JƐRƖMAAYA 46:14 - WƖA TENIŊ

¹⁴ “Má heele bʋl wɩɩŋ deeŋ Ijipiti arɩ Mɩgɩdɔl lɛ. Má heele bʋlʋ Memfis arɩ Tapanhɛs ma lɛ: ‘Má chɩŋ ma dɩchɩnaa a ŋaa siri, bɛɛ wɩaa laalɩŋ ka dii nɩalɩŋ sɩ gollima nɛ.’

JƐRƖMAAYA 46:14 ပူးပေါင်းရင်းမြစ်များ

2 SAMƲƐL 2:26

Abɩna yɩrɛ Jʋab a pɩɛsʋ, “Ʋ maga dɩ la kpʋkpʋ dɔŋɔ deeŋ deeŋ nɛɛ? Ŋ bɩ jɩŋ ʋ ŋɩɩ harɩŋ jaŋ kɛŋ tʋɔ-cheeŋ a pɩla? Ɛɛ nɛ ŋ chɛ ʋ diene magɛ ka dɩ ŋ kiri ŋ nɩaa dɩ ba sɩ́ ba naambiiriŋ harɩŋ kire to?”

MOSIS KƐŊ IZIRAL TƖŊŊAA LƖƖ 14:2

“Bʋla pɩ Iziral tɩŋŋaa dɩ ba mɩɩra mʋ hɔŋ a kpagɛ lee-la ba sɩɩ yɩrɛ Pɩ-Hahɩrɔf, a hɛ Mɩgɩdɔl arɩ mʋgʋ-balɩŋ pɛgɛ a chaasɛ Baal-Zɛfɔŋ.

AZAAYA 1:20

Ama dɩ ma nɛ vɩa mɩ niiŋ aŋ to ma nyuduoŋ lɛ, ma dʋndɔŋŋɔɔ jaŋ kpʋma.” La TƖƖNA nɛ bʋla.

AZAAYA 19:13

Zʋaŋ tɩntɩnnɩ-hɩasɩŋ bɩrɩmɛ nɩyaara nɛ, nɩaa nyɩsɛ taŋ-la ba sɩɩ yɩrɛ Memfis sɩpaalaaraa nɛ. Ijipiti tinteeŋ sɩpaalaaraa kala leŋe Ijipiti tɩŋŋaa yeŋŋi nɛ.

AZAAYA 31:8

Asiiria tɩŋŋaa jaŋ sʋʋ laalɩŋ lɛ, ama nuhuobiine doluŋ dee bɩ jaŋ kpʋba. Ba jaŋ fá, ka ba kɛsɛ ba bapʋɔsaa dɩ ba ŋaa yosi a fʋgɛba hɛ dɩ ba tɩtɩŋ.

AZAAYA 34:6

La TƖƖNA tokobiiŋ kala tɔ chalɩŋ arɩ nʋʋŋ nɛ a nagɛ ba sɩ kpʋ pie-pɔrɔɔ arɩ bʋʋnaa a ŋaa Wɩɩsʋlʋŋ. La TƖƖNA kpʋ Wɩɩsʋlʋŋ pʋsʋŋ nɛ woruŋ tabal-la ba sɩɩ yɩrɛ Bozira, Ɛdɔm tinteeŋ lɛ.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 2:16

Memfis arɩ Tapanhɛs baalaa fʋŋ ma nyu-gbansɩŋ nɛ a hɛ ma hɩɩsɩŋ.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 44:1

La TƖƖNA bʋl wɩaa a pɩ Jɛrɩmaaya a mʋ tɩgɛ Juu tɩmma-la kala sɩ hɛ Ijipiti tinteeŋ leree deemba lɛ, Ijipiti sɛmɛ-la sɩ hɛ bʋbʋɔŋ dɩɩrɩŋ, Mɩgɩdɔl, Tapanhɛs arɩ Memfis a pɛ Ijipiti sɛmɛ-la ma sɩ hɛ nyuŋ dɩɩrɩŋ.

