JƐRƖMAAYA 48:11 - WƖA TENIŊ

¹¹ Mʋab tɩŋŋaa hɔnɔ nɛ sɔm ba hambiiriŋ kala lɛ, a nagɛ girep nɛnɛɛ sɩnɩŋ sɩ fɩɛla tele pɩŋ, ba bɩ ʋ bɩsa lɩɩ pupoiŋ dɔŋɔ a hɩhɛ dɔŋɔ lɛ. Ʋ ha bɩ yoŋ-baga mʋa. Ʋ sɩma bɩ lɩa, ʋ sʋɔra ma bɩ bɩrɩma.”

JƐRƖMAAYA 48:11 ပူးပေါင်းရင်းမြစ်များ

WƖA YƖƖLAA 123:4

Nɩalɩŋ sɩɩ dagɛ ba tɩtɩa mɔnla a kieli nɛ, sɩɩ-duo tɩŋŋaa bee gʋʋnɛla a kieli nɛ.

WƖA YƖƖLAA 55:19

Wɩa sɩ hɔŋ ʋ kuoru kpasa nyuŋ a kaa mʋ wuu jaŋ nɩɩ ba wɩaa a dɔgɩsɛba. Ba ŋaa nɩa sɩ bɩ ba tʋɔbɩɩnaa ka bɩrɩmɛ nɛ a bɩ Wɩa ka fá.

NAMAGABA 1:32

Yaarɩŋ nɛ yie kpʋ nɩyaaraa, chʋʋlʋŋ nɛ yie kpʋ nɩɩ-la sɩ vɩa dɩ ʋ gʋnnɛ wʋjɩmɩŋ.

AZAAYA 16:6

La Juda nɩaa nɩɩ Mʋab tɩŋŋaa babii-ballɩŋ wɩaa nɛ, ama ba bigisine-la arɩ ba sɩɩ bɩ suo-la kala ŋaa pɛɩ nɛ.

AZAAYA 24:3

Dʋnɩa kala sɛnɛ jaŋ chei a pɩŋ hoi, ba jaŋ tii paa ʋ kʋŋkala. La TƖƖNA nɛ bʋl wɩɩŋ deeŋ.

AZAAYA 25:6

Peel-la ba sɩɩ yɩrɛ Zaayɔŋ nyuŋ nɛ La TƖƖNA doluŋ kala Tɩɩna jaŋ yɩrɛ gbiele, a ŋaa kʋdii-zɔŋŋɔɔ arɩ nammɩɩ-zɔmʋŋ arɩ sɩŋ-la sɩ chaasa sɩŋ a pɩ dʋnɩa nɩaa kala.

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 48:12

La TƖƖNA sɩ, “Ama tapʋlaa ka kɔ nɛ, mɩ jaŋ tɩŋ nɩaa dɩ ba kʋ bɩsɛ Mʋab ta a nagɛ girep nɛnɛɛ sɩnɩŋ. Ba jaŋ leŋ dɩ ʋ pupoyee wuoli a yɛrɛba.

JƐRƖMAAYA 48:29

La nɩɩ Mʋab babii-ballɩŋ wɩaa nɛ, ʋ babiibal kɩŋkɛŋ-la arɩ ʋ dagɛ ŋ-tɩtɩɩ arɩ ʋ sɩɩ-duoŋ.

JƐRƖMAAYA 51:34

Babɩlɔŋ kuoro Nebukadineza paala liŋ nɛ. Ʋ leŋe la bɩ jɩŋ wɩɩ-la tʋɔŋ la sɩ hɛ. Ʋ leŋe la nagɛ pupo-wuoluŋ nɛ. Ʋ paala liŋ nɛ a nagɛ dɩmɩŋ, a vɔgɛ, aŋ nyɛ ta.

NAHUM 2:10

Ba chei tabal-la kala nɛ ʋ pɩŋ hoi, kʋŋkala bɩra tuo ʋ lɛ. Fawʋllʋŋ kɛmba ba chichel, ba nandaasɩŋ kala yʋɔrɛ, ba sɩaa ma bibiri.

NAHUM 2:2

Iziral tɩŋŋaa dʋndɔŋŋɔɔ chei ba tinteeŋ nɛ, ama La TƖƖNA jaŋ leŋ dɩ Iziral tɩŋŋaa bɩra kɛŋ tʋla arɩ ʋ fa sɩ nagɛ ŋɩɩ.

ZEFANAAYA 1:12

Tapʋlɩɩ-la mɩ jaŋ nyɩgɛ chaanɩŋ a gbilli Jerusalɛm a dɔgɩsɛ nɩalɩŋ sɩ bɩ sɩɩfɩɛsɩŋ kɛnɛ, nɩalɩŋ sɩ nagɛ sɩnɩŋ ba sɩ nyʋa aŋ ka bʋbʋɔŋ, nɩalɩŋ sɩ bɩɩna mɩ-na ba TƖƖNA bɩ jaŋ ŋaa ba wɩɩkala, wʋzɔŋ koo wʋbɔŋ.

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’