JƐRƖMAAYA 49:31 - WƖA TENIŊ

³¹ “Má sii a mʋ yuo tintee nɩa sɩ hɔnɔ ta jɩa a bɩ wɩɩ ka fá. Mɩ-na ma TƖƖNA nɛ bʋla. Tinteeŋ deeŋ bɩ boi-baalaa koo doloo kɛnɛ ba kaa tɔ. Ʋ nɩaa yie hɔŋ ba dʋndʋŋa nɛ.

JƐRƖMAAYA 49:31 ပူးပေါင်းရင်းမြစ်များ

WƖA YƖƖLAA 123:4

Nɩalɩŋ sɩɩ dagɛ ba tɩtɩa mɔnla a kieli nɛ, sɩɩ-duo tɩŋŋaa bee gʋʋnɛla a kieli nɛ.

WƖA YƖƖLAA 73:12

Ŋɩɩ nɛ nɩbɔmɔ-la nagɛ, wɩɩkala bɩ ba lɛ ŋaa, ka ba dʋa ma pʋŋa pɩpɛ.

AZAAYA 32:11

Ma haala-la sɩ bɩɩna ma vɔgɔ nɛ, wɩɩkala ma sɩɩ chɛ lɛ, má leŋ dɩ fawʋllʋŋ kɛmma dɩ ma chichel. Má wuri ma gɛnnɩŋ aŋ paa tʋɔ-chei gɛnnɩŋ a vɔɔ ma tɩnsɩŋ.

AZAAYA 32:9

Ma Jerusalɛm haalaa sɩ bɩɩna ma maga nɛ ma wɩɩ wɩɩkala lɛ, má jegile nɩɩ mɩ teeŋ. Ma tolie-la sɩ bɩɩna wʋwalɩmaa tuo, má nɩɩ wɩɩ-la mɩ sɩ kɛnɛ dɩ mɩ bʋl.

AZAAYA 42:11

Má leŋ dɩ tintee-hɩlɩŋ arɩ tasɩ-la sɩ hɛ nɩmɛ nɩaa dɛnnɛ La TƖƖNA. Ma nɩalɩŋ kala sɩ hɔŋ taŋ-la ba sɩɩ yɩrɛ Kɛda lɛ, má jʋjʋɔsɛ. Nɩalɩŋ ma sɩ hɔŋ taŋ-la ba sɩɩ yɩrɛ Sɛla lɛ, má sii jɩl peelee nyuŋ a ŋaa goŋ arɩ tʋɔtɔrʋŋ.

AZAAYA 47:8

Jegile nɩɩ mɩ teeŋ, ŋ-na nɩɩ-la sɩ cho sɩma, ŋ fa bɩɩna ŋ hɔŋ woruŋ nɛ, wɩɩkala bɩ jaŋ walɩmɩŋ. Ŋ fa bʋla arɩ ŋ dʋndʋŋa nɛ kɛŋ doluŋ, kʋŋ dɔŋ tuo a magɩŋ. Ŋ bɩɩna ŋ bɩ jaŋ kɔ dɩ ŋ nagɛ yo-haal koo dɩ ŋ biiriŋ kʋŋ tuo dɩ ŋ na hɛɛŋ.

JƐRƖMAAYA 48:11

Mʋab tɩŋŋaa hɔnɔ nɛ sɔm ba hambiiriŋ kala lɛ, a nagɛ girep nɛnɛɛ sɩnɩŋ sɩ fɩɛla tele pɩŋ, ba bɩ ʋ bɩsa lɩɩ pupoiŋ dɔŋɔ a hɩhɛ dɔŋɔ lɛ. Ʋ ha bɩ yoŋ-baga mʋa. Ʋ sɩma bɩ lɩa, ʋ sʋɔra ma bɩ bɩrɩma.”

ƐZƖKƖƐL 30:9

Tapʋlɩɩ-la mɩ sɩ jaŋ chei Ijipiti tɩŋŋaa, mɩ jaŋ tɩŋ nɩaa dɩ ba jʋʋ lɩɩŋ-daborusuŋ a mʋ fugisi Kus tɩŋŋaa, ba sɩ ta jɩa ŋɩɩ. Fawʋllʋŋ jaŋ kɛmba Ijipiti tapʋl cheyiŋ. Tapʋlɩɩ-la sɛnɛ ka kɔ nɛ.”

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

ƐZƖKƖƐL 39:6

Mɩ jaŋ joŋ nyiniŋ hɛ Magɔg tinteeŋ lɛ, a pɛ nɩalɩŋ sɩ hɔŋ mʋgʋ-balɩŋ niiŋ a ta jɩa lɛ, ŋɩɩ nɛ ba jaŋ jɩŋ arɩ mɩ nɛ ba TƖƖNA.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

NAHUM 1:12

Wɩɩ-la La TƖƖNA sɩ bʋla pɩ ʋ nɩaa, Juda doho nɩaa nɛ ŋ-la: “Asiiria tɩŋŋaa kɛŋ harɩchɩnnaa nɛ a yʋgɛ, ama mɩ jaŋ keriba ta dɩ ba lɛl. Mɩ fa ŋaa wɩaa jʋʋ ma Juda doho lɛ nɛ, ama mɩ bɩra bɩ jaŋ ŋaa ŋɩɩ.

ZEFANAAYA 2:15

Wɩɩ-la sɩ jaŋ ŋaa tabal-la nɩaa fa sɩ hɔnɔ ta jɩa, wɩɩ bɩ baa walɩmɛ lɛ nɛ ŋɩɩ. Tabal-la fa bʋl ʋ tɩtɩa lɛ, “Mɩ-na nɛ hɛ nɩmɛ, kʋŋkala tuo a magɛmɛ.” Ʋ nɛ mɩɩra pɩŋ jikpeeŋ ŋɩɩ a ŋaa baga kɩaa dɩjʋʋlʋŋ. Nɩalɩŋ kala sɩ tou bɩbal yie sieri ʋ lɛ aŋ kɛŋ nɩsɩŋ liese dɩdagɛ.

NAMBABA 23:9

Mɩ chɩŋ bʋŋ nyuŋ nɛ aŋ na nɩalɩŋ, a bɩra chɩŋ dundolo ma nyuŋ aŋ bibemba. Ba ŋaa nɩaa sɩ chɩŋ ba dʋndʋŋ nɛ, ba bɩ tinteye-la dɔnsʋŋ naga.

MOSIS BƖRA WULLI WƖA WOMBIIŊ 33:28

Iziral tɩŋŋaa jaŋ hɔŋ tintee-la sɩ kɛŋ fɩɛlɩŋ lɛ, tintee-la duoŋ-zɔmʋŋ sɩ jaŋ nɩɩ, dɩ kʋdiilee arɩ tɩɩnɛnɛɛ sɩnɩŋ hɛ nɩmɛ.