JƐRƖMAAYA 46:10 - WƖA TENIŊ

¹⁰ Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 46:10 ပူးပေါင်းရင်းမြစ်များ

2 KUOROO 24:7

Ŋɩɩ nɛ Ijipiti tinteeŋ kuoro Neko arɩ ʋ laalɩyuoroo bɩra bɩ ba tinteeŋ lɛ lɩa dɩ ʋ yuo Juda tinteeŋ nɩaa, bɛɛ wɩaa Babɩlɔŋ kuoro fa laa Ijipiti tinteeŋ kala nɛ, a chɩŋ fuo-la ba sɩɩ yɩrɛ Yufireti a kaa mʋ yi Ijipiti tinteeŋ wɩɩpɔsʋŋ nagʋa bʋa.

JOB 24:1

Bɛɛ nɛ tɩɩ La TƖƖNA doluŋ kala Tɩɩna bɩ bʋa-la lɛ, ʋ sɩ jaŋ dii nɩaa sarɩya lɩɩsa bil? Bɛɛ nɛ tɩɩ nɩalɩŋ sɩ jɩmʋ bee chɩchɛ ŋɩɩ tapʋlʋŋ, a bɩ ʋ ka na?

AZAAYA 13:6

Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.

AZAAYA 2:12

Tapʋlɩɩ-la, La TƖƖNA doluŋ kala Tɩɩna jaŋ leŋ dɩ nɩalɩŋ sɩɩ bigisi ba tɩtɩa lɛ arɩ nɩalɩŋ sɩ kɛŋ ba tɩtɩa je sɩaa tuu tinteeŋ.

AZAAYA 31:8

Asiiria tɩŋŋaa jaŋ sʋʋ laalɩŋ lɛ, ama nuhuobiine doluŋ dee bɩ jaŋ kpʋba. Ba jaŋ fá, ka ba kɛsɛ ba bapʋɔsaa dɩ ba ŋaa yosi a fʋgɛba hɛ dɩ ba tɩtɩŋ.

AZAAYA 61:2

Ʋ sɩ mɩ heeli arɩ jɩna-la ʋ-na La TƖƖNA sɩ jaŋ pɛ ʋ nɩaa lɛ arɩ tapʋlɩɩ-la ʋ-na Wɩa sɩ jaŋ joŋ ʋ baanɩŋ a fɩɩsɛ ʋ dʋndɔŋŋɔɔ lɛ yie nɛ, ʋ jaŋ nyagɛ nɩalɩŋ ma sɩɩ yel bɔyɛ.

AZAAYA 63:4

bɛɛ wɩaa tapʋlɩɩ-la mɩ sɩ jaŋ joŋ mɩ baanɩŋ fɩɩsɛ mɩ nɩaa dʋndɔŋŋɔɔ lɛ, aŋ laa mɩ nɩaa ta jɩna-la yie nɛ.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 46:14

“Má heele bʋl wɩɩŋ deeŋ Ijipiti arɩ Mɩgɩdɔl lɛ. Má heele bʋlʋ Memfis arɩ Tapanhɛs ma lɛ: ‘Má chɩŋ ma dɩchɩnaa a ŋaa siri, bɛɛ wɩaa laalɩŋ ka dii nɩalɩŋ sɩ gollima nɛ.’

JƐRƖMAAYA 46:2

Ʋ bʋl wɩaa a mʋ tɩgɛ Ijipiti tinteeŋ kuoro Neko laalɩyuoro-la lɛ nɛ, ba nɛ Babɩlɔŋ kuoro Nebukadineza yuo dii Kakɛmɩs sɩ kpagɛ Yufireti fuo-la lɛ ŋɩɩ. Bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ ŋɩɩ. La TƖƖNA sɩ,

JƐRƖMAAYA 46:6

Nɩalɩŋ naaŋ sɩ lɩma bɩ jaŋ fá viiri koo nɩalɩŋ sɩ dolie fori. Ba gɛrɛ nɛ a tel wɩɩpɔsʋŋ nagʋa dɩɩrɩŋ a kpagɛ Yufireti fuo-la.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 50:18

Ŋɩɩ wɩaa, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Mɩ jaŋ dɔgɩsɛ Babɩlɔŋ kuoro arɩ ʋ tinteeŋ nɩaa a nagɛ mɩ sɩ dɔgɩsɛ Asiiria kuoro ŋɩɩ.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

ƐZƖKƖƐL 21:28

Nuhuobiiŋ, bʋl wɩaa mɩ doluŋ lɛ, wɩɩ-la mɩ-na ma TƖƖNA Wɩɩjarɩbakɔ sɩ bʋla a tɩgɛ Amɔŋ tɩmma-la sɩɩ tʋʋsɛ Iziral joŋoo lɛ nɛ ŋ-la: ‘Tokobiiŋ, tokobiiŋ nɛ ba lɩɩsɛ dɩ ba kaa kpʋ nɩaa. Ba chɛsʋ nɛ ʋ tʋtʋl a lɩlɩgɩsɛ a nagɛ duonuŋ sɩɩ lɩgɩsʋ.

JOWƐL 1:15

Tapʋlɩɩ-la kpaga nɛ. La TƖƖNA tapʋlʋŋ kpaga nɛ, doluŋ kala Tɩɩna jaŋ chei leriŋ tapʋlɩɩ-la.

JOWƐL 2:1

Má ŋmʋʋ banyile Zaayɔŋ lɛ. Má ŋmoo doworo mɩ peel-la sɩ bɩ disiniŋ kɛnɛ nyuŋ. Nɩalɩŋ kala sɩ hɛ tintee-la lɛ, má chichel, bɛɛ wɩaa La TƖƖNA tapʋlɩɩ-la ka kɔ nɛ. Ʋ kpaga nɛ.

ZƐKARƖYA 6:6

Laalɩŋ janɩŋ toruko-la sɩ kɛŋ ja-bisiŋ ka mʋ wɩɩpɔsʋŋ nagʋa dɩɩrɩŋ tinteeŋ nɛ, kʋ-la ma sɩ kɛŋ ja-pʋllʋŋ mʋmʋ wɩɩjʋʋlʋŋ dɩɩrɩŋ, kʋ-la ma sɩ kɛŋ ja-ŋmʋŋmʋnaa ka mʋ wɩɩpɔsʋŋ nadiiŋ dɩɩrɩŋ nɛ.”

Luuk 21:22

Tapʋlɩɩ-la Wɩa jaŋ dɔgɩsɛ Iziral nɩaa, a leŋ dɩ wɩalɩŋ kala ba sɩ bʋla Wɩa teniŋ tʋɔŋ sɛnɛ kʋ ŋaa.

MOSIS BƖRA WULLI WƖA WOMBIIŊ 32:42

Mɩ to-hɛŋŋɛɛ jaŋ jʋʋba dɩ ba chalɩŋ jaasɛ, mɩ jaŋ kɛŋ tokobiiŋ a kpʋ nɩalɩŋ kala, nɩalɩŋ sɩ pɩra arɩ nɩalɩŋ ba sɩ yuo kɛsɛ arɩ ba sɩpaalaaraa kala.”