JƐRƖMAAYA 49:19 - WƖA TENIŊ

¹⁹ A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Ɛdɔm tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

JƐRƖMAAYA 49:19 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 12:15

Ba nɛ ŋaa nɩalɩŋ sɩ chol Jɔdaŋ fuo-la jɩna tʋɔŋ chɛŋ-bumbuŋ lɛ, bʋa-la lɛ fuo-la sɩ chaasa su a gbu lɩlɩɩ, a kiri nɩalɩŋ sɩ hɔŋ fuonaa-la wɩɩpɔsʋŋ arɩ wɩɩjʋʋlʋŋ dɩɩrɩŋ kala ba fá pɩsɛ.

2 IZIRAL TƖŊŊAA NAABARƖŊ 20:6

aŋ bʋl, “La TƖƖNA, la naabalɩmaba Wɩa, ŋ hɛ ŋ jaŋ lɛ nɛ. Ŋ nɩɩ beŋ tinteyee kala sɩ hɛ dʋnɩa lɛ. Doluŋ kala hɛ ŋ nɩsɩŋ lɛ nɛ, nʋʋkala bɩ ŋ sɩpaaŋ wuo chɩŋ.

JOB 41:10

Nɩtɛrɛ kala tuo sɩ jaŋ wuo kosu dɩ ʋ sii ŋaa wɩaa. Kʋbɛɛ nɛ saa jaŋ wuo sii chɩŋ mɩ lɛ?

JOB 9:19

Dɩ doluŋ nɛ, ʋ nɛ kɛŋ doluŋ. Dɩ wʋtɩtɩɩ ma nɛ, kʋbɛɛ nɛ jaŋ wuo kɛnʋ mʋ sarɩya dɩ-diiliŋ?

JOB 9:21

Arɩ mɩ sɩ bɩ wʋcheeli kala kɛnɛ ma, mɩ bɩ mɩ tɩtɩa wɩaa chɩla, mɩ mɩɩsɩŋ paala bɩ bʋbʋa kala kɛnɛ a pɩmɛ.

WƖA YƖƖLAA 143:2

Mɩ ŋaa ŋ tɩntɩnnʋ nɛ, sɩ́ mɩ sarɩya dii, bɛɛ wɩaa nʋʋkala bɩ tʋɔpʋl tɩɩna ŋaa ŋ sɩpaaŋ.

WƖA YƖƖLAA 76:7

Ŋ dʋndʋŋa nɛ maga dɩ nʋʋkala fá. Nʋʋkala bɩ ŋ sɩpaaŋ wuo chɩŋ, dɩ ŋ nɛ na baanɩŋ.

WƖA YƖƖLAA 76:8

Ŋ hɛ ŋ jaŋ lɛ nɛ, aŋ bʋl arɩ ŋ jaŋ dii nɩaa sarɩya, fawʋllʋŋ kɛŋ dʋnɩa nɩaa nɛ ba ŋaa fʋɩɩ,

WƖA YƖƖLAA 89:6

Kʋŋkala tuo wɩa-nyuŋ sɩ jaŋ wuo kɛŋ ʋ tɩtɩa magɩsɛ La Tɩɩna. Ŋ tɩndaara-la kʋŋkala tuo a magɛ ŋ-na La Tɩɩna.

WƖA YƖƖLAA 89:8

La Tɩɩna Wɩa doluŋ kala Tɩɩna, kʋbɛɛ nɛ magɩŋ? La TƖƖNA, ŋ nɛ kɛŋ doluŋ arɩ wʋtɩtɩɩ.

MOSIS KƐŊ IZIRAL TƖŊŊAA LƖƖ 15:11

La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?

AZAAYA 40:25

Wɩa sɩ bɩ disiniŋ kɛnɛ sɩ, “Kʋbɛɛ nɛ ŋ jaŋ wuo kɛmmɛ magɩsɛ? Koo kʋbɛɛ nɛ magɛmɛ?”

