JƐRƖMAAYA 49:3 - WƖA TENIŊ

³ Ou Hɛsɩbɔŋ, ŋmoo niiŋ, bɛɛ wɩaa ba chei Aɩ nɛ. Nɩalɩŋ sɩ hɛ Raba lɛ, má ŋmoo niiŋ. Má laalɛ tʋɔ-chei gɛnnɩŋ a yel. Má fá bɩbaarɛ taŋ-la tʋɔŋ, bɛɛ wɩaa ba jaŋ joŋ ma vene-la ba sɩɩ yɩrɛ Mɔlɛk a mʋ yoŋ-baga, a pɛ nɩalɩŋ sɩɩ kpaarʋ lɛ arɩ ʋ tɩntɩnnɩ-hɩasɩŋ lɛ.

JƐRƖMAAYA 49:3 ပူးပေါင်းရင်းမြစ်များ

2 SAMƲƐL 11:1

Tafaaŋ, bʋa-la lɛ kuoroo sɩ yie mʋmʋ laalɩŋ, ŋɩɩ nɛ Devit ta Jʋab arɩ ʋ laalɩyuori-hɩasɩŋ arɩ Iziral laalɩyuoroo kala ba mʋ laalɩŋ. Ba mʋ yuo dii Amɔŋ tɩŋŋaa aŋ tɔ ba tabalɩŋ ba sɩɩ yɩrɛ Raba ma hɛ. Ka Devit-na fa hɛ Jerusalɛm lɛ.

1 KUOROO 11:33

Mɩ jaŋ ŋaa wɩɩŋ deeŋ, bɛɛ wɩaa Solomoŋ arɩ Iziral tɩŋŋaa vɩamɛ nɛ aŋ kpʋkpaarɛ Sɩdɔŋ tɩŋŋaa vene-la ba sɩɩ yɩrɛ Asɩtɔrɛf, arɩ Mʋab tɩŋŋaa vene Chɛmɔs, arɩ Amɔŋ tɩŋŋaa vene Mɔlɛk. Solomoŋ bɩ mɩ wombiee to, a bɩ wɩalɩŋ mɩ sɩɩ chɛ ŋaa arɩ ʋ nyɩmma Devit sɩ ŋaa ŋɩɩ.

1 KUOROO 11:5

Ʋ mɩɩra kpʋkpaarɛ Sɩdɔŋ tɩŋŋaa veŋ-haal-la ba sɩɩ yɩrɛ Asɩtɔrɛf arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk nɛ.

2 KUOROO 23:13

Kuoro Josaaya fa bɩra chei vesiŋ dɩ-kpaarɩa-la sɩ hɛ Jerusalɛm wɩɩpɔsʋŋ, a hɛ dundolo-la ba sɩɩ yɩrɛ Cheeriŋ Dundolo wɩɩpɔsʋŋ nadiiŋ, lere-la Iziral tinteeŋ kuoro Solomoŋ fa sɩ saa a pɩ Sɩdɔŋ tɩŋŋaa veŋ-bɔŋ-la ba sɩɩ yɩrɛ Asɩtɔrɛf, arɩ Mʋab tɩŋŋaa veŋ-bɔŋ-la ba sɩɩ yɩrɛ Chɛmɔs arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk.

ƐZƖRA 2:28

Bɛtɛl arɩ Aɩ ma nɩaa ŋaa zɔɔ-balɩa arɩ mara arɩ batori nɛ.

AZAAYA 13:6

Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.

AZAAYA 14:31

Fɩlɩsɩtɩa tɩmma, má ŋmoo niiŋ ma tabalaa lɛ, má leŋ dɩ fawʋllʋŋ kɛmma, dɩ ma nandaasɩŋ yʋɔrɛ. Laalɩyuoroo nɛ hɛ dɔŋɔ a nagɛ duoŋ-bɩlɩmbaanɩŋ a lɩɩ wɩɩpɔsʋŋ nagʋa dɩɩrɩŋ a kʋkɔ ma lɛ, nɩtɛsʋ kala tuo laalɩyuoro-la tʋɔŋ.

