JƐRƖMAAYA 48:47 - WƖA TENIŊ

⁴⁷ Ama tapʋlaa ka kɔ nɛ, mɩ jaŋ bɩra joŋ Mʋab tɩŋŋaa dʋa pɩba ba tinteeŋ lɛ. Mɩ-na ma TƖƖNA nɛ bʋla.” Wɩalɩŋ sɩ jaŋ puu Mʋab tɩŋŋaa dɩdɛrɩŋ nɛ ŋ-la.

JƐRƖMAAYA 48:47 ပူးပေါင်းရင်းမြစ်များ

JOB 19:25

Ama mɩ jɩma mɩ Laataara hɛ nɩmɛ nɛ. Wɩaa deemba kala dɩdɛrɩŋ ʋ jaŋ kʋ chɩna bʋla laamɛ dʋnɩa deeŋ lɛ.

AZAAYA 18:7

Dɩ bʋa-la nɛ yie, nɩalɩŋ sɩ waa yi, ba yaraa ŋaa mʋla mʋla, a laa yɩrɩŋ nɩaa yuo diiniŋ lɛ dʋnɩa nɩaa kala fɩfába, ba tinteeŋ nɛ fuonuŋ kaa kpaa kpaa ŋɩɩ, ba jaŋ kɛŋ kɩaa kʋ ŋaa zile pɩ La TƖƖNA doluŋ kala Tɩɩna. Ba jaŋ kɛŋ kɩalɩŋ kɔ peel-la ba sɩɩ yɩrɛ Zaayɔŋ, lee-la ba sɩɩ zil La TƖƖNA doluŋ kala Tɩɩna.

AZAAYA 23:18

Ama nyʋʋrɩ-la kala ba sɩ jaŋ na jaŋ ŋaa La TƖƖNA kɩaa, ba bɩ jaŋ joŋo bil. Nyʋʋrɩ-la nɛ ba jaŋ joŋo yɔɔ kʋdiilee yʋgɛ arɩ gɛrɩ-zɔŋŋɔɔ a pɩ nɩalɩŋ sɩ tɩma pɩpɩ La TƖƖNA.

AZAAYA 25:11

Ba jaŋ hɛ ʋ tʋɔŋ aŋ kɛŋ ba nɩsaa jɛrɛ a nagɛ lɩɩ-duoroo sɩ yie kɛŋ ba nɩsaa a jɛrɛ ŋɩɩ dɩ ba nɩɩ duori lɩɩŋ. Arɩ ba wʋjɩmɩɩ-la kala, Wɩa jaŋ leŋ dɩ ba dii hɩɩsɩŋ.

AZAAYA 45:20

Ma nɩalɩŋ sɩ fá a kagɛ ma tinteyee lɛ, má hɛ dɔŋɔ lɛ a kɔ. Nɩalɩŋ kala sɩ kɛŋ daaŋ a ŋaa tɔŋŋɔɔ sɩ bɩ ba wuo laa ta a kpʋkpaarɛba a tuto vesiŋ, ba bɩ wɩɩkala jɩŋ.

JƐRƖMAAYA 12:14

Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 23:20

Mɩ-na ma TƖƖNA baanɩŋ bɩ jaŋ kɔ dɩ ʋ fɩɛla, see dɩ mɩ ŋaa wɩɩ-la sɩ hɛ mɩ tʋɔŋ lɛ a dɛrɛ. Tapʋlaa baŋmɛnɛ harɩŋ, ba jaŋ jɩŋ wɩɩ-la sɩaa kala woruŋ.

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 46:26

Mɩ jaŋ jomba hɛ nɩalɩŋ sɩɩ chɛ dɩ ba lɩɩsɛ ba mɩɩsɩŋ nɩsɩŋ lɛ, Babɩlɔŋ kuoro Nebukadineza arɩ ʋ tɩntɩnnɩ-hɩasɩŋ. Ama harɩŋ, nɩaa jaŋ bɩra hɛ Ijipiti tinteeŋ lɛ, a nagɛ faafaa-la. Mɩ-na ma TƖƖNA nɛ bʋla.

JƐRƖMAAYA 49:39

Ama ŋɩɩ harɩŋ, mɩ jaŋ leŋ dɩ Ɛlam nɩaa bɩra dʋa.” La TƖƖNA nɛ bʋla.

JƐRƖMAAYA 49:6

Ama ŋɩɩ harɩŋ, mɩ jaŋ leŋ dɩ Amɔŋ tɩŋŋaa bɩra dʋa, mɩ-na ma TƖƖNA nɛ bʋla.”

ƐZƖKƖƐL 38:8

Dɩ jɩ-daŋ nɛ kʋ bal, mɩ jaŋ leŋ dɩ ŋ mʋ yuo tintee kʋbala nɩaa sɩ yuo laalɩŋ aŋ lɛɛlɛ fɩɛla hɔŋ. Ba kɛmba kaa lɩɩ tintee daŋ nɛ a mɩɩra kɔ Iziral tinteeŋ. Ŋ jaŋ mʋ yuo Iziral tintee-la, lee-la fa sɩ pɩŋ hoi a dieni. Ama lɛɛlɛ ʋ nɩaa hɔŋ ʋ lɛ nɛ, wɩɩkala bɩ baa walɩmɛ.

DANƖƐL 10:14

Lɛɛlɛ mɩ kɔ dɩ mɩ bʋl wɩɩ-la maachie sɩ jaŋ ŋaa ŋ nɩaa lɛ nɛ a pɩŋ. Wɩɩ-la ŋ sɩ na a nagɛ duosoo tʋɔŋ tɩgɛ maachie wɩalɩŋ sɩ jaŋ ŋaa lɛ nɛ.”

DANƖƐL 11:41

Ʋ jaŋ yuo tintee-zɔŋ-la ma nɩaa. Ʋ jaŋ kpʋ nɩ-daŋ, ama ba jaŋ laa Ɛdɔm tinteeŋ nɩaa arɩ Mʋab tinteeŋ nɩaa a pɛ Amɔŋ tinteeŋ sɩpaalaaraa lɛ a ta ʋ nɩsɩŋ lɛ.

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

NAMBABA 24:14

Mɩ-na mɩɩraa mʋ mɩ nɩaa teeŋ nɛ, ama mɩ jaŋ leŋ dɩ ŋ jɩŋ wɩɩ-la Iziral tɩŋŋaa maachie sɩ jaŋ ŋaa ŋ nɩaa lɛ.”

MOSIS BƖRA WULLI WƖA WOMBIIŊ 31:29

Mɩ jɩma mɩ sʋʋŋ harɩŋ lɛ, ma jaŋ ŋaa wʋbɔŋŋɔɔ aŋ vɩa wombii-la mɩ sɩ dagɛma. Bʋa dɔŋ jaŋ kɔ, wʋlɔrʋnʋŋ jaŋ ŋaa ma lɛ a tɩŋ wʋbɔmɔ-la ma sɩ jaŋ ŋaa La TƖƖNA sɩɩŋ lɛ, dɩ ʋ na baanɩŋ ma nyuŋ.”

MOSIS BƖRA WULLI WƖA WOMBIIŊ 4:30

Dɩ wɩaa deemba kala nɛ ŋaa ma lɛ, dɩ hɛɛŋ jʋʋma, ʋ ŋɩɩ harɩŋ ma jaŋ mɩɩra kɔ ma TƖƖNA Wɩa teeŋ a sɛyʋ.