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 46:19

Má paa ma kɩaa a ŋaa siri dɩ ma mʋ yoŋ-baga, ma nɩalɩŋ sɩ hɛ Ijipiti lɛ, bɛɛ wɩaa, Memfis jaŋ pɩŋ hoi a cheye pɩŋ, nʋʋkala bɩ jaŋ hɛ nɩmɛ.

JƐRƖMAAYA 46:2

Ʋ bʋl wɩaa a mʋ tɩgɛ Ijipiti tinteeŋ kuoro Neko laalɩyuoro-la lɛ nɛ, ba nɛ Babɩlɔŋ kuoro Nebukadineza yuo dii Kakɛmɩs sɩ kpagɛ Yufireti fuo-la lɛ ŋɩɩ. Bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ ŋɩɩ. La TƖƖNA sɩ,

ƐZƖKƖƐL 21:28

Nuhuobiiŋ, bʋl wɩaa mɩ doluŋ lɛ, wɩɩ-la mɩ-na ma TƖƖNA Wɩɩjarɩbakɔ sɩ bʋla a tɩgɛ Amɔŋ tɩmma-la sɩɩ tʋʋsɛ Iziral joŋoo lɛ nɛ ŋ-la: ‘Tokobiiŋ, tokobiiŋ nɛ ba lɩɩsɛ dɩ ba kaa kpʋ nɩaa. Ba chɛsʋ nɛ ʋ tʋtʋl a lɩlɩgɩsɛ a nagɛ duonuŋ sɩɩ lɩgɩsʋ.

ƐZƖKƖƐL 30:13

La TƖƖNA Wɩɩjarɩbakɔ bɩra sɩ, “Mɩ jaŋ chei ba tɔŋŋɔɔ a leŋ dɩ vesiŋ sɩ hɛ taŋ-la ba sɩɩ yɩrɛ Memfis lɛ wɩaa dɛrɛ. Nʋʋkala jaŋ tuo sɩ jaŋ beŋ Ijipiti tinteeŋ, mɩ jaŋ leŋ dɩ fawʋllʋŋ kɛŋ nɩalɩŋ kala sɩ hɛ tintee-la lɛ.

HOSIA 9:6

Dɩ ba nɛ paala foro fá ba bɩ ba kpʋa ma, Ijipiti nɩaa-na jaŋ dɛrɛba, dɩ ba hugiba lee-la ba sɩɩ yɩrɛ Memfis Ijipiti tinteeŋ lɛ. Lere-la ba sɩ bil ba warɩpʋla jaŋ lugi a bɩrɩmɛ tiiŋ aŋ ka dɩ sɔsʋŋ ma nyʋ tɔ ba dɩɩsɩŋ.

NAHUM 2:13

La TƖƖNA doluŋ kala Tɩɩna sɩ, “Mɩ chɩŋ ŋ lɛ nɛ. Mɩ jaŋ nyɩgɛ ŋ janɩŋ torukoba aŋ kpʋ ŋ laalɩyuoroo arɩ tokobiiŋ. Mɩ bɩ jaŋ leŋ kʋŋkala a pɩŋ tinteeŋ lɛ. Nʋʋ bɩra bɩ jaŋ nɩɩ ŋ tɩndaara-la sɩɩ fugisi nɩaa yikoro.”

MOSIS BƖRA WULLI WƖA WOMBIIŊ 32:42

Mɩ to-hɛŋŋɛɛ jaŋ jʋʋba dɩ ba chalɩŋ jaasɛ, mɩ jaŋ kɛŋ tokobiiŋ a kpʋ nɩalɩŋ kala, nɩalɩŋ sɩ pɩra arɩ nɩalɩŋ ba sɩ yuo kɛsɛ arɩ ba sɩpaalaaraa kala.”