AZAAYA 15:2

Taŋ-la ba sɩɩ yɩrɛ Dɩbɔŋ, ʋ nɩaa sii jɩl ba vene dɩa nɛ peeliŋ nyuŋ a yiyel. Mʋab tɩŋŋaa ka ŋmoo niiŋ nɛ tasɩ-la ba sɩɩ yɩrɛ Mediba arɩ Nebo wɩaa. Ba paala fʋŋ ba nyusuŋ a fʋŋ ba tɔŋŋɔɔ ma kala a dɩdagɛ arɩ ba tʋɔŋ cheye nɛ.

AZAAYA 16:7

Mʋab tɩŋŋaa jaŋ ŋmoo niiŋ hɛ dɔŋɔ a tɩŋ ba tinteeŋ wɩaa, ba tʋɔŋ jaŋ chei a tɩŋ kʋdii-zɔmɔ-la ba fa sɩɩ dii Kii Harɛsɛf lɛ wɩaa.

AZAAYA 23:1

Wɩalɩŋ Wɩa sɩ bʋla pɩmɛ a mʋ tɩgɛ Taaya lɛ nɛ ŋ-la: Ma nɩalɩŋ sɩɩ tɩŋ lɩɩŋ daborusuŋ tʋɔŋ Taasɩs lɛ, má ŋmuŋmoo niiŋ, bɛɛ wɩaa Taaya kala nɛ cheye. Ʋ dɩɩsɩŋ arɩ lere-la kala ma sɩɩ bil ma lɩɩŋ daborusuŋ kʋŋ bɩ ka. Duoso-la sɩ lɩɩ Saapʋrɔs tinteeŋ kɔ nɛ ŋɩɩ.

AZAAYA 23:6

Má ŋmoo niiŋ, ma nɩalɩŋ sɩ hɔŋ mʋga niiŋ. Má sii fá chol taŋ-la ba sɩɩ yɩrɛ Taasɩs.

JƐRƖMAAYA 4:8

Ŋɩɩ wɩaa, má laalɛ tʋɔ-chei gɛnnɩŋ a ta jembiee yel woruŋ, bɛɛ wɩaa La TƖƖNA baaŋ-la sɩ faasa sii la nyuŋ ha bɩ fɩɛla.

JƐRƖMAAYA 46:25

La TƖƖNA doluŋ kala Tɩɩna, Iziral tɩŋŋaa Wɩa sɩ: “Mɩ ŋaa siri nɛ dɩ mɩ dɔgɩsɛ Tɛbɛs tɩŋŋaa vene-la ba sɩɩ yɩrɛ Amɔŋ, Ijipiti tinteeŋ kuoro, Ijipiti arɩ ʋ vesiŋ arɩ ʋ kuoroo, arɩ nɩalɩŋ sɩ joŋ ba yɩɛlaa hɛ Ijipiti tinteeŋ kuoro lɛ.

JƐRƖMAAYA 48:2

Nɩaa bɩra bɩ jaŋ bɛsɛ Mʋab lɛ. Hɛsɩbɔŋ lɛ, nɩaa jaŋ chɛ ŋɩɩ ba sɩ jaŋ ŋaa dɩ ʋ tel a bʋl: ‘Má kɔ dɩ la dɛrɛ tinteeŋ deeŋ.’ Taŋ-la ba sɩɩ yɩrɛ Madɩmɛŋ ma jaŋ ŋaa chɩm. Laalɩŋ jaŋ kire to ʋ harɩŋ.

JƐRƖMAAYA 48:20

Hɩɩsɩŋ dii Mʋab nɛ, ʋ kala yagɩsɛ. Má ŋmoo niiŋ, a yel. Má chɩŋ Anɔŋ fuo-la leriŋ a heele bʋl arɩ ba chei Mʋab nɛ.

JƐRƖMAAYA 48:37

Ba fʋŋ ba nyusuŋ kala nɛ, a fʋŋ ba tɔŋŋɔɔ ma kala. Ba kpɛrɛ ba nɩsaa nɛ aŋ vɔɔ tʋɔ-chei gɛnnɩŋ.

