JƐRƖMAAYA 49:32 - WƖA TENIŊ

³² Ba jaŋ yuo laa ba bʋntaŋŋaba, a yuo laa ba nɛ-daŋ-la ma. Mɩ jaŋ kɛŋ ba nɩalɩŋ sɩ hɛ dɩ-boloo pɩsa hɛ lee-kala, ba nɩalɩŋ sɩ kɛ ba nyu-pʋnaa ba kui, aŋ leŋ dɩ wʋlɔrʋŋ lɩɩ sɛmɛ na-kala a kʋ jʋʋba. Mɩ-na ma TƖƖNA nɛ bʋla.

JƐRƖMAAYA 49:32 ပူးပေါင်းရင်းမြစ်များ

JƐRƖMAAYA 25:23

nɩalɩŋ sɩ hɛ Dedaŋ, Tɛma, Bus arɩ nɩalɩŋ kala sɩ hɛ dɩ-boloo,

JƐRƖMAAYA 49:36

Mɩ jaŋ kɛŋ dʋndɔŋŋɔɔ lɩɩ dʋnɩa sɛmɛ kala kʋ hɛ Ɛlam lɛ. Mɩ jaŋ kɛmba pɩsa hɛ dʋnɩa sɛmɛ kala, ba jaŋ mʋ yoŋ-baga tintee kala lɛ.

JƐRƖMAAYA 9:25

La TƖƖNA bɩra sɩ, “Tapʋlaa ka kɔ nɛ, mɩ sɩ jaŋ dɔgɩsɛ nɩalɩŋ kala sɩ keri ba penee dʋndʋŋ, aŋ bɩ ba tʋɔŋ pʋlla.

JƐRƖMAAYA 9:26

Nɩalɩŋ nɛ ŋaa: Ijipiti nɩaa, Ɛdɔm nɩaa, Amɔŋ nɩaa, Mʋab nɩaa arɩ nɩalɩŋ kala sɩ hɛ tintee-hɩlɩŋ lɛ dɩ-boloo. Tinteyee deemba kala nɩaa bɩ ba tʋɔŋ pʋlla. Iziral tɩŋŋaa kala ma paala bɩ ba tʋɔŋ pʋlla.”

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.