JƐRƖMAAYA 46:6 - WƖA TENIŊ

⁶ Nɩalɩŋ naaŋ sɩ lɩma bɩ jaŋ fá viiri koo nɩalɩŋ sɩ dolie fori. Ba gɛrɛ nɛ a tel wɩɩpɔsʋŋ nagʋa dɩɩrɩŋ a kpagɛ Yufireti fuo-la.

JƐRƖMAAYA 46:6 ပူးပေါင်းရင်းမြစ်များ

2 KUOROO 23:29

Bʋa-la lɛ Josaaya fa sɩ ŋaa kuoro, Ijipiti tinteeŋ kuoro Neko fa kɛŋ ʋ laalɩyuoroo mʋ Yufireti fuo-la dɩ ʋ pɛ Asiiria kuoro lɛ. Ŋɩɩ nɛ Josaaya arɩ laalɩyuoroo ma mʋ chemba ba yuo laalɩŋ, ama ba kpʋ Josaaya Mɛgɩdɔ lɛ.

2 KUOROO 24:7

Ŋɩɩ nɛ Ijipiti tinteeŋ kuoro Neko arɩ ʋ laalɩyuoroo bɩra bɩ ba tinteeŋ lɛ lɩa dɩ ʋ yuo Juda tinteeŋ nɩaa, bɛɛ wɩaa Babɩlɔŋ kuoro fa laa Ijipiti tinteeŋ kala nɛ, a chɩŋ fuo-la ba sɩɩ yɩrɛ Yufireti a kaa mʋ yi Ijipiti tinteeŋ wɩɩpɔsʋŋ nagʋa bʋa.

WƖA YƖƖLAA 27:2

Dɩ nɩbɔŋŋɔɔ nɛ gollimi a wʋwalɩmɛ dɩ ba kpʋmɛ, dɩ mɩ dʋndɔŋŋɔɔ nɩɩ yuomi, ba jaŋ gɛrɛ tel.

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

AZAAYA 8:15

Ba nɩaa jaŋ yʋgɛ a gɛrɛ tel a nyʋgʋsɛ, bɛrɩsɩŋ jaŋ kɛsɛba.”

JƐRƖMAAYA 1:14

La TƖƖNA bʋla pɩmɛ, “Wʋlɔrʋŋ jaŋ lɩɩ wɩɩpɔsʋŋ nagʋa a kʋ jʋʋ nɩalɩŋ kala sɩ hɛ tintee-la lɛ.

JƐRƖMAAYA 20:11

Ama La TƖƖNA hɛ mɩ teeŋ nɛ a nagɛ laalɩyuori babii-balɩŋ. Ŋɩɩ wɩaa, nɩalɩŋ sɩ to naasɩŋ dʋdɔgɩsɛmɛ jaŋ gɛrɛ tel, ba bɩ jaŋ yuo diimi. Ba jaŋ yuo lɔl, dɩ hɩɩsɩŋ chaasa diiba. Nɩaa bɩ jaŋ kɔ dɩ ba yʋ hɩɩsɩ-la sɩ diiba wɩaa.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 4:6

Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 46:12

Tinteyee nɩaa jaŋ nɩɩ hɩɩsɩ-la sɩ diima wɩaa. Ma nii-ŋmobo jaŋ su dʋnɩa kala. Ma bayuoroo jaŋ gɛrɛ dɔŋɔba, a kala tele hɛ dɔŋɔ.”

JƐRƖMAAYA 46:16

Ba jaŋ gɛrɛ dɔŋɔ bʋlɩa bʋlɩa, a tele daŋ dɔŋɔ nyuŋ. Ba jaŋ bʋl, ‘Má sii, má leŋ dɩ la mɩɩra mʋ la tɩtɩa tinteeŋ, la nɩaa teeŋ, a kagɛ laal-la la dʋndɔŋŋɔɔ sɩ kaa pɛsɛ la lɛ.’

JƐRƖMAAYA 50:32

Sɩɩ-duo tɩɩna-la jaŋ gɛrɛ tel, nʋʋkala bɩ jaŋ pɛ ʋ lɛ dɩ ʋ sii. Mɩ jaŋ chol nyiniŋ hɛ ʋ tasɩŋ lɛ dɩ ʋ dii nɩalɩŋ sɩ gollu.”

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

DANƖƐL 11:19

Wɩɩŋ deeŋ harɩŋ lɛ ʋ jaŋ mɩɩra joŋ ʋ sɩaa chaasɛ ʋ tinteeŋ dɩɩ-duoruŋ dɩ ʋ yuo paa kɩaa, ama ŋɩɩ lɛ nɛ ba jaŋ kpʋʋ, dɩ ʋ wɩaa dɛrɛ.

DANƖƐL 11:22

Ʋ jaŋ yuo dii laalɩyuori-daŋ, a pɛ Wɩɩsʋllɩ sɩpaalaaraa nɩhɩaŋ lɛ a cheiba.