JƐRƖMAAYA 48:40 - WƖA TENIŊ

⁴⁰ Wɩɩ-la La TƖƖNA sɩ bʋla nɛ ŋ-la: “Má bee na, kachuuŋ nɛ file kʋʋ tuu a jɛrɛ kɩŋkɛnsɩŋ Mʋab nyuŋ.

JƐRƖMAAYA 48:40 ပူးပေါင်းရင်းမြစ်များ

NAMAGABA 30:19

Ba nɛ ŋ-la: ŋɩɩ duunuŋ sɩɩ fil wɩa-nyuŋ, ŋɩɩ dɩmɩŋ sɩɩ vɛŋ bʋŋ nyuŋ, ŋɩɩ lɩɩŋ daboro sɩɩ vɛŋ mʋgʋ-balɩŋ nyuŋ, a pɛ baala arɩ hatolo pɛgɛ wɩaa lɛ.

AZAAYA 11:14

Ba jaŋ sii a to lere-la sɩ chulloo tuu a kʋ yuo Fɩlɩsɩtɩa tɩmma-la sɩ hɛ wɩɩjʋʋlʋŋ dɩɩrɩŋ. Ba jaŋ gbaara yuo dii nɩalɩŋ ma sɩ hɛ wɩɩpɔsʋŋ nagʋa dɩɩrɩŋ aŋ laa ba kɩaa. Ba jaŋ yuo dii Ɛdɔm arɩ Mʋab nɩaa. Amɔŋ tɩŋŋaa-na jaŋ sɛɩ wɩɩ-la kala ba sɩ bʋla.

AZAAYA 8:8

Ba jaŋ tii paa Juda tɩŋŋaa kala a nagɛ lɩɩŋ sɩ pɛllɛ paa kɩaa. Ba jaŋ jɛrɛ tɔ tintee-la kala pɩlɩm pɩlɩm. Wɩa hɛ la teeŋ nɛ, a jaŋ kɛŋ ʋ nɩsaa jɛrɛ tɔla.”

JƐRƖMAAYA 4:13

Má bee na, dʋndɔmɔ ka kɔ nɛ a nagɛ duoŋ-bɩlɩmbaanaa, ʋ janɩŋ torukoba ka kɔ nɛ a nagɛ pel-vinvilimiŋ, ka ʋ janɩŋ naasɩŋ lɩma kɩɩ kachuunuŋ sɩɩ fil. Wɩɩŋ puula, la dɩdɛrɩŋ nɛ ŋɩɩ.

JƐRƖMAAYA 49:22

Dʋndɔmɔ jaŋ kʋ tuu ba lɛ a nagɛ kachuuŋ a kɛŋ kɩŋkɛnsɩŋ jɛrɛ tɔ Bozira lɛ. Tapʋlɩɩ-la Ɛdɔm laalɩyuoroo bɔyɛ jaŋ joŋ a nagɛ haala sɩɩ chɛ dɩ ʋ lʋl ʋ bɔyɛ jujoŋ ŋɩɩ.

JEMBIEE 4:19

Nɩalɩŋ sɩ kiree to la harɩŋ naachɛɛŋ lɩma a kɩɩ kachuuŋ sɩɩ fil. Ba kirila baarɛ peelee nyuŋ nɛ, a faa gbɛrɛla tintee-hɩlɩŋ lɛ.

ƐZƖKƖƐL 17:3

a leŋ dɩ ba jɩŋ wɩɩ-la mɩ-na ma TƖƖNA Wɩɩjarɩbakɔ sɩɩ bʋl: Kachuu-bal kʋbala nɛ fa hɛ nɩmɛ ʋ kɩŋkɛnsɩŋ dol woruŋ, ʋ pʋnaa ma duomi a tɔ ʋ yaraa aŋ zɔŋ woruŋ a ŋaa dabaŋ dabaŋ. Ʋ sii file mʋ Lɛbanɔŋ, a kɛŋ kuolo nyu-gbaŋa naakeliŋ bori,

DANƖƐL 7:4

Bumbuŋ kʋa nagɛ naachigiŋ aŋ kɛŋ kachuuŋ kɩŋkɛnsɩŋ. Mɩɩ benu ka ʋ kɩŋkɛnsɩ-la kala churi, ka ba kɛnʋ chʋʋla kɩɩ ʋ hui-naasɩŋ balɩa nyuŋ a nagɛ nuhuobiine. Ba joŋ nuhuobiine tʋɔbɩɩnaa hɛ ʋ lɛ.

HOSIA 8:1

La TƖƖNA sɩ, “Má ŋmʋʋ banyile, dʋndɔŋŋɔɔ nagɛ kachuuŋ nɛ aa zaarɛ mɩ-na ma TƖƖNA dɩa nyuŋ, bɛɛ wɩaa mɩ nɩaa chei nii-la sɩ hɛ mɩ dɩ ba pɛgɛ nɛ, a vɩa wombii-la ma mɩ sɩ bile dɩ ba tuto.

HABAKU 1:8

Ba janɩŋ ma naaŋ lɩma a kɩɩ kpeyee, ba kɛŋ baanɩŋ a kɩɩ guŋguro losuŋ sɩ kɛnɛ dɩdaanɩŋ nɛ. Ba ja-laalɩŋ paa puu dɔŋɔ nɛ a kʋkɔ. Ba ja-jɩllaa lɩɩ dɩ-bolii nɛ a kʋkɔ. Ba file nɛ a kʋkɔ ba dʋndɔŋŋɔɔ lɛ a nagɛ kachuuŋ sɩɩ tuu dɩ ʋ joŋ kʋa.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.