JƐRƖMAAYA 49:37 - WƖA TENIŊ

³⁷ Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

JƐRƖMAAYA 49:37 ပူးပေါင်းရင်းမြစ်များ

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 48:2

Nɩaa bɩra bɩ jaŋ bɛsɛ Mʋab lɛ. Hɛsɩbɔŋ lɛ, nɩaa jaŋ chɛ ŋɩɩ ba sɩ jaŋ ŋaa dɩ ʋ tel a bʋl: ‘Má kɔ dɩ la dɛrɛ tinteeŋ deeŋ.’ Taŋ-la ba sɩɩ yɩrɛ Madɩmɛŋ ma jaŋ ŋaa chɩm. Laalɩŋ jaŋ kire to ʋ harɩŋ.

JƐRƖMAAYA 48:39

Mʋab yɛrɛ nɛ. Baa ŋmoo niiŋ nɛ. Mʋab mɩɩrɛ harɩŋ nɛ arɩ hɩɩsɩŋ. Mʋab mɩɩra bɩrɩmɛ mɔmɩɩ nɛ nɩaa sisieri ʋ lɛ, ʋ mɩɩra kɛŋ fawʋllʋŋ nɛ nɩalɩŋ sɩ gollu teeŋ.”

JƐRƖMAAYA 49:22

Dʋndɔmɔ jaŋ kʋ tuu ba lɛ a nagɛ kachuuŋ a kɛŋ kɩŋkɛnsɩŋ jɛrɛ tɔ Bozira lɛ. Tapʋlɩɩ-la Ɛdɔm laalɩyuoroo bɔyɛ jaŋ joŋ a nagɛ haala sɩɩ chɛ dɩ ʋ lʋl ʋ bɔyɛ jujoŋ ŋɩɩ.

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 49:29

Má laa ba piesee arɩ ba lɛŋŋɛɛ, ba lɛŋŋɛɛ patɩɩsamba arɩ ba kɩaa. Má laa ba bʋntaŋŋaba. Má ŋaa goŋ a bʋla pɩba, ‘Fawʋllʋŋ hɛ lee-kala nɛ.’

JƐRƖMAAYA 49:38

Mɩ jaŋ bil mɩ kuoru kpasa Ɛlam lɛ a chei ʋ kuoro arɩ ʋ tɩntɩnnɩ-hɩasɩŋ.

JƐRƖMAAYA 49:5

Mɩ jaŋ leŋ dɩ nɩalɩŋ sɩ hɔnɔ gollima fawʋllʋŋ kɛmma. Mɩ-na ma TƖƖNA doluŋ kala Tɩɩna nɛ bʋla. Ba jaŋ kiri ma kala ta. Nʋʋkala bɩ jaŋ kɛŋ nɩalɩŋ sɩ fa pɩsɛ kʋ hɛ dɔŋɔ.

JƐRƖMAAYA 50:36

Laalɩŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ. Ba jaŋ bɩrɩmɛ nɩyaaraa. Laalɩŋ jaŋ jʋʋ ba bayuoroo. Fawʋllʋŋ jaŋ faasa jʋʋba.

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

JƐRƖMAAYA 9:15

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má bee na, mɩ jaŋ leŋ dɩ nɩaa deemba dii kʋdii haarɩŋ, a nyʋa lɩɩŋ ba sɩ hɛ bɩɛlɩŋ.

JƐRƖMAAYA 9:16

Mɩ jaŋ kɛmba pɩsa hɛ tinteyee lɛ ba dɩ ba nyɩmmaba kʋŋkala ha sɩ bɩ jɩŋ. Mɩ jaŋ kire to ba harɩŋ arɩ tokobiiŋ see dɩ mɩ kpʋba.”

ƐZƖKƖƐL 12:14

Mɩ jaŋ ŋmoo nɩalɩŋ sɩ hɛ ʋ teeŋ pɩsɛ, nɩalɩŋ sɩɩ dagʋ arɩ laalɩyuoro-la sɩɩ pɔʋ, a kire to kpʋba arɩ tokobiiŋ.

ƐZƖKƖƐL 32:23

Ba vaamaa hɛ lɛlɛɛ-jaŋ dɩ-luŋii lɛ nɛ. Asiiria laalɩyuoroo kala nɛ ba kpʋ laalɩŋ lɛ, ba vaamaa golli ʋ vaamɩŋ. Nɩalɩŋ sɩ joŋ fawʋllʋŋ hɛ tinteeŋ nɩaa lɛ, ba kala nɛ ba kpʋ laalɩŋ lɛ.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

ƐZƖKƖƐL 5:2

Dɩ tapʋlɩa-la ŋ sɩ golli tabal-la a yuyuo nɛ kʋ dɛrɛ, joŋ pʋna-la sɛmɛ dɔŋɔ nyɩgɛ tabal-la tʋɔŋ. Joŋ pʋna-la sɛmɛ dɔŋɔ ma a kɛŋ tokobii-la ta kikeri aŋ gugolli tabal-la. Joŋ sɛmɛ dɔŋɔ ma yuo dɩ peliŋ kaa jaasɛ. Mɩ jaŋ leŋ dɩ laalɩŋ kire to ba harɩŋ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.