AZAAYA 46:9

Má liliisi wɩalɩŋ sɩ ŋaa faafaa kala, a jɩŋ arɩ mɩ dʋndʋŋa nɛ Wɩa, Wɩa dɔŋ tuo a nagɛmɛ.

JƐRƖMAAYA 12:5

Ŋɩɩ nɛ la TƖƖNA bʋla pɩ Jɛrɩmaaya, “Dɩ ŋ dɩ nɩaa nɛ kɛŋ naasɩŋ fá pɩpagɩsɛ, dɩ ba kɛnɩŋ fá ŋ kala bɛsɩmɛ, ɛɛ nɛ ŋ dɩ janɩŋ jaŋ wuo fá pagɩsɛ? Dɩ ŋ nɛ gɛrɛ tintee-jaala lɛ, ɛɛ nɛ ŋ jaŋ ŋaa, dɩ ŋ nɛ hɛ Jɔdaŋ tɩɩ-lugunuŋ tʋɔŋ?

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 30:21

Ba tɩtɩa dɔŋɔ nɛ jaŋ ŋaa ba sɩpaalaara. Nɩɩ-la sɩ jaŋ bibemba jaŋ lɩɩ ba tɩtɩa tʋɔŋ. Mɩ jaŋ kɛnʋ kʋ kpagɛmɛ, dɩ ʋ kʋ yimi. Kʋbɛɛ nɛ nɩɩ-la sɩ jaŋ sɛɩ a kɛŋ ʋ tɩtɩa a kʋ kpagɛmɛ? Mɩ-na ma TƖƖNA nɛ pɩɛsa.

JƐRƖMAAYA 4:7

Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

DANƖƐL 7:4

Bumbuŋ kʋa nagɛ naachigiŋ aŋ kɛŋ kachuuŋ kɩŋkɛnsɩŋ. Mɩɩ benu ka ʋ kɩŋkɛnsɩ-la kala churi, ka ba kɛnʋ chʋʋla kɩɩ ʋ hui-naasɩŋ balɩa nyuŋ a nagɛ nuhuobiine. Ba joŋ nuhuobiine tʋɔbɩɩnaa hɛ ʋ lɛ.

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

ZƐKARƖYA 11:3

Má jegile nɩɩ pie-daaraa sɩɩ ŋmoo niiŋ, ba chei ba pʋsʋŋ dɩ-diilee nɛ. Má jegile nɩɩ naachigee sɩɩ huosu, ba chei Jɔdaŋ duu-la tʋɔŋ ba sɩɩ pɩŋ nɛ.

NAMBABA 16:5

Ŋɩɩ nɛ aŋ bʋla pɩ Kora arɩ ʋ harɩ-tooroo, “Chie chʋchʋɔŋ La TƖƖNA jaŋ dagɛ nɩɩ-la sɩ ŋaa ʋ nʋʋ arɩ nɩɩ-la sɩ bɩ disiniŋ kɛnɛ ʋ teeŋ. Nɩɩ-la ʋ sɩ lɩɩsa, ʋ jaŋ kɛnʋ mʋ kpagɛ ʋ tɩtɩa.

JOSUA 3:15

Baga kɩaa ŋaanɩŋ bʋa lɛ nɛ, dɩ fuo-la kala suo a pɛllɛ lɩlɩɩ. Arɩ ŋɩɩ kala Wɩɩsʋllɩ sɩpaalaaraa sɩ chʋŋ daga-la sɩ mʋ yi Jɔdaŋ fuo-la, ba naasɩŋ digi lɩɩ-la niiŋ,

Jɔɔŋ Wʋnaalaa 6:17

Tapʋlɩɩ-la Wɩa arɩ Pie-bie-la sɩ jaŋ na baanɩŋ dʋnɩa nɩaa nyuŋ yie nɛ. Kʋbɛɛ nɛ saa jaŋ wuo chɩŋ ba sɩpaaŋ?”