JƐRƖMAAYA 49:10 - WƖA TENIŊ

¹⁰ Ama mɩ-na jaŋ gbegisi Ɛsɔ, ka dɩ ʋ kɛŋ yarɩ-biree. Mɩ jaŋ suri lee-la ʋ sɩɩ faa, dɩ ʋ bɩra sɩ́ ʋ tɩtɩa wuo kaa faa. Ʋ biiriŋ, ʋ naambiiriŋ arɩ nɩalɩŋ sɩ jʋʋ kpɩkpagʋ kala jaŋ sʋʋ, dɩ ʋ doho kala dɛrɛ.

JƐRƖMAAYA 49:10 ပူးပေါင်းရင်းမြစ်များ

WƖA YƖƖLAA 37:28

La Tɩɩna cho nɩalɩŋ sɩ kɛŋ wʋtɩtɩɩ, ʋ bɩ jaŋ vɩa nɩalɩŋ sɩ laaʋ dii ta. Ʋ yie chu tɔ ba lɛ nɛ bʋa na-kala, ama ʋ jaŋ keri nɩbɔŋŋɔɔ doho nɩaa ta.

AZAAYA 17:14

Dɩdaanɩŋ ba jaŋ ŋaa dɩ fawʋllʋŋ faasa kɛnla. Ama taŋ jaŋ pʋpʋl dɩ ba viire. Wɩalɩŋ sɩ jaŋ ŋaa nɩalɩŋ sɩ kʋ dii la tinteeŋ lɛ nɛ ŋɩɩ, ba time ba sɩ jaŋ laa nɛ ŋɩɩ.

AZAAYA 45:3

Mɩ jaŋ joŋ dʋa-la kala sɩ faa birimiŋ tʋɔŋ a pɩŋ. Ŋɩɩ lɛ nɛ ŋ jaŋ jɩŋ arɩ mɩ nɛ ma TƖƖNA, Iziral tɩŋŋaa Wɩa sɩ jɩmɩŋ, a yɩrɩŋ.

JƐRƖMAAYA 13:26

Mɩ jaŋ polli ma gɛnnɩŋ ta, ka dɩ nɩaa na ma hɩɩsɩŋ,

JƐRƖMAAYA 23:24

Nʋʋkala bɩ jaŋ wuo faa lee dɩ mɩ sɩ́ ʋ na. Mɩ hɛ tinteeŋ arɩ Wɩa-jaŋ kala lɛ nɛ. Mɩ-na ma TƖƖNA nɛ bʋla.

JEMBIEE 4:22

Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

AMƆS 9:3

Dɩ ba nɛ jɩla faa peel-la ba sɩɩ yɩrɛ Kamɛl nyuŋ, mɩ jaŋ chɛ kɛsɛba. Dɩ ba bɩra faa mʋgʋ-balɩŋ bʋbʋɔŋ dɩ mɩ sɩ́ ba na ma, mɩ jaŋ leŋ dɩ kataha sɩ hɛ lɩɩŋ tʋɔŋ dɩmba.

OBADAAYA 1:6

Ama, ba jaŋ gbille paa Ɛsɔ dʋa kala, kɩalɩŋ kala sɩ faa.

OBADAAYA 1:9

Tɛmaŋ nɩaa, fawʋllʋŋ jaŋ faasa jʋʋ ma laalɩyuori duoruŋ, ka dɩ ba kpʋ Ɛdɔm tinteeŋ nɩaa kala.

Rom Tɩŋŋaa 9:13

Ba bɩra ŋmʋnsɛ Wɩa teniŋ tʋɔŋ a bʋl ŋ-la nɛ: “Mɩ cho Jekɔb nɛ aŋ bɛrɛ Ɛsɔ.”