JƐRƖMAAYA 49:18 - WƖA TENIŊ

¹⁸ A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Ɛdɔm lɛ, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ. Mɩ-na ma TƖƖNA nɛ bʋla.

JƐRƖMAAYA 49:18 ပူးပေါင်းရင်းမြစ်များ

WƖA YƖƖLAA 11:6

Ʋ jaŋ leŋ dɩ nyiŋ-hal muloo arɩ jiribiiŋ chol nyiniŋ a lɩɩ wɩa-nyuŋ a kʋ tuu nɩbɔŋŋɔɔ lɛ a nagɛ duonuŋ sɩɩ nɩɩ, aŋ ka dɩ pel-lɩmɩŋ kɛmba.

AZAAYA 34:10

Ʋ jaŋ didii tɩtaŋɩŋ arɩ wɩɩhɛyɛ kala dɩ nyʋɔsʋŋ sisii wuu. Tintee-la jaŋ pɩŋ jikpeeŋ a kaa mʋ wuu, nʋʋkala bɩra bɩ jaŋ to nɩmɛ.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JƐRƖMAAYA 49:33

Hazɔ jaŋ bɩrɩmɛ jolluŋ dɩjʋʋlʋŋ. Ʋ jaŋ pɩŋ hoi a kaa mʋ wuu. Nʋʋkala bɩ jaŋ hɛ nɩmɛ, nʋʋkala bɩ jaŋ jʋjʋʋ nɩmɛ.”

JƐRƖMAAYA 50:40

A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Babɩlɔŋ lɛ, La TƖƖNA nɛ bʋla, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ.

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

ZEFANAAYA 2:9

Ŋɩɩ wɩaa, mɩ-na ma TƖƖNA doluŋ kala TƖƖNA sɩ ŋaa Iziral tɩŋŋaa Wɩa ŋmɩɛsa nɛ, mɩ nɛ bʋla: wʋtɩtɩɩ, mɩ jaŋ chei Mʋab dɩ ʋ nagɛ taŋ-la ba sɩɩ yɩrɛ Sodom a chei Amɔŋ tɩŋŋaa dɩ ba ma nagɛ taŋ-la ba sɩɩ yɩrɛ Gomora. Ba leriŋ kala jaŋ tɔ yaŋ arɩ kpesi bʋɔsʋŋ a pɩŋ kʋŋkʋlʋŋ a kaa mʋ wuu. Mɩ nɩalɩŋ sɩ ka jaŋ paa ba kɩaa, mɩ tintee-la nɩalɩŋ sɩ bɩ sʋba jaŋ laa ba tinteeŋ tɩɩ.” La TƖƖNA nɛ bʋla.

Rom Tɩŋŋaa 9:29

Ŋ-la nɛ Azaaya ma fa bɩra bʋl dɩ Wɩa jaŋ ŋaa maachie. Ʋ fa sɩ, “Dɩ La Tɩɩna doluŋ kala Tɩɩna nɛ fa bɩ la naabalɩma doho nɩaa baŋmɛnɛ leŋe, la kala fa jaŋ sʋʋ, a nagɛ Sodom arɩ Gomora nɩaa kala sɩ sʋʋ ŋɩɩ.”

MOSIS BƖRA WULLI WƖA WOMBIIŊ 29:22

Ma biiriŋ sɩ jaŋ to ma harɩŋ kɔ arɩ nɩwogusu-la sɩ lɩɩ tintee-boloo maachie jaŋ sii a na wʋlɔrʋnʋ-la arɩ nyanyal-bɔmɔ-la La TƖƖNA sɩ joŋo ŋaa tintee-la lɛ.

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.