JƐRƖMAAYA 48:36 - WƖA TENIŊ

³⁶ Mɩ tʋɔŋ lɛ, mɩ yele a pɩpɩ Mʋab nɛ a nagɛ ba sɩɩ ŋmʋʋ ŋmʋlʋŋ. Ʋʋ yel nɛ a nagɛ ŋmʋlʋŋ a pɩ Kɩɩ Harɛsɛf nɩaa. Dʋa-la kala ba sɩ chɛ lɛlɛ nɛ.

JƐRƖMAAYA 48:36 ပူးပေါင်းရင်းမြစ်များ

2 KUOROO 3:25

Ŋɩɩ nɛ Iziral tɩŋŋaa chei Mʋab tasɩŋ kala, aŋ paa tabɩaa tɔ ba tinteeŋ lee na-kala sɩ sɩma, a tɔ ba lɩɩ-bul-sɩaa ma kala, aŋ keri ba tɩɩ-zɔŋŋɔɔ kala a lo. Taŋ-la ba sɩɩ yɩrɛ Kɛɛ-Harɛsɛf dʋndʋŋa nɛ fa ka. Ama kpal-yuoroo ma nɛ mʋ golli taŋ-la a yuou.

NAMAGABA 11:4

Dʋa ŋaa pɛɩ nɛ tapʋlɩɩ-la La Tɩɩna sɩ jaŋ na baanɩŋ, ama tʋɔpʋla-na jaŋ laaŋ ta sʋʋŋ lɛ.

NAMAGABA 13:22

Nɩzɔmʋŋ yie dii kɩaa aŋ ka bil ʋ nihee lɛ nɛ, ama dʋa-la nɩbɔmʋŋ sɩ sʋba aŋ ka bil jaŋ mɩɩra ŋaa tʋɔpʋl tɩɩna kɩaa.

NAMAGABA 18:11

Kɩaa tɩɩna teeŋ, dʋa nagɛ taŋ ba sɩ saa kɛrɛ golli nɛ. Ʋ bɩɩna dʋa-la nagɛ jebii duo nɛ a chu tɔʋ.

AZAAYA 15:5

Mɩ tʋɔŋ ka wɩɩ Mʋab wɩaa nɛ, ʋ nɩaa kala lɩɩ fá nɛ a mʋmʋ tasɩ-la ba sɩɩ yɩrɛ Zʋa arɩ Ɛgɩlaf Sɛlɩsɩya sɩ hɛ dɩ-bolii, dɩ ba laa ba mɩɩsɩŋ. Ba dɔnsʋŋ jɩla joŋ wombiiŋ nɛ a yele mʋmʋ taŋ-la ba sɩɩ yɩrɛ Luhif, ka dɔnsʋŋ ma joŋ wombii-la sɩɩ mʋ taŋ-la ba sɩɩ yɩrɛ Horonem a faasa yele mʋmʋ a tɩŋ ba sɩ chei ba tinteeŋ wɩaa.

AZAAYA 15:7

Dʋa-la ma kala ba fa sɩ dʋa a bil, ba kala nɛ ba paa kaa chol fuonaa-la sɩ kɛŋ tɩɩsɩŋ a viiri.

AZAAYA 16:11

Mɩ tʋɔŋ cheye nɛ woruŋ mɩ yiyel a tɩŋ Mʋab tinteeŋ arɩ taŋ-la ba sɩɩ yɩrɛ Kii Harɛsɛf wɩaa.

AZAAYA 63:15

La TƖƖNA, ŋ kɛŋ tʋla nɛ woruŋ a bɩ disiniŋ kɛnɛ a hɔŋ ŋ kuoru kpasa nyuŋ Wɩa-jaŋ lɛ. Gʋra bee na wɩalɩŋ sɩɩ ŋaa la lɛ. Ŋɩɩ ŋ fa sɩ chɩl la wɩaa mʋ nɩɩ nɛ? Nɩɩ nɛ ŋ dol-la hɛ? Nɩɩ nɛ ŋ chono-la ŋ sɩ kɛnɛ a fɩfá nɩaa nenige mʋ? Sɩ́ la vɩa ta.

JƐRƖMAAYA 17:11

A nagɛ yoho sɩ bɩ halaa lo, aŋ pɛŋ hala-la nyuŋ a tiesi, ŋɩɩ tɩtɩa nɛ nɩɩ-la sɩ ŋmʋrɛ nɩaa a dʋa kɩaa nagɛ. Dɩ ʋ nɛ yi ʋ jɩsɩŋ kpaa magɛ dɔŋɔ, ʋ dʋa-la jaŋ lɛl. Dɩdɛrɩŋ kala, ʋ jaŋ jɩŋ arɩ ʋ ŋaa nɩyaarɩ nɛ.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 48:31

Ŋɩɩ wɩaa, mɩ jaŋ ŋmoo niiŋ a mʋ tɩgɛ Mʋab lɛ, mɩ jaŋ yel a pɩ Mʋab tɩŋŋaa kala. Mɩ yele pɩpɩ Kɩ Harɛsɛf baalaa nɛ.