JƐRƖMAAYA 49:5 - WƖA TENIŊ

⁵ Mɩ jaŋ leŋ dɩ nɩalɩŋ sɩ hɔnɔ gollima fawʋllʋŋ kɛmma. Mɩ-na ma TƖƖNA doluŋ kala Tɩɩna nɛ bʋla. Ba jaŋ kiri ma kala ta. Nʋʋkala bɩ jaŋ kɛŋ nɩalɩŋ sɩ fa pɩsɛ kʋ hɛ dɔŋɔ.

JƐRƖMAAYA 49:5 ပူးပေါင်းရင်းမြစ်များ

2 KUOROO 19:7

Mɩ-na ma Tɩɩna jaŋ joŋ dɩma kʋbala a hɛ ʋ lɛ, dɩ ʋ nɩɩ ba sɩ a mʋ tɩgɛ ʋ tɩtɩa tinteeŋ lɛ, a sii mʋ nɩmɛ dɩ ba kpʋ.’ ”

JOB 15:21

Fawʋlɩbɩ-goŋ yie su ʋ dɩgɩlaa nɛ. Dɩ wɩaa nɛ paalaa vɛŋ woruŋ ma, gaara jaŋ kʋ ŋmobu aŋ gaa ʋ kɩaa.

NAMAGABA 28:1

Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

AZAAYA 16:3

Ba bʋla pɩ Juda nɩaa, “Má dagɛla wɩɩ-la la sɩ jaŋ ŋaa. Má tɔ fɩɛlɩŋ hɛ la lɛ a nagɛ tɩa fɩɛlɩŋ sɩ yie keese tɔ nɩaa lɛ ŋɩɩ, wɩɩ-hɛɛ-siesee. La ŋaa nɩa sɩ fá kʋ yuorima nɛ, má kɛnla kaa faa dɩ la dʋndɔŋŋɔɔ sɩ́ la na.

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 46:5

Bɛɛ kʋŋ nɛ mɩ nɩna? Fawʋllʋŋ kɛmba nɛ, ba mɩɩra fɩfá nɛ, ba yuo dii ba laalɩyuoroo nɛ. Baa fa nɛ lɩma lɩma, ba bɩ harɩŋ ka daasɛ, fawʋllʋŋ golliba chu nɛ. Mɩ-na ma TƖƖNA nɛ bʋla.

JƐRƖMAAYA 49:29

Má laa ba piesee arɩ ba lɛŋŋɛɛ, ba lɛŋŋɛɛ patɩɩsamba arɩ ba kɩaa. Má laa ba bʋntaŋŋaba. Má ŋaa goŋ a bʋla pɩba, ‘Fawʋllʋŋ hɛ lee-kala nɛ.’

JƐRƖMAAYA 6:25

Má pɔ ma sɩ́ pɔkɔŋ nyuŋ jɩl a sɩ́ wombiee ma lɛ vɛŋ, bɛɛ wɩaa la dʋndɔmɔ-la kori tokobiee nɛ, fawʋllʋŋ hɛ lee-kala.

JEMBIEE 4:15

Nɩaa yie bʋl ba lɛ, “Má sʋrɩsa lɩɩ, ma kɛŋ disiniŋ nɛ. Má sʋrɩsa mʋ, má sʋrɩsa lɩɩ. Má sɩ́ la digu.” Dɩ ba nɛ fá mʋ guoli tinteyee nɩaa tʋɔŋ a gɔllɔɔ baarɛ, nɩalɩŋ ma yie bʋl, “Ba bɩ daha wuo hɔŋ.”

AMƆS 4:3

Ba jaŋ kɛmma lɛrɛ to ma taŋ jeye-la bʋɔsʋŋ a lɩɩ to Hamɔŋ tinteeŋ dɩɩrɩŋ. Mɩ-na ma Tɩɩna nɛ bʋla.”

JOSUA 2:9

a bʋla pɩba, “Mɩ jɩma arɩ La TƖƖNA joŋ tinteeŋ deeŋ a pɩma nɛ, ma wɩaa paala leŋ fawʋllʋŋ chaasa jʋʋla nɛ. Nʋʋkala sɩ hɛ tinteeŋ deeŋ lɛ kpaŋa nɛ a tɩŋ ma wɩaa.