JƐRƖMAAYA 46:5 - WƖA TENIŊ

⁵ Bɛɛ kʋŋ nɛ mɩ nɩna? Fawʋllʋŋ kɛmba nɛ, ba mɩɩra fɩfá nɛ, ba yuo dii ba laalɩyuoroo nɛ. Baa fa nɛ lɩma lɩma, ba bɩ harɩŋ ka daasɛ, fawʋllʋŋ golliba chu nɛ. Mɩ-na ma TƖƖNA nɛ bʋla.

JƐRƖMAAYA 46:5 ပူးပေါင်းရင်းမြစ်များ

WƖAA DƖ-SUOMUŊ 19:17

Ba sɩ kɛmba lɩɩ dɛrɛ, ŋɩɩ nɛ Wɩa tɩndaara-la dɔŋɔ bʋla pɩba, “Má fá a laa ma mɩɩsɩŋ! Má sɩ́ harɩŋ daasʋ, a sɩ́ lee-kala ma chɩŋ! Má fá jɩl peele-la nyuŋ, dɩ ŋɩɩ dee ma jaŋ sʋʋ.”

AZAAYA 13:8

Fawʋllʋŋ jaŋ kɛmba, hɛɛŋ arɩ tʋɔ-cheeŋ jaŋ jʋʋba, ba hɛɛŋ jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ. Ba jaŋ gɩgɩɛnɛ dɔŋɔ, dɩ ba sɩaa fɩɛsɛ a nagɛ nyiŋgeliŋ.

AZAAYA 19:16

Tapʋlɩɩ-la La TƖƖNA sɩ jaŋ dɔgɩsɛ Ijipiti tɩŋŋaa, ba kala jaŋ nagɛ haalaa. Fawʋllʋŋ jaŋ jʋʋba dɩ ba chichel, dɩ ba nɛ na La TƖƖNA doluŋ kala Tɩɩna dɩ ʋ je ʋ nɩsɩŋ ba lɛ.

AZAAYA 42:17

Ama nɩalɩŋ sɩ joŋ ba yɩɛlaa kala a daŋ vesiŋ lɛ, a bʋl ‘Ma nɛ la wɩa,’ ba wɩaa jaŋ mʋ harɩŋ dɩ hɩɩsɩŋ diiba.”

AZAAYA 5:25

Ŋɩɩ wɩaa La TƖƖNA na baanɩŋ nɛ ʋ nɩaa nyuŋ, a kɛŋ ʋ tɩtɩa hɛ dɔŋɔ dɩ ʋ kpʋ ʋ nɩaa. Peelee jaŋ jigisi dɩ nɩaa sʋʋ a yieni a nagɛ nʋsʋrʋŋ sɩ pɩŋ womporoo lɛ. Wɩaa deemba kala jaŋ ŋaa ka ʋ baanɩŋ ha bɩ jaŋ fɩɛlɛ, ʋ ha kɛŋ ʋ tɩtɩa hɛ dɔŋɔ nɛ dɩ ʋ dɔgɩsɛ ʋ nɩaa.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

JƐRƖMAAYA 46:15

Bɛɛ nɛ tɩɩ ma bayuoroo pɩŋ tinteeŋ? Ba bɩ wuo chɩŋ, bɛɛ wɩaa mɩ-na ma TƖƖNA jaŋ yigiba lo.

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 49:29

Má laa ba piesee arɩ ba lɛŋŋɛɛ, ba lɛŋŋɛɛ patɩɩsamba arɩ ba kɩaa. Má laa ba bʋntaŋŋaba. Má ŋaa goŋ a bʋla pɩba, ‘Fawʋllʋŋ hɛ lee-kala nɛ.’

JƐRƖMAAYA 49:5

Mɩ jaŋ leŋ dɩ nɩalɩŋ sɩ hɔnɔ gollima fawʋllʋŋ kɛmma. Mɩ-na ma TƖƖNA doluŋ kala Tɩɩna nɛ bʋla. Ba jaŋ kiri ma kala ta. Nʋʋkala bɩ jaŋ kɛŋ nɩalɩŋ sɩ fa pɩsɛ kʋ hɛ dɔŋɔ.

JƐRƖMAAYA 6:25

Má pɔ ma sɩ́ pɔkɔŋ nyuŋ jɩl a sɩ́ wombiee ma lɛ vɛŋ, bɛɛ wɩaa la dʋndɔmɔ-la kori tokobiee nɛ, fawʋllʋŋ hɛ lee-kala.

ƐZƖKƖƐL 32:10

Mɩ jaŋ leŋ dɩ ŋ wɩaa kperi tintee daŋ, dɩ mɩ nɛ kɛŋ mɩ tokobiiŋ viisi ba nyusuŋ, fawʋllʋŋ jaŋ kɛŋ ba kuoroo dɩ ba chichel. Tapʋlɩɩ-la ŋ sɩ jaŋ tel, ba kʋŋkala jaŋ chichel bʋa na-kala lɛ a tɩŋ ʋ mɩɩsɩŋ wɩaa.

ƐZƖKƖƐL 39:18

Ma jaŋ dii laalɩyuoroo kʋsʋʋnʋŋ, aŋ nyʋa dʋnɩa kuoroo chalɩŋ. Ma jaŋ chaŋ nɩaa deemba kala a nagɛ pie-belliŋ koo pie-pɔrɔɔ, koo bʋʋnaa koo nɛ-belliŋ. Ma kala nagɛ pʋsʋŋ sɩ nɛrɛ nɛ a lɩɩ Basaŋ tinteeŋ.

NAHUM 2:8

Nɩnɩvɛ nagɛ pɩlɩŋ sɩ yɛrɛ nɛ ʋ lɩɩŋ pɛllɛ lɩɩ. Ba dɔnsʋŋ ŋmoo niiŋ a bʋl, “Ma leŋ, ma leŋ,” ama nʋʋkala bɩ gɛlɛ daasɛ.

NAHUM 2:9

Má paa ba hɔpʋla. Má paa ba sɛlɩmɛ. Ba dʋa-la kala ba sɩ bile bɩ kʋ-dɛrɩɩ ŋaa.

ZEFANAAYA 1:14

La TƖƖNA tapʋl-bal-la kpaga nɛ, ʋ kpaga nɛ a kʋkɔ lɩma lɩma. Má jegile nɩɩ, La TƖƖNA tapʋlɩɩ-la nɩaa jaŋ ŋmoo niiŋ bagɛ-bagɛ, laalɩyuori wajɩa ma jaŋ paala ŋmoo niiŋ.