JƐRƖMAAYA 48:41 - WƖA TENIŊ

⁴¹ Ba jaŋ yuo dii tabala-la a laa ba dɩ-duoruŋ. Tapʋlɩɩ-la, Mʋab bayuoroo tʋɔŋ jaŋ wʋwɩɩ a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

JƐRƖMAAYA 48:41 ပူးပေါင်းရင်းမြစ်များ

AZAAYA 13:8

Fawʋllʋŋ jaŋ kɛmba, hɛɛŋ arɩ tʋɔ-cheeŋ jaŋ jʋʋba, ba hɛɛŋ jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ. Ba jaŋ gɩgɩɛnɛ dɔŋɔ, dɩ ba sɩaa fɩɛsɛ a nagɛ nyiŋgeliŋ.

AZAAYA 21:3

Wɩɩ-la mɩ sɩ na arɩ wɩɩ-la mɩ sɩ nɩa leŋe fawʋllʋŋ kɛmmɛ nɛ, hɛɛŋ jʋʋmɛ nɛ, a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

JƐRƖMAAYA 30:6

Pɩɛsa na: Baala jaŋ wuo lʋl biiriŋ? Bɛɛ nɛ saa tɩɩ mɩ na baduo na-kala dɩ ʋ paa nɩsaa vɔɔ ʋ kawule bʋbʋɔŋ a nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ, nʋʋkala nyal sɩaa?

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 4:9

La TƖƖNA sɩ, “Tapʋlɩɩ-la, kuoru-balɩŋ arɩ ʋ tɩntɩnnɩ-hɩasɩŋ nandaasɩŋ jaŋ yʋɔrɛ. Wɩɩsʋllɩ sɩpaalaaraa tʋɔŋ jaŋ vɩɩŋɛ. Mɩ wʋlaabʋllaa ma niiree jaŋ maa.”

JƐRƖMAAYA 48:24

Kɛrɩɔf arɩ Bozira a kɛŋ ŋɩɩ mʋ Mʋab tasɩŋ kala, kɩalɩŋ sɩ kpaga arɩ kɩalɩŋ sɩ bolie kala.

JƐRƖMAAYA 49:22

Dʋndɔmɔ jaŋ kʋ tuu ba lɛ a nagɛ kachuuŋ a kɛŋ kɩŋkɛnsɩŋ jɛrɛ tɔ Bozira lɛ. Tapʋlɩɩ-la Ɛdɔm laalɩyuoroo bɔyɛ jaŋ joŋ a nagɛ haala sɩɩ chɛ dɩ ʋ lʋl ʋ bɔyɛ jujoŋ ŋɩɩ.

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 50:37

Laalɩŋ jaŋ kpʋ ba janɩŋ aŋ chei ba laalɩŋ janɩŋ torukoba, a kpʋ nɩwogusu-la ma sɩ hɛ ba laalɩyuoroo tʋɔŋ. Ba jaŋ mɩɩra nagɛ haalaa. Ba jaŋ yuo paa ba dʋa. Ba jaŋ paa ba kɩaa kala.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 51:30

Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 6:24

La nɩɩ la dʋndɔmɔ-la wɩaa nɛ, ŋɩɩ leŋ la nandaasɩŋ yʋɔrɛ. Hɛɛŋ chaasa jʋʋla nɛ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

AMƆS 2:2

Wɩɩ-la La Tɩɩna sɩ bʋla nɛ ŋ-la: “Mɩ jaŋ joŋ nyiniŋ a hɛ Mʋab tinteeŋ lɛ dɩ ʋ dii taŋ-la ba sɩɩ yɩrɛ Kɛrɩɔf dɩɩ-duoruŋ. Laalɩyuoroo jaŋ ŋmʋʋ banyilliŋ aŋ ŋɩŋaa laalɩyuori goŋ, ka dɩ nɩalɩŋ sɩ hɛ Mʋab lɛ sʋsʋʋ.”

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.