JƐRƖMAAYA 49:29 - WƖA TENIŊ

²⁹ Má laa ba piesee arɩ ba lɛŋŋɛɛ, ba lɛŋŋɛɛ patɩɩsamba arɩ ba kɩaa. Má laa ba bʋntaŋŋaba. Má ŋaa goŋ a bʋla pɩba, ‘Fawʋllʋŋ hɛ lee-kala nɛ.’

JƐRƖMAAYA 49:29 ပူးပေါင်းရင်းမြစ်များ

WƖAA DƖ-SUOMUŊ 37:25

Ba sɩ hɔnɔ dɩ ba dii kɩaa, ba na dɩ Ɩsɩmɛl doho nɩaa kɛŋ ba bʋntaŋŋaba kɩɛla to dɔŋɔ a lɩɩ Gɩlɩad tinteeŋ dɩɩrɩŋ a kʋkɔ. Ba bʋntaŋŋaba fa chʋŋ tegisiŋ nɛ, nʋʋ-sʋɔrʋsʋŋ, tɩɩ-kel-zɔŋŋɔɔ arɩ tɩɩ-nɛŋ-zɔŋŋɔɔ ba sɩ yie joŋo hɛ kʋdiilee lɛ ba sɩŋ a kaa mʋmʋ Ijipiti tinteeŋ.

JOB 1:3

Ʋ fa kɛŋ piesee bʋɩ balɩpɛ nɛ, bʋntaŋŋaba ma bʋɩ batori, nɛ-pɛrɛɛ bʋbʋɔ-bugoo ma zɔɔ-banɔŋ, kakusuŋ ma zɔɔ-banɔŋ. Ʋ tɩntɩnnaa ma fa yʋgɛ woruŋ. Ʋ nɛ fa ŋaa kɩaa tɩɩna wɩɩpɔsʋŋ dɩɩrɩŋ nɩaa kala tʋɔŋ.

WƖA YƖƖLAA 120:5

Wɩaa jaŋ puumi dɩ mɩ nɛ hɛ Mɛsɛk lɛ, koo dɩ mɩ nɛ hɛ Keda nɩaa tʋɔŋ.

WƖA YƖƖLAA 31:13

Mɩ dʋndɔŋŋɔɔ yʋga a bʋl wʋbɔŋŋɔɔ aa tɩgɛ mɩ lɛ, fawʋllʋŋ kala nɛ kɛmmɛ. Baa vʋʋrɛ mɩ wɩaa nɛ dɩ ba kpʋmɛ.

AZAAYA 13:20

Nʋʋkala bɩra bɩ jaŋ hɔŋ nɩmɛ koo a hɛ lee-la a kaa mʋ wuu. Arab tɩŋŋaa ma sɩ ŋaa nɩgɔllɔ baarɩa ma bɩ jaŋ hɛ lɛŋŋɛɛ a hɔŋ nɩmɛ. Pie-daaraa ma bɩ jaŋ kiri ba piesee mʋ nɩmɛ dɩ ba dii yaŋ.

AZAAYA 60:7

Ba jaŋ kɛsɛ Kɛda piesee arɩ Nabayɔf pie-belli-la kala a hɛ dɔŋɔ lɛ a kaa kʋ pɩŋ, dɩ ŋ kpʋ a ŋaa Wɩɩsʋlʋŋ mɩ koru-la nyuŋ, dɩ mɩ laa ŋ sʋla. Mɩ-na ma TƖƖNA jaŋ leŋ dɩ mɩ dɩɩ-bal-la wasa kɛŋ tʋla.

JƐRƖMAAYA 10:20

Ba chei mɩ lɛbɩŋ nɛ, a keri ʋ ŋmɛsɩŋ kala. Mɩ biiriŋ kala viire nɛ aŋ ka mɩ, ba bɩra tuo. Nʋʋkala bɩra tuo dɩ ʋ hɛ mɩ lɛbɩŋ, koo dɩ ʋ kɛŋ lɛbɩ-la patɩɩsamba kɛrɛ.

