JƐRƖMAAYA 45:1 - WƖA TENIŊ

¹ Josaaya nanʋala Jehoyakim sɩ dii Juda tinteeŋ kuoruŋ, ʋ jɩsɩŋ banɛsɛ lɛ nɛ Wɩa wʋlaabʋlla Jɛrɩmaaya bʋl wɩaa pɩ Neria nanʋala Baruk. Jɛrɩmaaya sɩ bʋl wɩalɩŋ ka Baruk ŋmʋnsa hɛ teniŋ lɛ ʋ ŋɩɩ harɩŋ, ʋ bʋl:

JƐRƖMAAYA 45:1 ပူးပေါင်းရင်းမြစ်များ

2 KUOROO 24:1

Jehoyakim kuoruŋ bʋa lɛ nɛ Babɩlɔŋ kuoro Nebukadineza kʋ yuo dii Juda tinteeŋ a kɛŋ Jehoyakim a fʋgʋ hɛ ʋ tou jɩsɩŋ batori. Ŋɩɩ harɩŋ lɛ nɛ ʋ vɩa Nebukadineza harɩŋ tonuŋ.

2 IZIRAL TƖŊŊAA NAABARƖŊ 36:5

Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala. Ʋ fa ŋaa wʋbɔŋŋɔɔ nɛ ʋ TƖƖNA Wɩa teeŋ.

JƐRƖMAAYA 25:1

La TƖƖNA bɩra bʋl wɩaa pɩ Jɛrɩmaaya a mʋ tɩgɛ Juda nɩaa lɛ, bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ, dɩ Nebukadineza ma sɩ dii Babɩlɔŋ kuoruŋ, ʋ jɩ-bumbuŋ lɛ nɛ ŋɩɩ.

JƐRƖMAAYA 26:1

Josaaya nanʋala Jehoyakim sɩ dii Juda tinteeŋ kuoruŋ, ʋ bɩ diene ka La TƖƖNA bʋl wɩɩŋ deeŋ a pɩ mɩ-na Jɛrɩmaaya:

JƐRƖMAAYA 32:12

a joŋo pɩ Baruk sɩ ŋaa Neria nanʋala, aŋ ŋaa Maasɛya ma nihiŋ. Mɩ ŋaa ŋɩɩ nɛ mɩ naambie Hanamɛl sɩɩŋ lɛ arɩ nɩalɩŋ kala sɩ paa ba neniee a ŋaa pɛ-naaraa, arɩ Juu tɩmma-la kala sɩ hɔŋ nɩalɩŋ sɩɩ pɔ leriŋ kaala-la lɛ.

JƐRƖMAAYA 32:16

Mɩ sɩ joŋ tenni-la sɩ daga arɩ mɩ yɔɔ tintee-la a pɩ Neria nanʋala Baruk a dɛrɛ, mɩ sʋl La TƖƖNA a bʋl,

JƐRƖMAAYA 36:1

Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ, La TƖƖNA bʋl wɩɩŋ deeŋ a pɩ Jɛrɩmaaya:

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 36:26

aŋ mɩɩra bʋla pɩ kuoro nanʋala Jɛramɛɛl, Azɩrɩɛl nanʋala Sɛraaya arɩ Abɩdɛɛl nanʋala Sɛlɛmaaya dɩ ba kɛŋ Baruk sɩ ŋaa Wɩa teniŋ kerichi arɩ Wɩa wʋlaabʋlla Jɛrɩmaaya. Ama La TƖƖNA kɛmba faa nɛ.

JƐRƖMAAYA 36:32

Ŋɩɩ nɛ Jɛrɩmaaya bɩra joŋ teniŋ dɔŋɔ a pɩ Neria nanʋala Baruk sɩ ŋaa Wɩa teniŋ kerichi. Ŋɩɩ nɛ Jɛrɩmaaya bʋl wɩalɩŋ, Baruk ŋmʋnsɛba hɩhɛ teŋ-la lɛ, wɩalɩŋ kala fa sɩ hɛ teŋ-la Juda kuoro Jehoyakim sɩ nyɩga tʋɔŋ. Ba ŋmʋnsɛ wʋdaŋ sɩ nagɛ bumbuŋ wɩalɩŋ nɛ a pɛ.

JƐRƖMAAYA 36:4

Ŋɩɩ nɛ Jɛrɩmaaya yɩrɛ Neria nanʋala Baruk, a bʋbʋl wɩalɩŋ kala La TƖƖNA sɩ bʋla pʋ, ka Baruk ŋmʋnsa hɩhɛ teniŋ lɛ.

JƐRƖMAAYA 45:2

“Wɩɩ-la La TƖƖNA, Iziral tɩŋŋaa Wɩa sɩ bʋla pɩ ŋ-na Baruk nɛ ŋ-la:

JƐRƖMAAYA 46:2

Ʋ bʋl wɩaa a mʋ tɩgɛ Ijipiti tinteeŋ kuoro Neko laalɩyuoro-la lɛ nɛ, ba nɛ Babɩlɔŋ kuoro Nebukadineza yuo dii Kakɛmɩs sɩ kpagɛ Yufireti fuo-la lɛ ŋɩɩ. Bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ ŋɩɩ. La TƖƖNA sɩ,

JƐRƖMAAYA 51:59

Tɩndaarɩɩ-la Jɛrɩmaaya sɩ joŋo pɩ tɩntɩnnɩ-hɩaŋ Sɛraaya, Neria nanʋala sɩ ŋaa Maasɛya nihiŋ nɛ ŋ-la, bʋa-la lɛ ʋ dɩ Juda kuoro Zedikaaya sɩ mʋ Babɩlɔŋ tinteeŋ, dɩ Zedikaaya sɩ dii kuoruŋ ʋ jɩ-nɛsɛ lɛ nɛ ŋɩɩ.

DANƖƐL 1:1

Jehoyakim sɩ dii Juda tinteeŋ kuoruŋ ʋ jɩ-tori lɛ nɛ, Babɩlɔŋ kuoro Nebukadineza kʋ golli Jerusalɛm kala chu a yuou.