JƐRƖMAAYA 48:14 - WƖA TENIŊ

¹⁴ Ɛɛ nɛ ma jaŋ wuo bʋl: La ŋaa bayuoroo nɛ, a jɩŋ laalɩŋ yuonuŋ woruŋ.

JƐRƖMAAYA 48:14 ပူးပေါင်းရင်းမြစ်များ

WƖA YƖƖLAA 11:1

La Tɩɩna nɛ mɩ yie fá mʋ yuori. Ɛɛ nɛ ma jaŋ wuo bʋla pɩmɛ, “Lʋara fá a nagɛ diibie a sii jɩl peeliŋ nyuŋ.

WƖA YƖƖLAA 33:16

Kuoro laalɩyuoroo sɩ yʋga kɩŋkɛŋ dee bɩ jaŋ laaʋ ta. Laalɩyuori babii-balɩŋ ma doluŋ bɩ ʋ wuo laa ta.

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

AZAAYA 10:13

Ʋ sɩ, “Mɩ doluŋ nɛ mɩ kaa ŋaa wɩaa deemba kala, bɛɛ wɩaa mɩ kɛŋ wʋjɩmɩŋ nɛ a jɩŋ wɩaa bʋbʋɔsʋŋ. Mɩ gbaa tinteyee bʋɔsʋŋ ta nɛ, a paa ba kɩalɩŋ ma kala ba sɩ tʋɔla, aŋ yuo dii ba kuoroo ma kala.

AZAAYA 10:16

Ŋɩɩ wɩaa, La TƖƖNA doluŋ kala Tɩɩna jaŋ joŋ nyanyal bɔŋŋɔɔ a hɛ ʋ laalɩyuori babiibala-la kala sɩ nɛrɛ pimee pimee lɛ dɩ ba yʋɔlɛ. Nyiniŋ jaŋ chei ba yara-la kala, dɩ ba nagɛ nyiniŋ sɩ lieri kʋa.

AZAAYA 16:6

La Juda nɩaa nɩɩ Mʋab tɩŋŋaa babii-ballɩŋ wɩaa nɛ, ama ba bigisine-la arɩ ba sɩɩ bɩ suo-la kala ŋaa pɛɩ nɛ.

JƐRƖMAAYA 49:16

Fawʋllɩɩ-la ma sɩ joŋo hɛ nɩaa lɛ arɩ ma babii-ballɩɩ-la nyɩsɛma nɛ. Ma hɛ bʋsʋŋ nyu-gbaŋa nɛ, a hɔŋ dundolluŋ nyuŋ. Ma hɛ wɩa-nyuŋ dɩ-bolii ma nɛ a nagɛ kachuuŋ, ama mɩ jaŋ lɛrɛma lɩɩ nɩmɛ a kʋ tʋʋ. Mɩ-na ma TƖƖNA nɛ bʋla.

JƐRƖMAAYA 8:8

Ɛɛ nɛ ma jaŋ wuo bʋl, ‘La ŋaa wʋjɩnna nɛ, bɛɛ wɩaa la kɛŋ La TƖƖNA wombii-la ʋ sɩ bile dɩ la tuto nɛ.’ Ka nɩalɩŋ sɩɩ ŋmʋnsɛ tenniŋ kɛŋ wɩalɩŋ kaa bɩrɩmɛ wʋnyɩɛrɩŋ?

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

ƐZƖKƖƐL 30:6

La TƖƖNA sɩ, “Nɩalɩŋ kala sɩ kʋ pɛ Ijipiti tɩŋŋaa lɛ jaŋ sʋʋ, dɩ dol-la Ijipiti tɩŋŋaa sɩ kaa kɛŋ babii-ballɩŋ kala ŋaa pɛɩ. A chɩŋ taŋ-la ba sɩɩ yɩrɛ Mɩgɩdɔl lɛ a kaa mʋ taŋ-la ba sɩɩ yɩrɛ Asɩwaŋ, laalɩŋ jaŋ kpʋ ba nɩaa. Mɩ-na ma TƖƖNA Wɩɩjarɩbakɔ nɛ bʋla.

ZEFANAAYA 2:10

Wɩɩ-la sɩ jaŋ ŋaa ba lɛ nɛ ŋɩɩ a tɩŋ ba sɩɩ-duoŋ wɩaa, bɛɛ wɩaa ba tʋʋsɛ ba TƖƖNA Doluŋ kala Tɩɩna nɩaa nɛ a sieri ba lɛ.