JƐRƖMAAYA 48:7

Mʋab, ŋ sɩ joŋ ŋ yɩɛlaa hɛ ŋ wʋŋaalaa arɩ ŋ sɩ kɛŋ kɩaa lɛ ŋɩɩ, ba jaŋ yuo kɛŋ ŋ ma, a joŋ vene-la ba sɩɩ yɩrɛ Chɛmɔs mʋ yoŋ-baga, ʋ dɩ nɩalɩŋ sɩɩ kpaarʋ arɩ ʋ tɩntɩnnɩ-hɩasɩŋ.

JƐRƖMAAYA 49:1

Wɩalɩŋ sɩ mʋ tɩgɛ Amɔŋ tɩŋŋaa lɛ nɛ ŋ-la: Wɩɩ-la La TƖƖNA sɩ bʋla nɛ ŋ-la: “Iziral bɩ hambolibiisiŋ kɛnɛɛ? Ʋ bɩ nɩalɩŋ sɩ jaŋ dii ʋ dʋa kɛnɛɛ? Bɛɛ nɛ saa tɩɩ vene-la ba sɩɩ yɩrɛ Mɔlɛk laa Gad tinteeŋ? Bɛɛ nɛ tɩɩ ʋ nɩaa hɔŋ Gad tasɩŋ lɛ?

JƐRƖMAAYA 51:8

Babɩlɔŋ jaŋ guu tel a bori. Má yel ʋ lɛ. Má chɛ daalusuŋ a hɛ ʋ lere-la sɩɩ wɩɩ, kapo ʋ jaŋ wuo duori.

JƐRƖMAAYA 6:26

La Tɩɩna sɩ, “Mɩ nɩaa, má paa tʋɔ-chei gɛnnɩŋ laalɛ a bilimi tʋɔrʋŋ lɛ. Má chaasa yel, yel-haaŋ a nagɛ nʋʋ sɩ kɛŋ ʋ bii-bala ʋ sʋʋ. Ʋ bɩ jaŋ dieni ka dɩ nɩɩ-la sɩɩ chei leriŋ guu kɔ ma lɛ, a yuola.

AMƆS 1:15

La Tɩɩna sɩ, “Ba jaŋ kɛŋ ba kuoro arɩ ʋ nɩhɩasɩŋ kala kaa mʋ yoŋ-baga.”

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

Jeems 5:1

Ma nɩalɩŋ sɩ kɛŋ kɩaa, má jegile nɩɩ mɩ teeŋ. Máa ŋmoo niiŋ a yiyel a tɩŋ hɛɛ-la sɩ jaŋ jʋʋ ma wɩaa.

JOSUA 7:2

Ŋɩɩ nɛ Josua tɩŋ baalaa ba lɩɩ Jeriko lɛ, a mʋ taŋ kʋbala baa yɩrɛ Aɩ, ʋ kpagɛ Bɛf Avɛŋ nɛ a hɛ Bɛtɛl wɩɩpɔsʋŋ. Ʋ sɩ, “Má mʋ a lʋara beŋ tintee-la.” Ŋɩɩ nɛ baala-la mʋ lʋara beŋ Aɩ tintee-la.

JOSUA 8:1

Ŋɩɩ nɛ La TƖƖNA bʋla pɩ Josua, “Sɩ́ fawʋllʋŋ fá a sɩ́ leŋe dɩ ŋ nandaasɩŋ yʋɔrɛ. Kɛŋ laalɩyuoro-la kala dɩ ma mʋ a yuo Aɩ tabal-la. Mɩ joŋ Aɩ kuoro, ʋ nɩaa, ʋ jaŋ arɩ ʋ tinteeŋ kala a hɛ ma nɩsɩŋ lɛ nɛ.

JOSUA 8:28

Josua nyɩgɛ Aɩ kala nɛ ʋ pɩŋ jikpeeŋ a kaa kɔ jɩnɩŋ kala.