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 46:5

Bɛɛ kʋŋ nɛ mɩ nɩna? Fawʋllʋŋ kɛmba nɛ, ba mɩɩra fɩfá nɛ, ba yuo dii ba laalɩyuoroo nɛ. Baa fa nɛ lɩma lɩma, ba bɩ harɩŋ ka daasɛ, fawʋllʋŋ golliba chu nɛ. Mɩ-na ma TƖƖNA nɛ bʋla.

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 49:5

Mɩ jaŋ leŋ dɩ nɩalɩŋ sɩ hɔnɔ gollima fawʋllʋŋ kɛmma. Mɩ-na ma TƖƖNA doluŋ kala Tɩɩna nɛ bʋla. Ba jaŋ kiri ma kala ta. Nʋʋkala bɩ jaŋ kɛŋ nɩalɩŋ sɩ fa pɩsɛ kʋ hɛ dɔŋɔ.

JƐRƖMAAYA 6:25

Má pɔ ma sɩ́ pɔkɔŋ nyuŋ jɩl a sɩ́ wombiee ma lɛ vɛŋ, bɛɛ wɩaa la dʋndɔmɔ-la kori tokobiee nɛ, fawʋllʋŋ hɛ lee-kala.

HABAKU 3:7

Mɩ na dɩ fawʋllʋŋ kɛŋ Kusa nɩaa ba lɛŋŋɛɛ lɛ, Midiaŋ nɩaa ma chichel ba dɩjʋʋlʋŋ.

2 Kɔrɩntɩ Nɩaa 4:8

La na hɛɛŋ nɛ woruŋ lee-na kala, ama hɛɛ-la bɩ la wuo. Bʋa dɔŋɔ lɛ la yie bɩ jɩŋ wɩɩ-la kala lɛ la sɩ hɛ, ama la ha kɛŋ yɩɛlaa.

2 Kɔrɩntɩ Nɩaa 7:5

La sɩ paala kʋ jʋʋ Masidoonia tinteeŋ, la bɩ wiesee na. Wɩaa jʋʋla nɛ. Nɩaa kɛnla yuo yuosuŋ, fawʋllʋŋ jʋʋla.

SƖPAALAARAA 6:5

Ba yie kiri ba pʋsʋŋ aŋ chʋŋ ba lɛŋŋɛɛ a kʋkɔ a nagɛ hɔbɩ-laalɩŋ sɩɩ kɔ. Ŋ bɩ ba dɩ ba bʋntaŋŋaba wuo dɩɩsɛ. Ba yie tɔ tintee-la kala nɛ a cheyu.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

SƖPAALAARAA 8:21

Zɛba arɩ Zalɩmʋna bʋl, “Ŋ tɩtɩa kʋ kpʋla. Baala sɩ yi ŋɩɩ, ʋ doluŋ ma yi ŋɩɩ nɛ.” Ŋɩɩ nɛ Gɩdɩɔŋ sii a kpʋ Zɛba arɩ Zalɩmʋna, aŋ chaarɛ kpɩɛra-la fa sɩ hɛ ba bʋntaŋŋaba baŋŋaa lɛ.

SƖPAALAARAA 8:26

Ba sɩ joŋ sɛlɩmɛ dɩgɩlɩŋ-kpɛnsɩ-la ʋ sɩ leŋe ba kaa kɔ a magɩsɛ, ba yuŋuŋ ka mʋa dɩ ʋ yi kilo mara. Ba kpɩɛraa dɔnsʋŋ: baŋŋaa kɩaa, gɛrɩ-mʋɔla-la Midiaŋ kuoroo sɩɩ laalʋ, koo chɔrʋmɔ-la kala ba sɩ yie joŋo hɩhɛ bʋntaŋŋaba baŋŋaa-na bɩ pɛ.