JƐRƖMAAYA 49:2 - WƖA TENIŊ

² Ama tapʋlaa ka kɔ nɛ, dɩ mɩ ŋaa laalɩyuori goŋ ma Mʋab tɩŋŋaa tabalɩŋ Raba nyuŋ. Ʋ jaŋ bɩrɩmɛ jikpeeŋ, ka dɩ ba nyɩgɛ tabiisi-la kala sɩ gollu. Ŋɩɩ nɛ Iziral tɩŋŋaa ma jaŋ kiri nɩalɩŋ fa sɩ kiriba ta, mɩ-na ma TƖƖNA nɛ bʋla.

JƐRƖMAAYA 49:2 ပူးပေါင်းရင်းမြစ်များ

2 SAMƲƐL 11:1

Tafaaŋ, bʋa-la lɛ kuoroo sɩ yie mʋmʋ laalɩŋ, ŋɩɩ nɛ Devit ta Jʋab arɩ ʋ laalɩyuori-hɩasɩŋ arɩ Iziral laalɩyuoroo kala ba mʋ laalɩŋ. Ba mʋ yuo dii Amɔŋ tɩŋŋaa aŋ tɔ ba tabalɩŋ ba sɩɩ yɩrɛ Raba ma hɛ. Ka Devit-na fa hɛ Jerusalɛm lɛ.

WƖA YƖƖLAA 48:11

Nɩalɩŋ sɩ hɛ peel-la ba sɩɩ yɩrɛ Zaayɔŋ lɛ tʋɔŋ jaŋ tɔrɛ, dɩ Juda tabiisiŋ ma kala nɩaa tʋɔŋ tɔrɛ a tɩŋ ŋ sɩ kɛŋ wʋtɩtɩɩ a didii sarɩya wɩaa.

WƖA YƖƖLAA 97:8

Zaayɔŋ nɩaa jaŋ nɩɩ a jʋɔsɛ dɩ Juda tabiisiŋ nɩaa ma tʋɔŋ tɔrɛ, a tɩŋ La Tɩɩna sɩ dii nɩaa sarɩya wɩaa.

AZAAYA 11:14

Ba jaŋ sii a to lere-la sɩ chulloo tuu a kʋ yuo Fɩlɩsɩtɩa tɩmma-la sɩ hɛ wɩɩjʋʋlʋŋ dɩɩrɩŋ. Ba jaŋ gbaara yuo dii nɩalɩŋ ma sɩ hɛ wɩɩpɔsʋŋ nagʋa dɩɩrɩŋ aŋ laa ba kɩaa. Ba jaŋ yuo dii Ɛdɔm arɩ Mʋab nɩaa. Amɔŋ tɩŋŋaa-na jaŋ sɛɩ wɩɩ-la kala ba sɩ bʋla.

AZAAYA 17:1

Wɩɩ-la La TƖƖNA sɩ bʋla pɩmɛ a tɩgɛ Damasɩkʋs lɛ nɛ ŋ-la: “Má bee na, Damasɩkʋs kala jaŋ chei, ʋ bɩra bɩ jaŋ ŋaa taŋ, ʋ jaŋ pɩŋ jikpeeŋ.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 49:1

Wɩalɩŋ sɩ mʋ tɩgɛ Amɔŋ tɩŋŋaa lɛ nɛ ŋ-la: Wɩɩ-la La TƖƖNA sɩ bʋla nɛ ŋ-la: “Iziral bɩ hambolibiisiŋ kɛnɛɛ? Ʋ bɩ nɩalɩŋ sɩ jaŋ dii ʋ dʋa kɛnɛɛ? Bɛɛ nɛ saa tɩɩ vene-la ba sɩɩ yɩrɛ Mɔlɛk laa Gad tinteeŋ? Bɛɛ nɛ tɩɩ ʋ nɩaa hɔŋ Gad tasɩŋ lɛ?

ƐZƖKƖƐL 21:20

Bɩra magɩlɛ wombii-la dɔŋɔ tokobii-la sɩ jaŋ to mʋ Amɔŋ tɩŋŋaa tabal-la ba sɩɩ yɩrɛ Raba, aŋ magɩlɛ wombii-la dɔŋɔ ma sɩɩ mʋ Juda arɩ Jerusalɛm tabal-la ba sɩ saa kɛrɛ golli.

