JƐRƖMAAYA 48:44 - WƖA TENIŊ

⁴⁴ Dɩ nʋʋkala nɛ wuo fori fawʋllɩɩ-la lɛ, ʋ jaŋ tuu buotuo-luŋii-la. Dɩ nʋʋ nɛ wuo lɩɩ buotuo luŋii-la tʋɔŋ, bɛrɛ́ jaŋ kɛnʋ. Mɩ jaŋ dɔgɩsɛ Mʋab jɩna-la lɛ sɩ maga mɩ dɔgʋsʋ. Mɩ-na ma TƖƖNA nɛ bʋla.

JƐRƖMAAYA 48:44 ပူးပေါင်းရင်းမြစ်များ

1 KUOROO 19:17

Dɩ nʋʋkala nɛ wuo fori Hazɩɛl nɩsɩŋ lɛ, ʋ bɩ ʋ kpʋa, Jehu-na jaŋ kpʋ tɩɩna. Dɩ nʋʋ ma nɛ wuo fori Jehu nɩsɩŋ lɛ, Elaasa jaŋ kpʋ tɩɩna.

1 KUOROO 20:30

Ba kʋkaanaa fá mʋ taŋ-la ba sɩɩ yɩrɛ Afɛk. Nɩmɛ nɛ jeeŋ tele kpʋ ba ma nɩaa bʋɩ mara arɩ balɩpɛ. Bɛŋ-Hadad ma fá jʋʋ taŋ-la, a jʋʋ faa dɩa sɩpaaŋ.

AZAAYA 10:3

Wʋbɛɛ nɛ ma jaŋ ŋaa tapʋlɩɩ-la mɩ-na ma TƖƖNA sɩ jaŋ kɛŋ wʋlɔrʋnʋŋ lɩɩ dɩ-bolii a kɔ dɩ ʋ dɔgɩsɛma? Kʋbɛɛ teeŋ nɛ ma jaŋ fá mʋ dɩ ʋ pɛ ma lɛ? Nɩɩ nɛ ma jaŋ joŋ ma dʋa-la bil?

AZAAYA 24:17

Fawʋllʋŋ jaŋ kɛŋ ma dʋnɩa nɩaa kala, buotuo-luŋoo arɩ bɛrɩsɩŋ ma sɩ jaŋ foro tuu gbɛrɛma nɛ.

AZAAYA 24:18

Dɩ fawʋllʋŋ nɛ jʋʋ nɩɩ-la kala dɩ ʋ fɩfá dɩ ʋ laa ʋ mɩɩsɩŋ, ʋ jaŋ foro tuu buotuo-luŋii-la. Dɩ nɩɩ-la ma kala nɛ wuo nɛrɩgɛ lɩɩ buotuo-la lɛ, ʋ jaŋ jʋʋ bɛrɛ lɛ. Wɩa-nyuŋ jaŋ suri dɩ lɩɩŋ chuchuuri, ka dɩ tinteeŋ ma zigili.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 11:23

Ba nɩbala ma bɩ jaŋ ka, bɛɛ wɩaa mɩ jaŋ lɛrɛ wʋlɔrʋŋ kʋ hɛ Anatɔf nɩalɩŋ lɛ, jɩna-la lɛ mɩ sɩ jaŋ dɔgɩsɛba.”

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 23:12

Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 49:8

Má mɩɩrɛ a faasa fá, a mʋ faa bʋ-bʋɔsʋŋ sɩ luŋie lɛ, ma nɩalɩŋ sɩ hɛ Dɛdaŋ lɛ, bɛɛ wɩaa, mɩ jaŋ kɛŋ wʋlɔrʋŋ kʋ hɛ Ɛsɔ lɛ bʋa-la lɛ mɩ sɩ jaŋ dɔgɩsʋ.

JƐRƖMAAYA 50:24

Babɩlɔŋ, mɩ hɛ bɛrɛ nɛ a bil ŋ lɛ, ŋ jaŋ jɩjɩŋ dɩ ʋ kɛnɩŋ. Ba naŋ nɛ a yuo kɛnɩŋ, bɛɛ wɩaa ŋ lɩɩ mɩ-na ma TƖƖNA harɩŋ nɛ.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 51:18

Ba bɩ bʋbʋa kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JEMBIEE 3:47

La dʋndɔŋŋɔɔ cheila nɛ, ka la jaŋ pɩŋ jikpeeŋ. La tuu buotuonuŋ nɛ, fawʋllʋŋ faasa jʋʋla.”

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

AMƆS 5:19

Ʋ jaŋ nagɛ nʋʋ sɩ fá kagɛ naachigiŋ lɛ a mɩɩra mʋ jʋʋ lʋgʋmʋŋ niiŋ, koo a nagɛ nʋʋ sɩ jʋʋ dɩa a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.

MƖKA 7:4

Ba tʋɔŋ kʋ-la sɩ kpɩa nagɛ sɔgɩrɩgalɩa nɛ ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ. Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ, tapʋlɩɩ-la Wɩa sɩ jaŋ dɔgɩsɛma. Bʋa deeŋ lɛ nɛ ma wɩaa jaŋ vʋgʋmɛ.