15 La TƖƖNA sɩ, “Lɛɛlɛ mɩ jaŋ leŋ dɩ ma muuri tinteyee tʋɔŋ, dɩ nɩaa bee gʋgʋʋnɛ ma.
Ama fawʋllʋŋ jaŋ kɛmma a kɩɩ faafaa-la. Wɩa jaŋ leŋ dɩ ʋ nɩaa dʋndɔŋŋɔɔ haŋgbelee pɩsɛ. Ʋ vɩaba ta nɛ. Ma-na Iziral tɩŋŋaa jaŋ yuo diiba dɩ hɩɩsɩŋ kɛmba.
Mɩ nɩɩ wɩɩ nɛ a lɩɩ La TƖƖNA teeŋ: Ʋ tɩŋ nʋʋ nɛ dɩ ʋ mʋ tinteyee nɩaa teeŋ a bʋl, “Má kʋ hɛ dɔŋɔ a yuo Ɛdɔm. Má sii yuo laalɩŋ.”
Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.
La TƖƖNA bʋla pɩ Ɛdɔm, “Mɩ jaŋ ŋaa dɩ ŋ muuri tinteyee kala tʋɔŋ. Ba jaŋ bee gʋʋnʋŋ.
Mɩ dʋndɔmɔ jaŋ na wɩɩ-la dɩ hɩɩsɩŋ kɛnʋ. Nɩɩ-la sɩ pɩɛsɛmɛ, “Nɩɩ nɛ ŋ TƖƖNA Wɩa hɛ?” Mɩ sɩɩŋ jaŋ na ʋ teliŋ, dɩ ba nʋɔsʋ a nagɛ vʋchɔɔŋ sɩ hɛ womporuŋ lɛ.
Ʋ kɛŋ ʋ naduo-la kaa tɩɛnɛ a ŋmoo babiibalaa a ŋaa ba wɩaa kala pugi.
Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.