JƐRƖMAAYA 48:2 - WƖA TENIŊ

² Nɩaa bɩra bɩ jaŋ bɛsɛ Mʋab lɛ. Hɛsɩbɔŋ lɛ, nɩaa jaŋ chɛ ŋɩɩ ba sɩ jaŋ ŋaa dɩ ʋ tel a bʋl: ‘Má kɔ dɩ la dɛrɛ tinteeŋ deeŋ.’ Taŋ-la ba sɩɩ yɩrɛ Madɩmɛŋ ma jaŋ ŋaa chɩm. Laalɩŋ jaŋ kire to ʋ harɩŋ.

JƐRƖMAAYA 48:2 ပူးပေါင်းရင်းမြစ်များ

AZAAYA 15:1

Wɩɩ-la La TƖƖNA sɩ bʋla a tɩgɛ Mʋab lɛ nɛ ŋ-la: Taŋ-la ba sɩɩ yɩrɛ Aa a hɛ Mʋab tinteeŋ lɛ pɩŋ jikpeeŋ, ba cheyu tɩtaŋɩŋ nɛ. Taŋ-la ba sɩɩ yɩrɛ Kii a hɛ Mʋab tinteeŋ lɛ pɩŋ jikpeeŋ, ba cheyu tɩtaŋɩŋ nɛ.

AZAAYA 15:5

Mɩ tʋɔŋ ka wɩɩ Mʋab wɩaa nɛ, ʋ nɩaa kala lɩɩ fá nɛ a mʋmʋ tasɩ-la ba sɩɩ yɩrɛ Zʋa arɩ Ɛgɩlaf Sɛlɩsɩya sɩ hɛ dɩ-bolii, dɩ ba laa ba mɩɩsɩŋ. Ba dɔnsʋŋ jɩla joŋ wombiiŋ nɛ a yele mʋmʋ taŋ-la ba sɩɩ yɩrɛ Luhif, ka dɔnsʋŋ ma joŋ wombii-la sɩɩ mʋ taŋ-la ba sɩɩ yɩrɛ Horonem a faasa yele mʋmʋ a tɩŋ ba sɩ chei ba tinteeŋ wɩaa.

AZAAYA 16:14

Ama lɛɛlɛ La TƖƖNA sɩ, “Jɩsɩŋ batori lɛ, Mʋab tɩŋŋaa dʋa arɩ ʋ nɩ-daŋ-la kala jaŋ dɛrɛ, a nagɛ pachɩŋ diiree tɩntɩŋŋaa sɩ yie dɛrɛ ŋɩɩ jɩsɩŋ batori pɛgɛ. Ba nɩaa baŋmɛnɛ nɛ jaŋ ka, ba ma paala bɩ jaŋ kɛŋ doluŋ.”

AZAAYA 25:10

La TƖƖNA joŋ ʋ nɩsɩŋ daŋ peeliŋ deeŋ lɛ nɛ, ama Mʋab tɩŋŋaa-na ʋ jaŋ nʋɔsɛba a bil a nagɛ ba sɩ nʋɔsɛ sekelee a ŋmʋra hɛ nɛ-bɩnɩŋ sɩ pʋa lɛ.

JƐRƖMAAYA 25:15

Wɩɩ-la La TƖƖNA, Iziral tɩŋŋaa Wɩa sɩ bʋla pɩmɛ nɛ ŋ-la: “Laa mɩ baanɩŋ sɩ nagɛ girep nɛnɛɛ sɩnɩŋ sɩ dolie a su nyʋnyʋala mɩ nɩsɩŋ lɛ, a kaa mʋ a leŋ dɩ tinteye-la kala nɩaa teeŋ mɩ sɩ tɩmɩŋ nyʋa.

JƐRƖMAAYA 25:17

Ŋɩɩ nɛ mɩ laa nyʋnyʋala-la La TƖƖNA nɩsɩŋ lɛ, a leŋ tinteye-la kala nɩaa teeŋ ʋ sɩ tɩmmɛ nyʋa ʋ tʋɔŋ.

JƐRƖMAAYA 31:36

La TƖƖNA sɩ, “Dɩ kɩaa deemba mɩ sɩ daga nɛ wuo lɛl mɩ sɩaa lɛ, ŋɩɩ-na Iziral doho ma jaŋ lɛl, a bɩra sɩ́ tintee ŋaa mɩ teeŋ.”

JƐRƖMAAYA 33:24

“Ŋ bɩ nɩa arɩ nɩaa ka bʋl arɩ mɩ vɩa kuori gentisiŋ deemba balɩa mɩ sɩ lɩɩsa ta nɛɛ? Ŋɩɩ wɩaa ba sɩɩŋ bɩ mɩ nɩaa ka su, a bɩra bɩ bene arɩ ba ŋaa tintee ma.

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

JƐRƖMAAYA 48:17

Má yele pʋ, ma nɩalɩŋ kala sɩ kpagʋ, ma nɩalɩŋ kala sɩ jɩŋ yɩrɩ-la ʋ sɩ kɛnɛ. Má bʋl, ‘Ɛɛ nɛ kuori dantɩgɛ duo-la bori ŋɩɩ, ɛɛ nɛ kuori dantɩga-la sɩ kɛŋ yɩrɩŋ bori ŋɩɩ.’

JƐRƖMAAYA 48:42

Ba jaŋ chei Mʋab dɩ ʋ bɩra sɩ́ tintee ŋaa, bɛɛ wɩaa, ʋ dagɛ ʋ tɩtɩa nɛ La TƖƖNA teeŋ.

JƐRƖMAAYA 48:45

Nɩalɩŋ sɩ foro fá chɩŋ Hɛsɩbɔŋ daaliimiŋ lɛ nɛ a bɩ wɩɩkala wuo ŋaa, bɛɛ wɩaa nyiniŋ cholo nɛ Hɛsɩbɔŋ lɛ, nyiŋgeliŋ sisii Sɩhɔŋ lɛ. Ʋ dii Mʋab tile nɛ, a didii babiibal tɩmma-la nyusuŋ.

JƐRƖMAAYA 49:3

Ou Hɛsɩbɔŋ, ŋmoo niiŋ, bɛɛ wɩaa ba chei Aɩ nɛ. Nɩalɩŋ sɩ hɛ Raba lɛ, má ŋmoo niiŋ. Má laalɛ tʋɔ-chei gɛnnɩŋ a yel. Má fá bɩbaarɛ taŋ-la tʋɔŋ, bɛɛ wɩaa ba jaŋ joŋ ma vene-la ba sɩɩ yɩrɛ Mɔlɛk a mʋ yoŋ-baga, a pɛ nɩalɩŋ sɩɩ kpaarʋ lɛ arɩ ʋ tɩntɩnnɩ-hɩasɩŋ lɛ.

JƐRƖMAAYA 49:37

Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

NAMBABA 32:37

Rubiŋ doho nɩaa ma wasa saa Hɛsɩbɔŋ, Ɛlɩalɩ, Kɩrɩatam