩlɩŋ lɛ nɛ.

JƐRƖMAAYA 49:30

Má faasa fá lɩma a viiri. Má mʋ hɛ bʋ-bʋɔsʋŋ sɩ luŋie lɛ, ma nɩalɩŋ sɩ hɛ Hazɔ lɛ. Babɩlɔŋ kuoro Nebukadineza chɩŋ ma lɛ nɛ, ʋ vʋʋrɛ wɩɩ nɛ a mʋ tɩgɛ ma lɛ. Mɩ-na ma TƖƖNA nɛ bʋla.”

JƐRƖMAAYA 49:32

Ba jaŋ yuo laa ba bʋntaŋŋaba, a yuo laa ba nɛ-daŋ-la ma. Mɩ jaŋ kɛŋ ba nɩalɩŋ sɩ hɛ dɩ-boloo pɩsa hɛ lee-kala, ba nɩalɩŋ sɩ kɛ ba nyu-pʋnaa ba kui, aŋ leŋ dɩ wʋlɔrʋŋ lɩɩ sɛmɛ na-kala a kʋ jʋʋba. Mɩ-na ma TƖƖNA nɛ bʋla.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

ƐZƖKƖƐL 25:13

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ dɔgɩsɛ Ɛdɔm nɩaa a kpʋ nʋʋkala arɩ pʋsʋ-la kala sɩ hɛ nɩmɛ. Mɩ jaŋ leŋ dɩ tintee-la pɩŋ jikpeeŋ a chɩŋ taŋ-la ba sɩɩ yɩrɛ Tɛmaŋ lɛ a kaa mʋ yi taŋ-la ba sɩɩ yɩrɛ Dɛdaŋ. Ba jaŋ sʋʋ laalɩŋ lɛ.

MALAKAƖ 1:3

aŋ bɛrɛ Ɛsɔ wɩaa a leŋ ʋ tinteeŋ sɩ kɛŋ peelee pɩŋ jikpeeŋ a bɩrɩmɛ jolluŋ dɩ-gɔllʋŋ.

MALAKAƖ 1:4

Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ” Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala.

Jɔɔŋ Wʋnaalaa 6:15

Ŋɩɩ nɛ dʋnɩa kuoroo, arɩ nɩbalaa, arɩ laalɩyuori-hɩasɩŋ, arɩ nɩalɩŋ sɩ kɛŋ kɩaa, arɩ nɩalɩŋ sɩ kɛŋ doluŋ, arɩ nʋʋkala, yosuŋ arɩ nɩalɩŋ kala sɩ tɩɩ ba tɩtɩa, ba kala fá jʋʋ faa bʋ-bʋɔsʋŋ arɩ peel-pɛgɩsɩŋ lɛ.

SƖPAALAARAA 6:2

A tɩŋ Midiaŋ tɩŋŋaa sɩ kɛŋ doluŋ aa dɔgɩsɛ Iziral tɩŋŋaa, ba fá jɩl peelee nyuŋ a faa bʋ-bʋɔsʋŋ arɩ leree dɔnsʋŋ.

1 SAMƲƐL 13:6

Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.