ƐZƖKƖƐL 21:25

Iziral kuoro, ŋ ŋaa nɩbɔŋ nɛ a kɛŋ disiniŋ. Tapʋlɩɩ-la ba sɩ jaŋ dɔgʋsʋŋ yie nɛ.

AMƆS 1:14

La Tɩɩna bɩra sɩ, “Mɩ jaŋ joŋ nyiniŋ hɛ dɩ ʋ dii taŋ-la ba sɩɩ yɩrɛ Raba jeyee arɩ ʋ dɩɩ-duoruŋ. Tapʋlɩɩ-la ba dʋndɔŋŋɔɔ jaŋ ŋaa laalɩyuoru goŋ, aŋ tɔba hɛ a nagɛ pel-vinvilimiŋ a yuoba.”

OBADAAYA 1:19

Nɛgɛf nɩaa jaŋ laa Ɛsɔ tinteeŋ tɩɩ, dɩ nɩalɩŋ sɩ hɛ dundollu-la sɩ hɛ peeliŋ bʋbʋɔŋ ma laa Fɩlɩsɩtɩa nɩaa tinteeŋ. Ba jaŋ laa Efirem arɩ Samarɩa tinteeŋ, ka dɩ Bɛnjamɩŋ ma tɩɩ Gɩlɩad tinteeŋ.

NAMBABA 10:9

Dɩ ma nɛ hɛ ma tinteeŋ lɛ dɩ laalɩŋ sii ma dɩ ma dʋndɔmɔ-la sɩɩ fʋgɛma pɛgɛ, má faasa ŋmʋʋ banyilli-la, mɩ-na ma TƖƖNA Wɩa jaŋ nɩɩ a laama ta ma dʋndɔŋŋɔɔ nɩsɩŋ lɛ.

NAMBABA 21:25

Ŋɩɩ nɛ Iziral tɩŋŋaa yuo dii Amɔrɩ tɩŋŋaa tabalaa kala, a pɛ Hɛsɩbɔŋ arɩ tabiisi-la kala sɩ gollu, a hɔŋ ba lɛ.

MOSIS BƖRA WULLI WƖA WOMBIIŊ 13:16

Má paa taŋ-la tɩŋŋaa dʋa kala a kaa mʋ bil taŋ-la tʋtʋɔbaanɩŋ, a nyɩgɛ ba kala dɩ ba ŋaa kʋnyɩgaa Wɩɩsʋlʋŋ a pɩ ma TƖƖNA Wɩa. Taŋ-la maga dɩ ʋ pɩŋ jikpeeŋ nɛ a kaa mʋ wuu, ma bɩra sɩ́ ʋ paa saa.

MOSIS BƖRA WULLI WƖA WOMBIIŊ 3:11

(Kuoro Ɔgɩ nɛ fa ŋaa Refem doho nɩaa nɩwaayiile-la nɩkaanɩŋ. Hɔɔŋ nɛ ba fa kaa ŋaa ʋ kʋpɩnɩŋ. Ʋ duomuŋ ŋaa naakieliŋ bʋnɛsɛ arɩ kpaa magɛ dɔŋɔ, ʋ jalɩŋ ma ŋaa naakieliŋ bʋlɩa. Ʋ kʋpɩnɩɩ-la ha hɛ Amɔŋ tɩŋŋaa tabal-la ba sɩɩ yɩrɛ Raba lɛ.)

JOSUA 17:11

Ɩsaka arɩ Asa tinteyee lɛ, Manasɛ nɛ ha tɩɩ Bɛf Saŋ, Ibɩlɩam arɩ nɩalɩŋ sɩ hɛ Doo lɛ, a kɛŋ Ɛndɔ, Taanak arɩ Megido arɩ tasɩ-la kala sɩ golliba chu. (Doo nɛ ha baa yɩrɛ Nafɔf.)

JOSUA 17:16

Ŋɩɩ nɛ Josɛf doho nɩalɩŋ ma bʋl, “Efirem tintee-la peelee sɩ yʋga bɩ yʋgɛ a pɩla, Kɛnaŋ tɩmma-la sɩ hɛ tintee-taalɩsɩ-la lɛ, ba kɛŋ hɔɔŋ janɩŋ torukoba nɛ, ba dɩ nɩalɩŋ sɩ hɛ Bɛf Saŋ lɛ arɩ tasɩ-la kala sɩ golliba a chu arɩ nɩalɩŋ sɩ hɛ Jɛzɩrɛl fuonaa-la lɛ kala.”