JƐRƖMAAYA 48:19 - WƖA TENIŊ

¹⁹ Má chɩŋ wombiiŋ sɛmɛ a bibeŋ, ma nɩalɩŋ sɩ hɛ Arʋa lɛ. Má pɩɛsɛ baala-la sɩɩ fá arɩ haala-la sɩ foro fɩfá, má pɩɛsɛba, ‘Wʋbɛɛ nɛ ŋaa?’

JƐRƖMAAYA 48:19 ပူးပေါင်းရင်းမြစ်များ

2 SAMƲƐL 24:5

Ba sɩ chol Jɔdaŋ fuo-la, ba ŋmoo buguŋ a kpagɛ Arʋa, taŋ-la sɩ hɛ fuonaa luŋii-la wɩɩpɔsʋŋ nadiiŋ dɩɩrɩŋ, a mʋ to Gad a joŋo mʋ Jaza.

1 IZIRAL TƖŊŊAA NAABARƖŊ 5:8

arɩ Azas nanʋala Bɛla sɩ ŋaa Sɛma nihiŋ a ŋaa Jowɛl nyɩŋ-nʋʋ. Ba fa hɔnɔ kpagɛ taŋ-la ba sɩɩ yɩrɛ Arowa nɛ, a kaa mʋ yi tasɩ-la ba sɩɩ yɩrɛ Nebo arɩ Baal Mioŋ.

NAMBABA 32:34

Ŋɩɩ nɛ Gad doho nɩaa wasa saa Dɩbɔŋ, Atarɔf, Arʋa,

MOSIS BƖRA WULLI WƖA WOMBIIŊ 2:36

A chɩŋ taŋ-la ba sɩɩ yɩrɛ Arʋa sɩ hɛ Anɔŋ fuo-la fuonaaŋ niiŋ a kaa mʋ yi Gɩlɩad, taŋ kala fa tuo a wuola. La TƖƖNA Wɩa leŋe la yuo dii ba kala nɛ.

JOSUA 12:2

Amɔrɩ tɩŋŋaa kuoro Sɩhɔŋ sɩ hɛ Hɛsɩbɔŋ lɛ nɛ faa beŋ tintee-la kala sɩ chɩŋ Arʋa sɩ hɛ Anɔŋ fuonaa-la niiŋ, a kaa mʋ fuonaa-la tʋtʋɔbaanɩŋ a kɛŋ ŋɩɩ mʋ yi Jabɔk fuo-la. Ba dɩ Amɔŋ tɩŋŋaa bʋa nɛ ŋɩɩ a kɛŋ Gɩlɩad tinteeŋ kpaa magɛ dɔŋɔ pɛ.

SƖPAALAARAA 11:26

Jɩsɩŋ zɔɔ-batori nɛ Iziral tɩŋŋaa hɔŋ Hɛsɩbɔŋ lɛ, arɩ Arʋa, arɩ tabiisi-la sɩ gollo chu arɩ tabala-la kala sɩ chɩŋ ŋɩɩ a kaa mʋ yi Anɔŋ fuo-la. Bɛɛ nɛ tɩɩ ŋ bɩ tintee-la laa bʋa-la lɛ?

1 SAMƲƐL 4:16

Ʋ bʋla pɩ Eli, “Laal-baga nɛ mɩ lɩɩ ŋɩɩ, jɩnɩŋ nɛ mɩ fá lɩɩ nɩmɛ kɔ.” Eli pɩɛsʋ, “Mɩ bii, wʋbɛɛ nɛ ŋaa nɩmɛ?”